|
خطيبتي تصارحني
أحلى سلام لأحلى شباب وشابات في المنتدى :23:
بصراحة أنا عندي مشكلة وياليتكم تساعدوني وتعطوني آرائكم خلوني أدخل بمشكلتي على طول المقدمة: أنا مملك على خطيبتي من شهرين وزواجنا بعد شهر ونص تقريبا إذا شاء الله تعالى ...... البنت هذي ماتقربلي ولا كنت أعرف عنها شي؛ أختي هي اللي خطبتها ليا ولقيت فيها 90% تقريبا من المواصفات الخلقية والأخلاقية اللي كنت أتمناها بشريكة حياتي وهذا بفضل ربي . . . وأنا وهي نكلم بعض بالتلفون يوميا من شهرين وزرتها بس مرتين لأنها بمنطقة بعيدة عني والحمدلله سمن على عسل . . . أختها اللي أكبر منها متزوجة من ولد عمتها الكبير من سنتين تقريبا وعمتها عندها ولد ثاني بعمري تقريبا . . المشكلة: أمس وهي تكلمني قالتلي "عمتي قبل ماتزوج ولدها الكبير لأختي قالتلي تمنيت أزوج عيالي الإثنين منكم(يعني هي وأختها) بس الظروف المادية ماتسمح" أنا لما قالتلي الكلمة هذي انجنيت وعصبت لأني أغار عليها بالمرررة وزعلت منها وقلتلها ماله داعي هذا الموضوع ومع السلامة . . أرسلتلي رسالة بعدها تتأسف وتقول والله ماقصدت شي . . . واليوم إتصلت علي الصباح تراضيني بس أنا كنت متضايق بالمرة ومارضيت عليها . . أنا ألحين أحس إنها تميل لولد عمتها و خايف إنها كانت تحبه . . بصراحة قلبت لي نفسيتي فوق تحت ولا ليا نفس أكلمها . . ساعدووووووني الله يخليكم:24: |
هههههههههههه يا حليلك ،، لا تعصب ولا يحزنون..
خطيبتك تبغى تقولك بطريقه غير مباشره انه هي مطلوبه من الجميع بس اختارتك انت.. تبغى تفهمك انه فيه ناس يبغوها بس ما قدروا يوصلولها... حركات بنات مكشوفه يا حليلها خطيبتك ... |
اخي الكريم حياك الله والله يسامحك0 بقولك هالشيء بضايق بس مالها الدرجة
لانو شي طبيعي انو البنت او الشب يتكلمو عن الاشياء الي صارت قبل الخطبة وحتى لو كان الامر عن شاب تقدملها يعني لو انت قلت لها انو كنت ناوي تخطب البنت الفلانية مارح تزعل أكيد بس هادى الزعل من الغيرة واحيانا اخي الغالي البنت تحب تحكي لخطيبها عن كثر المتقدمين لها قبل الارتباط بك من باب حسن نية انو هي بنت ذات خلق ولها سمعة طيبة ومن هذه الامور اخي بالله اتق الله في ظنك بها ولا تدع للشيطان عليك سبيلا قال تعالى (ان بعض الظن اثم) وزيح الوساوس الشيطانية عن راسك واستعذ بالله من الشيطان الرجيم وادعو الله ان يجمع بينكم بالمودة والرحمة والالفة اخوك ابو عبدو |
بعض البنات الله يهديهم مايعرفون يوزنون كلامهم قبل يقولونه !!!!
بس أنت يخوي لاتكبر الموضوع يمكن هي تبي تثير غيرتك بس !!! ويمكن قالت السالفة كذا بدون قصد !! وهذا الغالب .. ولاتخلي الشيطان يلعب عليك أصلا هي لو كانت تميل له مستحييييييييل تقولك عن السالفة وإن عمتها كانت تبي تخطبها !! والله رحمتها مسكينة تلاقي الندم مقطعها الحين، وبعدين خلاص يكفي أرسلت لك تعتذر وكلمت تراضيك وبعدك زعلان ؟؟!! لاتطول الزعل عشان يصير لزعلك قيمة بعدين ... |
المفروض انك تعرف ليه هي قالتلك عن ابن عمتها , انت بعدك بدك خبرة بحواء , هي مو قصدها انها بتفكر فيه او انها كانت بتحبه , اتوقع انه قصدها اتوضحلك انه هي بنت مرغوب فيها و طلبوها اشخاص قبلك حتى انه اتحسسك انك لازم تحمد الله و تشكره انها من نصيبك و انك لازم تتمسك فيها و تحبها اكتر , هاي الحركة بس لانها بتحبك و يمكن اكتر من ما انت بتحبها لهيك قالتلك هيك لتغار و تحسسها انك بتحبها اكتر مناي شخص بالدنيا .
هاد رأيي و ما عليك الا انك تفهمها و تسمع وجهت نظرها و بعدين احكم عليها و بصراحة ازا بدك من قبل الزواج تتحسس من كل شي بدها اتقولك اياه معناها رح اتقضوها مشاكل و زعل و الحياة قصيرة ما بتتحمل تعيشوها زعل |
والله متل ماقالو اخواني جزاهم الله خيرا
شغلت دللللللللللللللععععععع لا اكتر ولا اقل اسف اخي ع الكلمة هاي (بعرف عقلنا احنا الشباب اكبر من هيك) |
صدقني ما قالتلك الكلمه هذي
إلى من حسن نيتها ولو كانت تبيه ما كانت وافقت عليك من الأساس وصدقني البنت هذي طيبه وعلى نيتها وما من كلامها شي الله يوفقكم |
الحماقة أعيت من يداويها , وش له داعي كلامها
واضح أنه من حسن نية , لكن وش نفعت حسن النية نصيحتي لا تحاسب على الأمور العفوية لأنه ليس هناك تقصد لشخصيتك .. لكن يكفي هي عرفت كيف تتعامل معك غدا |
بعض البنات يقولون هالشي بحسن نيه او عشان تحس بمكانتها بقلبك او عشان تحسسك بالغيرة عليها الموضوع ما كان يستاهل كل هالزعل وهذا ان دل على شي دل على محبتك وغيرتك عليها :22: |
اقتباس:
انا اؤيد هذا الرد |
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©