السلام عليكم ورحمة الله


انا اختكم مجبورة اعيش تتذكروني ؟

هذا موضوعي

http://www.66n.com/forums/showthread...CC%C8%E6%D1%E5


من فتره كتبت موضوع رجعتي لابو ولدي وكلمته واتفقنا على كل شي وبعدها اتصل علي وصدمني كلامه

صراحه قال لي انه يخاف بعد ماارجع له اتركه مره ثانيه واتطلق منه ولمن قلت له اني خلاص تشافيت واقرا

البقره دايم ومتوكله على ربي قال لا هو اتصل على مشعوذه في دوله عربيه وقالت له اني للحين

ماتشافيت ؟؟؟واني مسحورة من وحده تبيه لبنتها ومن هالكلام انا الحمد لله مااصدق في هالامور وهذا

كله حرام ومايجوز ولكن شلون اقنعه ؟؟ هو للاسف قليل ايمان وصلاته قليله وحاولت اقنعه ان هذي اللي

يتصل فيها مشعوذه ودجاله ومايصير حياتي توقف على كلام منها بس مافي فاااايده ويقولي اتصلي عليها

وكلميها وخليها تقرا عليكِ من ورى السماعه او بالقليل كلميها وانا غيرررر مقتنعه بكلامه وماابي اكلمها

وقلت له بستمر مع شيخ بس هو مو واثق بالشيخ والقرايه ومقتنع بكلام المشعوذه واكيد راح يتصل عليها

ويسالها ؟؟ يعني بالله حياتي توقف بكلمه منها ؟؟؟

تكفون انا ماابي اخسر زوجي ومتمسكه فيه وابي ارجع له بأسرع وقت وهو بعد يبيني بس شلون اقنعه

يترك هذي الافكار وللاسف جو اسرته يساعد انه يصدق هذي الامور واهله مو متساعدين معنا بالمره

ابي حل ارجع زوجي ساعدوني بأي طريقه

المشاركة الأصلية كتبت بواسطة القيصر77 عليكي بتوسيط أحد المشايخ ليكون واعظ له من خطورة إهماله في الصلاة وكذلك إتباع هؤلاء الناس المشعوذين فأنا قرأت أنه من صدقهم فهو كافر ومن خالطهم واستمع لهم بدون تصديق لاتقبل له صلاة أربعين يومآ لذلك فهو محتاج من يعينه على شر نفسه وذلك باللين والخوف معآ اللين في الأسلوب والخوف من مغبة الدخول في الكفر ... وأعتقد أن كل شخص مهما كان مسئ فيه بذرة خير إذا تم تهيئتها ومراعاتها ستنبت ويتناثر منها كل خير.... والله الموفق