|
فضفض .. تكلم .. ترتاح .. ما اكثر ما تفتقدة بحياتك ؟؟؟؟؟
السلام عليكم
سبب كتابتي لهذ الموضوع القلق الزايد و الخوف الذي اشعر به من ابسط شي يصادفني .......... امس ابني الصغير سخن و صلت حرارتة ل 39 و نص كنت راح اموت من الوساوس و الخوف حتى بعد ما نزلت حرارتة و صار طبيعي ........... افكار توديني و تجيبني ... وساوس اعوذ بالله من الشيطان كانت راح تجنني ............... ايش اللي صار معي كلمتني اختي بالتليفون تتطمن عالولد و انا انهرت بكاء و قعدت لا شعوريا اتكلم عن كل اللي ببالي و هي تسمع بلا مقاطعة ( جزاها الله خير ) المهم قالت لي الكلام المعتاد تعوذي من ابليس و صلي و ادعي و الحمد لله احس اني بعد ما سكرت منها ارتحت مرررة ..... تذكرت بعد مره كتبت بالمنتدى موضوع مقلقني عن الخوف و كيفية التخلص منه و جتني ردود حلوة من الاعضاء ( جزاهم الله خير ) اكتشفت اني لما اتكلم عن مخاوفي لشخص اخر و افضفض ارتاح و الحمد لله .............. و اظن ان محد خالي هموم و مشاكل و كل واحد عندة شي يفتقدة بحياتة يسبب له القلق او الخوف ............ سؤالي : ماذا تفتقدون بحياتك ؟؟؟؟ و ما هو السبب ؟؟؟؟ تكلم بكل صدق و حاول تفضفض كانك تشكي لشخص أمامك ..... صدقوني بترتاحون حتى لو محد رد عليكم ........... اغمض عينيك و تخيل انك تحدث نفسك و تكلم و من ثم سجل كلامك هنا ..... و سنحاول قدر المستطاع نشد ازر بعضنا بعض ............ |
سؤالي : ماذا تفتقدون بحياتك ؟؟؟؟ و ما هو السبب ؟؟؟؟ ماأفتقده وبكل صراحة ..((<<< ماراح أهتم إذا أحد يعرفني قرأ كلامي واستغرب منه أو لا>>>)) الحب والإهتمام من اللي حولي وخصووووووووووصا أهلي .. أحس <<<مادري يمكن يكون مجرد إحساس>>> إنه فيه تفريق بيني وبين إخواني.. مع إني دايماً أدعي إن ربي يرزقني برهم ويسخرني أنا وإخواني لبعض .. والله إني أحبهم لدرجة ماتتخيل :29: وأحيانا تطلع من الواحد كلمة أقعد أفكر فيها وما أنام الليل منها ؟؟:( >>> ليش قالها >>> وش يقصد فيها >>> أنا أخطأت بحقه >>> يمكن زعلته وأنا مادري>>> وهالشيء متعبني حــــــــيـــــــــل .... |
السلام عليكم
أختي محبة النوم .... الله يعينك هذا الاحساس مو حلو ابد ... و متعب جدا .... صدقيني انت بنتهم تعبو بتربيتك مستحيل ما يكونون يحبونك .... المشكلة ان احنا البنات حساسات مره و نبي الناس تعاملنا مثل ما نتوقع منهم و إلا حسينا ان احنا منبوذين .... انا مثلك اختي رواسب طفولتي و مراهقتي لا ازال اعاني منها ................. حطي ببالك انهم يحبونك حتى لو مو بالقدر اللي نتوقعه منهم .. بس الحمد لله يحبونا و لا يرضون علينا ... صدقيني لو تعبتي شوفي شبيسوون .. الله لا يجيب تعب ..... أختي الدعاء ثم الصبر و الله بيعوض صبرك و احتسابك ... |
فكرة مميزة
تسـلم يمناك حبيبتي ميني ماوس .. أنا تقريبا شبيهه من محبة النوم .. الظاهر على قولتك سوالف مراهقه والله أحس إني مافيه حاجه مو مفتقدتها يمكني مو قنوعه بس شسوي كل شي أبغاه مو عندي ؟! اللي أعاني منه جد فقد الحنان وضعي مع أهلي مايسمح إني اطلب منهم حنـان الزبده مايمديني أقول وش بلاويي هي كثيره وأنا مقدره حالتهم .. تصدقين ودي إنجن على حالي وأروح أقولهم إني أبغا واحد يحبني وأحبه بس بعلمهم ياليت الاسلام يحلل البوي فريند أو الصداقه البريئه بين المره والرجال وياليت المجتمع يرضا يـاه والله إني مفتقده هالحب على مايجي الزوج الا تكون مبدء قناعه ورضا بين الطرفين ولا في حب ولا رومنسيه ولا بطيخ أحس تفكيري هذا بيوديني بستين داهيه والله إني على شفا من حفرة خراب بس وش أسوي كل اللي حولي يعيشون قصة حب مع قرايبينهم أو مع أصدقاهم > طبعن ذولا الفلتانين إحنا لاكيدا فيه ولا كيدا موقود أقول شكلي بربح موضوعك عندي درزن أشياء أفتقدها بس مو هلأ خليني أزود مشاركاتي :D |
انا بصراحة بصراحة ...
افتقد زوجي بشكل فظيع ولهانه عليه... ادعو ان ربي يرجعلي اياه .. مشكلتي طرحتها في عالم الثقافه والتوجيهات .. ادعووووووووووووووولي |
هع هع > الخبله مستانسه على عمرها
وش نسوي الغبار حاشنا وبعدنا اعضاء جدد :D إفتقاد نمبر تو > اليوم مختبره إنجليزي ونتفلفس (( الصداقه .. )) > ماودي أصيح بس وش نسوي موضوعج يصيح .. أنا آخر سـنة دراسة .. وكنت إنطوائيه إلى فتره قريبه وهاااااااااااادية وباااااااااارده ومالي أي تعاملات مع بنات فصلي إلا نـادر أولا بسبب مشكله فيني ثانيا >> صحيح إنهم معي منذ الابتدائي بس ماكنت أبي أي علاقه تربطني في احد لاإني مقروده من أتعرف على شخص وأرتاحله وأحبه يفارقني .. وكانت هذي عقدتي وأنا هالسنه قاعده أعالج المشكله اللي فيني وبصعوبه مميته قدرت أختلط ببعضهم > وهم لهم بعض الفضل من بعد الله والعلاج بس متى ؟ اللحين يوم جا وقت الفراق صار لي من الصديقات خمس أو سبع وفرحت معهم مع إني مابعد إختلطت ذااك الاختلاط بس إرتحت لصحبتهم لإنهم من خيرة الصديقات ( بناتن صالحات ) .. المشكله إنها اللحين مقدر أكمل معهم بسبب ضروف الجامعه وكل واحده منهم بتروح لمكان غير ذا أهالينا معقدين يعني أموووت عشر مرات والا أروح لعند وحده منهم وهم نفس الشي وتليفون أنا مو من محبين التليفون صراحه يعني صدق بآنسى بعد مانتفارق بيدقون على مرتين ثلاث اربع أكثر بس إذا مافيه تواصل مني بتنقطع العلاقه وحتى لو تواصلت أنا العلاقه منقطعه منقطعه اللي ببتزوج واللي بتسافر ومشاغل الدنيا ورجعت مقروده زي زمان نتعرف ونحب وناهيتها نظل عالأطلال .. |
(( مرتني الدنيا ))
الله يرجع لك إياه سالم ويخليه لك وخليك له ومايفارقكم عن بعض حتى أنا إدعولي برضوا أخوي مفتقدته من كم قرن ماشايفته |
مشكورة اختي ميني ماوس على الموضوع
سؤالي : ماذا تفتقدون بحياتك ؟؟؟؟ و ما هو السبب افتقد كثيــــــــــــــــــــرا التقرب الى الله والله كنت انسانه متقربه جدا من الله سبحان الله والحين احس بفتور فضيع ما اعرف شو السبب اللهـــــــــم اني احبك واحب من يحبك واحب كل عملا يقربني الى حبك اللهـــــــــم اعني على ذكرك وشكرك |
((عشقي للآخره ))
شيييي هالانسانه الله يحقق لك مرادك ويصحونا من غفلتنا |
|
| الساعة الآن 09:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
