ابغي نصايحكم وتجاربكم بخصوص بنتي
 

[SIZE="4"]السلام عليكم
كنت طالبه مساعدتكم فالحل
انا بنتي عمرها 3ونص وبنتي الثانيه سنه ونص بس الكبيره ابدا ما تريد اختها ايشي انسويه عشان انحببها باختها مافي فايده
والشي الثاني انه لما حد ايجينا ما تبغيهم وتجلس تصيح انها ماتريد اتسلم ولا تبغيهم ايتمون وعلى فكره هي ما شاء الله ذكيه وتتكلم وعنيده وعصبيه اتحاول اتقلد كل تصرفاتي واسألتها ما تخلص حتى على اتفه الاشياء مب عارفه كيف اصرف معاها حتى
وفي شي ثاني انها لما اتسوي الشي اتقول الناس شو بيقولون الحين بيقولون اني احسن من اعيالهم ..
وكثير ما تتكلم عن صديقتها الخياليه انهم راحو ولعبو يعني رابطه الصديقه الخياليه بكل شي حتى اذا كنت بحرمها من شي تقول انا وصديقتي بنشتري او بنعمل او انو هالشي عندهم

بالمختصر انا مب عارفه كيف اتعامل معاها ارجوكم افيدوني

وعليكم السلام ورحمه الله وبركاته

والله اطفالنا خبلونا الله يعيننا على تربيتهم يارب


الله يعطيك العافيه
لك فائق احترامى

السلام عليكم الله يعينك أختي على تربيتهم إن شاء الله...
عاقبيها بأنك تحرميها من الشي اللي أتحبه لين تعاند وتسوي أمور ماتعجبك بس بأسلوب ذكي أما بالنسبة لموضوع أختها حاولي تشترين هدايه وألعاب أو شوفي الشي اللي تحبه وقولي لها أنه أختها الصغيرة هي اللي جابت لها اللعبة أو في بعض الأحيان مثلا لما تريدين تسوين شي لبنتك الصغيرة خليها أهيه تساعدك وقولي لها مثلا تعالي ساعديني في أنه أنلبس أختك ثيابها أو خليها تطعمها يعني تعطيها الأكل معاكي أو بمعنى آخر حاولي أتحسسينها أنك تعتمدين عليها في الأشياء اللي تحتجهم أختها الصغيرة أما بالنسبة لصديقتها الخيالية فهذا شي عادي آنه بنات خالتي نفس الشي الكبيرة لما راحت المدرسة راح عنها هذا الشي والصغير ليلحين عندها صديقات خياليات تروح معاهم المدرسة وتروح معاهم البركة ههههههه عادي هاي فترة معينة وتنتهي.
آسفة على الإطالة
أختك أم أحمد