منتدى عالم الأسرة والمجتمع - طيب وأحبـــــه .....بس؟؟؟؟

السلام عليكم ورحمة الله وبركاته

أحبتي أعضاء هذا المنتدى الرائع بغيت منكم تساعدوني وتعطوني حل ماعليكم أمر... السالفه وما فيها

(( زوجي طيب وحنون درجه أولى ومايقصر علي في شيء وأحنا مثل كل الأزواج ماتخلى حياتنا من

المشاكل بس تنحل بمبادره في أغلب الأحيان مني لكن الشيء إلي مضيق علي هو قلة الأحترام من

زوجي لي في لحظة الغضب وإذا كان ضايق بعد.. وإن بغيتوا الصدق في كل وقت بس بعض الأوقات ماستاهل منه هذي الألفاظ

أحسها قويه علي. ومره سألته ليش تتكلم معاي بهذي الطريقه وعيب بعد قدام اليهال... يقولي" أصلاً

مافيه إحترام بيني وبينج " مثلا لو إني أتكلم معاه في موضوع وهو مو راضي مايقولي سكتي أو خلاص نفس الناس لا

لازم يقول"......." كلمه مب زينه وتقلل من قدري و تضيق على الواحد ))

قولولي شساوي وياه تعبت والله وحنا ماكملنا أربع سنين من زواجنا وساعة ما أفكر إن هذا إسلوبه ويياي

باقي عمري أضيق وأتعب مع العلم إني أداريه في كل الأوقات حتى في لحظات الحلوه أخاف يغلط علي بأي كلمه