|
مليت من التفكير لوحدى ..تكفون ساعدونى؟
السلام عليكم ...اخوانى واخواتى ..انا متابعه لمواضيعكم رغم قلةمشاركاتى الا انه وربي يشهد احس بحكمة الردود ...وهذا اللى حمسنى اكتب موضوعى ...
بحاول اختصر قدر المستطاع ... انا متزوجه من سنه تقريبا ...زوجى مايخلو من العيوب ..قد ماقدر احاول اجاهد نفسي.. عشان اتكيف معاه ...اكثر شي يضايقنى بحياتى هى ردود افعال زوجي ..ببساطه اي شي اسويه له تكون رده فعله بارده ...حتى بكلامه بخيل على ..قلت مافيه الا اعوده ...صرت انا اقول كلام الحب والغزل تخيلو بدل مايقولها لى هذا في بداية الزواج واستمر الى ست شهور على هالوضع ..صار ان قال كم كلمه رد على كلامي ...تحملت وقلت ان شالله بيتغير ...هذا كله ماهمنى صراحة اللى مضيق صدري ومخلينى اكتب هالموضوع ...انى احس انى اخر شي يفكر فيه والدليل ماعمره من تزوجنا ذكرنى بهديه ...تصدقون مرت مناسبات كثيره على ...ولاعمره فكر يجيب شي ولو حتى شي بسيط ..اقسم بالله ماعمري احتجت لشي غالى والا شي يكلفه ...انا عندي فلوسي بس ودي احس بقيمتى عنده ..لاتقولون لى انتى اهديه ..حاولت كثير مايمر شهر ونص الا انا معطيته شي احس انه ناقص عليه ...بعد كثير لمحت له ابغاه يفهم...كتبت اوراق هنا وهناك ..وصار الكلام يدخل من اذن ويطلع مع الاذن الثانيه ...واللى يزود الطين بله انه يعطي اخوة فلوس ويتسلف منه فلان ..وانا ولالالالالالالالالالالاشي... قلت معليش مو هذا اللي يخسرك زوجك صرت اتقرب له ..واحاول اصلح ليال رومانسيه ...وش توقعون رده الفعل ...ولالالالالاشي ..لدرجه ماصرت افكر اسوى له شي ..ووقفت اعطيه هدايا ابغيه يفهم ...واذا حاولت اكلمه تذكر وقال وش تبين اجيب لك ..>>>والله مالى نفس صار كل شي ماله طعم .. احيانا اجلس عند اهلى اسبوع عشان الاختبارات واذا رجعت لبيتى ماحس بكلمة تححسننى بفقده لى ..صرت ماحب بيتى ...كل شي استوى عندي ... صرت اخبى دموعى عنه ...صرت كل يوم ابكي ....ولايدري عن شي ... ورب البيت مليت ...احيانا اقول مايبينى ..والا مايحبنى اصلا ...واحيانا اقول طبع مايتغير ... بس من جد نفسيتى تزداد سوء والحين طالع بموضوع جديد يبي يسافر لوحده <لانى ماقدر اسافر ظروف كثيره تمنعنى ....ياجماعه وش اسوى انتظركم ...لاتبخلون على برد ولو كلمه اختكم حلالا |
اول شيء الله يحفظكم ويسخركم لبعض عليكِ بالدعاء فهو يرد القضاء ,,
ربما طبيعة زوجك عملية لا تهتم بالاشياء العاطفية ,, حاولي معه ولا تيأسي فسنة واحدة لا تكفي ياعزيزتي لتخرجيه مما هو فيه اصبري واصري على ماتريدين اقصد ان كنت تريدين منه ان يصيبح عاطفيا ويبادلك الشعور فلابد ان تفعلي شتى الوسائل دون ان تقولي تعبت لأنه سيأتي اليوم بإذن الله الذي ترتاحين فيه وتحصدي ماتريدين ولكن عليك بالدعاء فهو اهم شيء ,, قولي الله سخر لي زوجي وسخرني له اللهم جمله في نظري وجملني في نظره ,, اللهم حنن قلبه الي , , اللهم استر عني عيوبه واستر عنه عيوبي ,, اما بخصوص سفره فأنصحك ان تحاولي الا يسافر اذا كان بدون ضرورة الا اذا كان يحفظ ا لله في السر والعلن ,, لأن الدنيا اصبحت مخيفة ولا تعلمين ما الذي يحدث في سفره وحاولي ان تضغطي على ظروفك وتذهبي مع زوجك اخطر شيء ان الزوجة تترك زوجها خصوصا في السنوات الاولى ,, قد يتعود على بعدك وتصبح السفرة لوحده اجمل من السفرة معك اسأل الله ان يسخره لك ويحفظكما ويكفيكما شر الاشرار |
الله يعينج
|
رهوفه ...
الله يجزاك خير ...وماقدامي الا الصبر ...وعن السفر حاولت ومازلت احاول وماعنده رد الا كلمه وحده الزواج مو سجن الله يعين بس اخوى محمد هيا بوركت على تواجدك حلالا |
يا حبيبتى الدعااااااااااااااااااااااااااء هو السحر الحلال
ادعى واكثرى من دعائك للرحمن الذى لا ينام هو القادر على تغييره وتذكرى اكيييييييييييييد بزوجك صفات طيبة تذكرى ايام الخطبة وكتب الكتاب هو اكيد يشعر بحبك لكن ربما لا يجيد التعبير عنه ولا يعرف اصبرى وظلى كما انتى وبالدعاء سيتغير حالك من حال الى اخر وانا رايت تجارب مثلك وتبدل حالهم بالدعاء وفعل كل ما يرضى الزوج ويسعده والنتيجة ماشاء الله ادام الله عليهم السعادة وحفظهم من كل عين دمت بحب وسعادة |
أختي حلالالالا
الله يكون بعونك حبيبتي اللي ودي تتذكرية دائما انه الدنيا مافيها راحة ونحمد الله على كل حال انتي شايفة الوضع اللي انتي فيه محزن ومطفش انا اوافقك الرأي 100% بس لو جينا نهون على نفسنا ايش راح نقول راح نشوف غيرنا اللي اتعدوا الخمس والثلاثين ولازالت آنسة تتمنى من يطرق بابها راح نشوف اللي اتزوجت وصار لها سنوات وتتمنى انها تصبح ام راح نشوف حاجات وحاجات انا مااقولك انه موقفة مايزعل بس عاد هذي الحياة وهذي الدنيا مش دوم على هوانا فأصبري وأحتسبي والله يسدد خكاك غاليتي دمتي |
اقتباس:
اختى طفله كبيره ... اشكرك على كلماتك ..وان شالله بكثر الدعاء ... الله يوفقك اختك حلالا |
اقتباس:
اختى الغاليه ... كلماتك مثل الماء البارد على قلبي المضرم نارا ...اقسم بالله اقراء كلماتك واقول صدقت بس انتى تعرفين الروتين وشلون مميت ..واحس نفسي ارجع عشر سنوات وراء ...وكل شي بحياتى معاد له طعم .... لك منى كل تقدير وجعل ماكتبتى بميزان حسناتك اختك حلالا |
ترى لو تلاحظين بحياتك اساسا ما فيه مشكله جوهريه
يعني ممكن تتأقلمين مع شخصية زوجك وترى اغلب الرجال يحملون نفس شخصية زوجك ويمكن وضعك ارحم عزيزتي احمدي ربك انه زوجك ما يخونك ولا يضربك ولا يهينك يعني انتي مشكلتك فقط الروتين وهذا بيدك انتي التغيير بعد الله استمري بالتقرب له وترى كثر الدق يلين الحديد يعني مع الاستمرار بالمحاوله راح يصير فيه نتيجه ولو بعد حين واخيرا ترى كل الناس عندهم مشاكل .. ولا فيه مشكله بدون حل ودعواتي لك بالتوفيق .. |
اقتباس:
الغاليه جمان البحر اشكر مرورك وتعليقك ... بمشي على نصايحك ...والله يعين حلالا |
| الساعة الآن 02:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©