ليش المرأة غييييييييييييييييير ؟؟
 

ليش المرأة دايما هي اللي تسكت وتداري ؟؟

ليش المرأة دايما هي اللي يهمها انها تحافظ على بيتها ؟؟

ليش المرأة هي اللي تدور للرجل عن المفاجئات والرومنسية ؟؟

ليش المرأة هي اللي لازم تنقهر وتجلس في بيتها ؟؟

وليش كل ما تصير مشكلة سببها الراجل تتحمل ؟؟

وليش دايما المطلقة غير عن المطلق ؟؟

وليش الرجال يخرج ويروح ويجي والمرأة لأ ؟؟

ليش الرجل يتحكم في المرأة ؟؟

وليش لازم تسمع كلامه ؟؟

ليش لمن ابغى اروح اتطلق ادفع نصف المهر ؟؟

وليش بنتي تعيش معاه ؟؟

وليش وليش وليش ؟؟

خايفة أكمل واقول ليش هو اللي في يده الطلاق أو ليش هو ما يغطي ؟؟

انا مو قصدي ليش ربنا خلانا كدا عارفه انه ربنا في كل شئ له حكمة ..

ولا قصدي كل الرجااااااااال .... زوجي ...

لكن انا مقهورة ليش لمن زوجي اسمعه باذني يخونني اخاف اخرج من بيتي ؟؟

انا ما عندي اولاد بس ولدي في بطني له 7شهور ... خايفة عليه

ليا سنة و 5 شهور متزوجة .. من شهرين من زواجي وزوجي يكلم بنات ..

الين اليوم يمكن 10 مرات واجهته ..... 10 مرات تقريبا كل مره حده غير وكل مره عذر غير

مره كلمت امه وبعدها كمان كلمتها اخر مره كلمت امه وابوه وجلسوا معاه وكلموه ..

اليوم مني عارفة كيف اتصرف

المشكلة اني اختبر وسنة تخرج يعني المفروض مافي شئ يشغلني بس آآآآآآآآه

ايش اسوي اكلم اهلي ؟؟

ولا اروح اجلس عندهم ولا ايش اعمل مني عارفة ؟؟

في النهاية الإنسان له كرامة له عزة نفس انا الين متى اتحمل ؟؟

الين متى راح اشوف واطنش مني عااااااااااااارفة خلاص

ياليت ربنا ياخدني ويريحني من الهم اللي انا فيه

أشكر أختي مجرد رومانسية فقد أجادت وأفادت....
أختي الغالية الانسان في هذه الدنيا مبتلى وهذه الدنيا دار مصائب وهموم قال تعالى( لقد خلقناالانسان في كبد) فمن صبر فله الرضا من الله والجنة ومن سخط فله السخط ولا تيأسي من فرج الله فإن فرج الله قريب...وعليك بالدعاء الدعاء الدعاء
وأما من ناحية زوجك فأنصحك بالوقوف بحزم أمام تصرفاته فإنها لا يمكن قبولها ولو لزم الأمر أن تذهبي لبيت أهلك ولا ترجعين اليه الا إذا تعهد لك بعدم العودة إلى ماكان يفعل

شكرا لكم على الرد


لكني لست انسانة سيئة وليست تلك افكاري ..

انا اعلم أن كل شئ خلقه الله لحكمة ولهدف ولو كنا غافلون عن بعضها ..

واعلم ان الله يبتلي الانسان المؤمن ..

ومن منا لا توجد لديه مشاكل وهموم ..

لكني لم اعرف لمن اتحدث لا اريد لأحد أن يفكر أو يظن به الظنون

اريد من الكل احترامه والحديث عنه بكل شئ طيب

لا اريد الاساءة اليه

وشكرا مرة اخرى على الرد والله يهديه يارب

الله يعينك ..


انتي حامل الآن ونفسيتك تعبانه


وعشان كذا اسلوبك فيه تذمر من وضع المرأه ..


لكن زي ما قال اخونا من رضي فله من الله الرضا والجنه ومن سخط فله السخط ..


انتي هدئي اعصابك ولا تفكرين كثير عشان الحمل وصحتك لا تتعب ...

واوقفي من زوجك موقف حازم ...

من الواضح انه زوجك يحب الكلام مع البنات يمكن مو لبناء علاقة حب خصوصا اذا علاقتكم طيبه مع بعض ..

يمكن بس لمجرد الكلام والتسليه ..

شوفي زوجك وش يدور .. يعني مدامها عشر مكالمات لبنات مختلفات معناتها ما انسجم مع ولا وحده ..

شوفي وش يحب في البنت وخليكي على اللي يبغى ..


واذا كنتي اوكي بكل شي وهو بس يكلم بنات معناتها زوجك يدور التسليه وهي فتره وراح تعدي ان شاء الله ..



وتذكري يمكن يكون يتمتع بمميزات ما تلاقينها عند غيره لكن فيه هذا العيب ,,ولا فيه احد كامل .

الله يهديه ..

وبالتوفيق ..

جمان البحر مشكور على الرد

الحمدلله انا اعتبر حياتي سعيدة اذا انتهى هذا الموضوع على خير

كل شئ فيه طيب ومخاصماتنا كأي زوجين لأسباب تافهه ماعادا هذا الموضوع هو اللي مخرب حياتي

اتمنى تكون نزوة وتعدي اتمنى يكون فترة ويبغى يتسلى

يمكن لأني مشغولة عنه في كليتي وأشغالي

ان شاءالله يتغير الوضع بعد هذه اليومين الأخيرة في الكلية

وشكرا مرة تانية