منتدى عالم الأسرة والمجتمع - زوجتي تشتكي من كثرة نومي

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجتي تشتكي من كثرة نومي (http://www.66n.com/forums/showthread.php?t=132160)

زوجتي تشتكي من كثرة نومي

سلام عليكم,

انا اعمل بنظام النوبات و العمل بهذا النظام يتعب الجسم ,
و زوجتي حاطه عليي و تقوللي "كل الاوقات تنام" ولا تقعد ويايي و هو انا بالفعل أكون متعب ماألحق اقعد وياها شوي(( تقريبا ساعه أو اقل)) بنطالع فيلم لو شي أحس بنعاس و تبدأ عيوني تغمض بروحها أحاول قد ما أقدر إني اقعد معاها بس يغلبني النوم . ( مو بس إذا قاعد وياها حتى إذا كنت بروحي لو قاعد على الكمبيوتر لو اطالع مباراة لو فيلم ..........(( في الليل))
نطلع ويا بعض و كل شي بس إذا صارت الساعة تسع لو عشر في الليل و خاصتاً إذا كان عليي زام النهار يوم ثاني اشعر بالنعاس.
وبعض الأوقات إذا فيني طاقة اسهر معاها, بس اتضايق إذا قالت لي "كل الاوقات تنام" و انا مو متقصد إني انام عنها..

ويش اسوي في هذا الحالة؟؟؟؟؟

حاول اخي انك تنضم وقتك ....يعني اجازة الاسبوع فرغه لهم وهكذا

مالك الا تحدد لها يوم اجازتك يكون لها بالكامل

والله يوفقك ويسعدك

ينتقل لعالم المتزوجين

بوركتم

اخوي بعد السلام عليكم
نفس المشكله اعاني منها انا لاتلوم زوجتك والله معذوره
انا اعاني من زوج يستلم 12ساعه تقريبا يوميا وله ربع واجد ومدري مته بيتفرغ لي انا وبنته احس حالي طفشانه من بيتي
الله يعننا وياكم

هههههه ذكرتني بنفسي..

انا نفس الحاله زوجي مدمن نوووووووووووووووووووووووووم

بس هو يحاول قد مايقدر انه يقعد معاي بس اذا طلع وايد لازم اتذمر من طلعاته ومن نومه وان شالله اتغير

لاني انا بعد صرت مااحب اعاتبه ع نومه لانه يتعب فالدوام

انت على الاقل نظام عملك كذا

انا عندي نفس المشكله بس زوجي يومياص دوامه بالنهار

ودايماص نايم حتى نهايه الاسبوع نايم

ومن تزوجنا وهو نايم

ههههههههههههههههههه ضحكتوني.. احسكم بريئين .. الله يخليلكم ازواجكم ...

صاحب المشكله .. مالك الا تنظم وقتك واتفرغ نفسك لها بالاجازة .. لانها محتاجتك ..

كان زوجي وايد ينام ..لانه يدرس ويشتغل بعني مو فاضي... فيرد البيت من الكليه وينام.. يعني ماشوفه ..
ويقوم الصبح يروح الدوام وهكذا .. لكن في الاجازة نطلع ويا بعض ونسهر..

اقتباس:

المشاركة الأصلية كتبت بواسطة ريم2006

ضحكتيني هههههههههههه إلين دمعت عيني ( شكرا )

ماقول غير ان الله يقومه لك بالسلامة

تحياتي