إلى كل مطلقة
 

السلام عليكم ورحمة الله وبركاته ...

تزوجت من سنه .. وعندي بنت ولله الحمد ...

صارت لي مشاكل كثيرة ... والحين انا على ابوب الطلاق.. وزوجي يهددني بالمحاكم .. وانا عشان ارتاح من هالزواج .. بلجأ للمحاكم ..

ولكننــــــي خايفة من المحاكم بشكل فظيع ..

هل في إمكانيه ياخذون بنتي مني؟؟!!!!!!

واذا ظلت عندي .. اقدر اسافر فيها ؟! ولا مالي حق؟؟

وفي المستقبل البعيد .. اذا قدر ربي واتزوجت .. بنتي وين اتروح عند ابوها ولا عند امي؟؟

والحين اذا رحت للمحكمة شو الاجراءات الي بتصير؟؟ في شي يستدعي الخوف؟

ارجوكم جاوبوني

في هذا الرابط .. تفاصيل مشكلتي...

http://www.66n.com/forums/showthread.php?t=130597

?????????????????????????????

ساعدوني والي يعافيكم

ارجوكم ساعدوني....


وسؤال ثاني بعد ..

وفي حال مارضى يطلقني...

وخلعته.. هو يطالبني بامور صح ؟؟ ويصير من ضمنها يطلب ياخذ بنتي؟

وعليكم السلام ورحمة الله وبركاته
الله يعينك .. حبوبه اتمنى تخلين طلب الطلاق أخر الحلول .. لا تستعجلين .. حرام .. عندك بنت .. كل واحد فيكم راح يتزوج ويشوف حياته .. لكن البنت راح تضيع بينكم .. يا أختي سنه مو كفايه تحكمين علي زوجك ..



شوفي إنت أكيد معك حق في طلب الطلاق .. لأن بعض الرجال .. الله المستعان .. شئ لا يطاق!
لكن بما إنه فيه بنت بينكم .. حاولي تصبرين وتصلحين من حاله .. بسحر الدعاء يتغير الحال للأفضل بإذن الله .. حاولي تستخدمين أساليب ثانية في تغيره .. التغير ما يحصل من أول مره .. بالصبرررر .. والكلمة الحلوة .. والمعاملة الطيبة .. تقدري تعملين المستحيلااااات ..


بالنسبة لأسئلتك .. الطفل يكون من حق الأم في حال طلاقها .. أما إذا اتزوجت الأم تنتقل الحضانه للأب ..
إلا إذا كان الأب رؤوف رحيم وترك الطفل عند أمه .. لكن بعض الرجال عندنا الله المستعان أول ما يسمع بزواج طليقته يعصب و يولع قلبه .. وفرصته الوحيده في الإنتقام منها أخذ الطفل ( او الأطفال) من أمهم وتوكيل مهمة تربيتهم لزوجته ( الجديده ) والله العالم عن مستوى أخلاقها وتدينها .. وخوفها من الله ..
وأكبر شاهد قصة رهف / وبلقيس !

بعدين أختي .. ترى شغلات المحاكم طووووويله ..
أختي رجاااء لا تستعجلين وتقدمين على شئ إلا بعد إستخارة وإستشارة .. وتفكير عميق .. الله يوفقك ويكتب لك ما فيه الخير ..

مشكورة غناتي على مرورج .. احد رد علي اخيرا ..

تبين الصراحة.. انا حبيت زوجي وعشقته .. بس للاسف طلع مو قد هالحب.. ويمشي بكلام امه .. ومايحترم احد مايحترم الا امه .. جده زوجه ... واعانه في مصاريف الزواج والعرس.. واخو جده عطانا احلى هدية بزواجنا.. وهي سفره كاملة باحسن الفنادق (شهر العسل) والحين مايحترمهم ... مايحترمني اول ماتصير مشكله يعطيني ظهره ويوقف ضدي.. فقدت الاحساس بالامان والاستقرار.. مايصرف علي ولا على بنتي.. ادري الطلاق صعب وادري اني بتعذب في البدايه بس بعدين برتاح ويصير هذا كله من الماضي.. احسن من ما اعيش في ظل هالزواج وانا تعيسة لا دراسة ولا حياة .. خدعني بكلامه المعسول.. وخلاني اعيش بالاحلام .. صدقته يوم يتكلم عن المستقبل.. وطلع كله كذب.. عيشني سنه كاملة بالوهم .. والي معورلي قلبي بنتي .. والله والله .. عندي الموت اهون من انها اتروح عند زوجي وامه لانهم فظيعين .. حطموني..
والله والله يافرح .. انا المفروض.. اكمل دراستي مثل ماوعدني بس بعد الزواج قال لي لا ماقدر اخليج اتروحين جامعه مختلطة .. وانا مابي اروح جامعه مختلطة بس ظروفي حدتني.. وسمعت كلامه واطعته .. قلت بعد عمري يغار علي.. لكن لا !! كله عشان مادرس.. وهالشي اتوضح .. من مواقف حصلت بعدين اثبتت ان المساله مو مسالة غيره .. ولاني وقفت دراسه سنه ونصف الحين .. صرت والله احس بالغيرة من كل بنت تدرس.. وبعدين استغفر ربي.. اتغير حالي 180 درجة .. ماكنت جذي كلي مرح وحيوية .. وكل مايرد حالي واصير طبيعيه .. يطلعلي زوجي بشغله اتنكد علي واتخرب مزاجي ايام وايام .. يمكن بنتي ماراح اتعيش مع امها وابوها بس اتوقع ارحم لها من انها اتشوف امها تنذل وتنهان امامها ..
وعلى الاقل بعد .. بتشوف ابوها رجل مو مثل ما انا اشوفه .. ويكون في بالها ان احنا ماتفقنا .. وخلاص!!!!


فروحة اتدعيلي بان ربي يسهل علي اموري.. ويخلي روحة المحكمة خفيفة علي..

لاني كل ماتذكر احس بضيقه مو طبيعيه ..

ومشكورة مرة ثانية على ردج .. خفت محد يرد علي واقعد انا بحيرتي وخوفي لوحدي

اختي مرتني الدنيا

انصحك بالتريث في مسئلة الطلاق

يااختي شوفي الي تحتك وبعدين احكمي على نفسك ..
فيه حريم والله انهم يتمنون يعشون مثل الي انتي عيشه , انتي ماشفتي ويلات غيرك من الحريم بعضهم يقفل عليها زوجها ويروح ويخليها بين اربع جدران وبعضهم يضربها زوجها الليل والنهار وبعضهم كأنها في سجن لاروحه ولا جيه .. وبعضهم زوجها معذبها بالسكر والمخدرات والفقر وترك البيت وغيرهم فيه مرض نفسي ,, فأحمدي ربك على الي انتي عليه , وخاصة انك معك بنت من زوجك , حرام تعقدونها بكره وتخلونا مشردة بينكم , ويمكن بعدين تضيع البنت , وبعدين وش يضمن لك انه بيجي واحد احسن من زوجك , يااختي مالك الا الصبر والصبر مفتاح الفرج ..

ونصيحة اخويه (( لاتشوفي الي فوق منك وشوفي الي تحتك عشان تعرفين نعمة الله عليك )) وصدقيني يمكن بعدين تتغير الأحوال وبعدين ماكملتي سنه وهذا ردك فكيف الي عاشواا امررررررر منك عاشو سنواااات ..

اتمنى لك التوفيق وعدم اتخاذ القرار بسرعة , لأن المرأة عزامه ندامه .

والله ان حياتي وياه .. مو بيده هو .. امه اتمشينا على كيفها ماحس برجولته والله

هذي مهما كان امه والجنه تحت اقدام الأمهات ..

ولاكن الصبر مفتاح الفرج ..

دلعي امه عشان تملكين كل البيت ...

يا اخ حنون ورومانسي الي يده في المويه مو مثل الي يده في النار
..لغايه متى الصبر؟؟؟لغايه ما تمرض او تعجز او شعرها يشيب؟؟في حالات فيها امل وفيه حالات مفقود الامل فيها والاحساس بالظلم احسااس فظيع جدا ويهد الحيل ويسلب الامل في الحياه..اترضى بهكذا حياة لنفسك؟

بعد امه على العين والراس اذا عرفت فين حدودها.. بس ما يجيبو بنت الناس الي كانت معززه ومكرمه في بيت اهلها عشان امه تفتري فيها ..ويجي هوه ويكمل عالباقي