|
دردشـة سـياحـية .. صــ 2007 ــيف
http://sherif68.250free.com/besmlhsherif.gif http://forum.hawaaworld.com/files/62836/salamalekom.gif شهر تقريباً بإذن الله .. وإجازة الصيف تكون قد بدأت في جميع مدن ودول العالم ومثل مانتم عارفين .. في هذا الوقت من كل عام .. يكثر السفر والمسافرون وتجد الكثيرين قبل ذلك يحددون وجهتهم .. ويخططون ويعدوّن لرحلتهم نحن هنا .. وفي هذا الطرح نريد الإستفادة من تجارب الجميع وخبراتهم فكرة الموضوع عبارة عن دردشة سياحية مفيدة عن صيف هذا العام بإذن الله مثلاً .. على وين رايحين هذا الصيف؟ إلى أي مدينة أو بلد ؟ وعلى أي أساس كان إختياركم ؟ هل من سابق تجربة أو إستكشاف جديد وأرض جديدة أعطينا معلوماتك عنها من خلال زيارتك لها .. بماذا تنصح .. ومن ماذا تحذّر ؟! ماهو أجمل شئ فيها .. وماهو أسواه ؟ لماذا تكررون الآن السفر لها؟ .. أو مالذي يدفعكم لزيارتكم الأولى من نوعها لها الآن ؟! كن دليلاً كاملاً وأعطنا معلومات أكثر فائدة ووضوح .. حتى تكون إضافتك مرجع مهم لغيرك في رحلته وتجواله .. فبعضهم قد يجعل كلماتك ونصائحك ورقة ذهبية وكـ شيك سياحي في جيبة .. لايمكن له السير دونه .. وأنا منهم :) من خلال هذا الطرح تتسع دائرة الأفق السياحي عند البعض .. فهنا قد نستكشف من خلالكم مكان جديد وأرض جديدة لم يخطر في بالنا يوماً أن نزورها .. لن نحصر الحديث في نقاط .. ولكن أتمنى الغرض من الطرح قد وصلكم .. كل ماتود معرفته أو الإفاده عنه ضعه هنا .. وستجد التجاوب من الجميع بإذن الله وأترك الميكرفون معكم الآن :) |
الحين احترت وين اشارك عندك ولا عند ابو فيصل 00 لكن ابشارك بالاثنين وكل مشاركه تجربه اخرى
بسم الله ابدا الوجهه خارج السعوديه والى بلد ازعجت فيه المنتدى والجيران وآخر الشارع دروا اني ابسافر الى ((تايلند)) الله يجيب العواقب سليمه يارب:26: طبعا مااخترتها من فراغ بل عقب اطلاع مكثف ودراسه لميزانيه هالسنه لقيت انها انسب شئ--- وحده مطفره:d والبلد امان على مايقولون اللي زاروها اطلعت على المنتديات اولا ثم سالت عن الفنادق والشقق والمنتجعات وجدت ان بانكوك رهيبه للتسوق وفوكيت اوبوكت للأستجمام والاستمتاع بالطبيعه الخلابه والشواطئ الزرقاء----- :17: اضافه الى شنق ماي لكن رسيت على تايلند وبوكيت المهم حجزنا على اريح خطوط وهالمره غيرت قبل على الخطوط الاماراتيه اما الان قلت اجرب الخطوط القطريه خاصه بعد الاطلاع على جدول رحلات الامارات لايوجد خط سير مباشر بل لابد من الانتظار اما في سانغفورا او هونج هونج 00 يعني دوخه راس 00 ويوم اطلعنا على القطريه رحلاتها افضل وخط سير مباشر (( طبعا نطلع من البحرين قطر تايلند00 الرجعه تايلند قطر البحرين)) المهم نجي للإ ستعدادات اهم شئ الجواز يكون صالح لمده سنه 00 اذا بقي له سته شهور لازم يجدد صوره من جوازك وجواز افراد العايله يكون في محفظتك وين ماتروح صوره لك ولأفراد العائله علشان الفيزا اللى بتطلعها من المطار بطاقه فيزا (احب استخدمها للسفر)) مااحب اكثر عفش لأني ابجي بالدبل 00 اهم شئ اذا كان هناك اطفال في الرحله لابد من اخذ معاكم(( علاج خافض للحراره 00 بانادول اطفال 00 مسكن قطره انف وعيون 000 لزاقات جروح مطهر )) لابد قبل السفر قراءه الاطلاع على قوانين البلد00(( لاتصيرون مثل صديقتي ذبت العلك في الشارع وغرموهم 500 ريال في سانغافورا)):d لابد من الاستعداد وكتابه جدول سياحي اما عن طريق مكتب سياحي او عن طريق المتديات والاطلاع يعني الواحد مايروح يدربي راسه للديره همن يجي يقول ماانبسطت :23: هذا اللي في بالي واذا تذكرت شي ابرجع |
اقتباس:
مشكور اخوي على الطرح وماندري نشارك هينا والا هناك ادعولي ربي ييسرلنا سفره هالصيفيه ولي عوده هناك او هينا لسرد حكايه سفرتي العام الماضي |
ماشاء الله تبارك الله اما على وين رايحين السنه هذي بنجلس في البلد نستناكم تروحوا تصيفوا وترجعوا
الحمدلله بس الي مصبرني ان جلستي بفايده بصراحه لاني ناقله على بيتي الجديد باذن الله كمان اسبوعين لذلك بصراحه مطفرين البيت اخذ كل الي حيلتنا عارفين التشطيب طبعا لكن نشوف ان كان احد طلع لنا بلد رخيص وكويس وابن حلال يمكن تتيسر اخر الاجازه خصوصا ان الدراسه تبدأ شهر 8 بالعربي يعني بقي كثير ان شاء الله تتيسر دعواتكم |
ديمو2006 ماشاءالله عليكِ؛ مسافرة وسياحية درجة أولى :22: وترى سفرتك لتايلاند كلنا مهتمين فيها ومتحمسين لها وشغلنا الشاغل مو بس لك؛ إلا لنا جميعاً :d وكل ماجا ذكر تايلاند من قريب ولا بعيد قلنا الله يوفق ديمو ويردها سالمه غانمة :d ومع الإعداد الرائع هذا نتوقع بإذن الله تقرير سياحي مميز >> بس مو أحسن من الأرخبيلات :15: بالتوفيق أختي؛ وعقبال مانقولك الحمدلله على السلامة ياجاية من السفر :21: jeans الله يسعدك أختي وييسر لك الخير وبالتأكيد ننتظر تقريرك هنا أو هناك >> راح نشوف على مين يرسى المزاد :d sweet2244 الله يوفقك ويكتب لك الخير وبالتأكيد الأولويات أهم .. والبيت من الأولويات؛ عكس السفر وحديثنا هنا مو لازم يكون عن سفر .. ممكن نستفيد عن كيفية قضائكم للصيف في مدينتكم أيضاً :) فهناك أنشطة وبرامج وطقوس معينة يقوم بها البعض في مثل هذا الوقت من العام تكون كفيلة بمتعة السفر أيضاً. الله يسعدكم أختي ويجعله بيت الخير والسعادة عليكم. |
هلا بك أخوي الأزرق أعتذر أني تأخرت عن زيارتك هنا ،،،
بصراحة أنا متردد هل أسافر هذا العام أم لا ؟ لوجود أعمال خاصة يجب أن أنهيها ،،، لكن لو سافرت ستكون وجهتي سيريلانكا ،،، والسبب أنها دولة رخيصة التذاكر والفنادق ، إضافة الى طبيعتها الخلابة جدا ووجود العديد من الحيوانات التي تصلح للأطفال مثل الفيلة وغيرها ، وأعرف الكثيرين ممن ذهبوا اليها وامتدحوها ، وقد قرأت عنها في الانترنت كثيرا،،،،،،،،،،،،،،، بالنسبة الى أسئلتك الأخرى فتجد الإجابة عليها هنا في تقرير مفصل رحلتي وأسرتي الى جنوب أفريقيا بالصور |
النمسا
او تركيا او لندن |
هنيئا لكم اخوتي واستحضروا تقوى الله في سفركم000وكم نتمنى ذلك00كم نتمنى السفر ونحلم بيه00لكن للا سف اجازاتنا في السنتين 50 يوما مانصدق ننفك من اعمالنا حتى نرجع لاوطاننا واهلينا00هنيئا لكم السعد في اوطانكم00بس اتحفونا بفوائد اسفاركم وكونوا سفراء لاوطانكم00سفرا حميدا مباركا للجميع00ونستودعكم الله الذي لاتضيع ودائعه00000000000!!
|
الله يكتب لنا سفرة حلوة و مناسبة
العام الماضي كان توجهنا إلى أبها بسبب عمل زوجي يعني كانت رحلة عمل + سياحة استمرت قرابة 15ليلة وبصراحة عجبتني أبها كثير وما توقعت إنها بهالروعة والسنة ودنا نطلع بره واللي مانعنا القروش |
الان وعلى الهواء مباشره احيكم من تايلند وبالتحديد من بوكيت اللي براسه سفر لايتردد
قمه في الروعه والجمال مافيش لاغيرك ياتايلند:d تحيه عطره لجميع الاعضاء |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©