زوجي الزاني ماذا فعل بعد ان زنى !!!
 

السلام عليكم اعرف بانكم مللتم من كثر ما اعرض مشاكلي اللتي لا تنتهي مع زوجي واتمنى من الجميع قبل لايردون يقرأون اخر مشكله من 4 ايام والتكمله هنا اعزائي عدت الى البيت من بعد ماجائني زوجي ويقول ان الانسان غير معصوم عن الخطأ وقد قلت له بانك زاني ولو انني كذلك هل تسمح بان اعتذر منك واعود يقول بان الرجل لا يقارن بالمرأه والى اخره عدت الى البيت ليس برغبه مني ولكن والدي سامحه الرحمن غضب وقال ارجعي لزوجك وبالنسبه بانني قلت له عن العدوى الجنسيه اللتي الحقها بي وهي عباره عن قرحه بالرحم يقول والدي اذهبي وتعالجي وابدئي صفحه جديده لم يقف معي احد والكل كان ضدي بسبب التفكير الرجعي وهو ان الرجل لايعاب المشكله هنا هي بانني ومنذ عودتي للبيت وبعد كل ماوعدني به زوجي رجعت وزوجي لا يتحدث معي الا للضروره فهو لم يفعل اي شي وعدني به سوى انه وضع قفل برقم سري لهاتفه النقال لكي لا اعبث به وغيره بانه لايقترب مني او يلمسني حتى صباح الخير لايقولها لا ادري لماذا وهو من طلب عودتي وقال لاجل ابنتك المسكينه عودي فهو زاني وانا كل ما اتذكر بانه يزني اشمئز و لا استطيع الاقتراب منه نحن مثل الاخوه بالبيت لا نتكلم لا نفعل شيئا اسأل نفسي لما يفعل هذا وهو من طلب عودتي طبعا المكالمات والرسائل لا تكاد تنتهي ورجعت ريمه الى عادتها القديمه خلاصة موضوعي هنا بانني لا استطيع ان اتقبله اصلي واقرأ القرأن وقلبي لا يرتاح له لقد رجعت للبيت مذلوله واشعر بذلك المفروض ان اثبت على رأي بانني ماعدت اريد واطلب الطلاق ولكن تعلمون عن والدي وعقله هداه رب السموات ارجوكم ساعدوني لا استطيع ان اتقبله زاني وخائن والمشكله بانه يتكلم عني للناس ماذا افعل ؟؟؟بعد ان عدت ماذا افعل !! لن يتصلح شيئ لقد كرهته كثيرا وقد وقع من عيني ذلك السافل

اختي العزيزه عورني قلبي من قريت كلامج يا روحي
اختي زوجج نايم بالعسل و انتي تحترقين
كلمي الوالد و قولي له انه مازال يسوي جذي و انتو بعتوني لا يحترمني و علاقتي فيه كالاخوه و لا يتكلم الا بالضروره مالي اي اهميه له ... لازم احد يتكلم وياه اختي .. قولي لهم انه مهما كان انتي لا تريدينه خلاص و لازم يوقفون وياج لانهم حطوج اب موقف جذي و خلوه يتمادى .. صدقيني لو قلتي للوالد يتكلم عني ما راح يرضى اختي ... لانه مهما يكون انتي بالنهايه بنته و الي يتكلم عن زوجته العيبه فيه حبيبتي .. ف لازم اهلج حتى لو اهمه مو معاج يكون لهم علم اب هذا الشيء و لا تخافين صلي و ادعي ما خاب من دعا فهي ترد القضاء و تهون عليج حبيبتي هذا بلاء من ربج .. و مادامتي لا تريدين و لا تستطيعين بسبب الامراض ف انا افهم لاني هذي الامراض باجر ممكن تضرج و توصل الي ماله نهايه .. وايد راح يقولون لج لا تتطلقين على شان البنت بس اذا حالكم جذي البنت راح تحس انه في شيء غلط .. تكلمي مع الوالد اختي و خبريني شنو يصير معاج حبيبتي
اختج بني

الله يهدي زوجك و يصلح حاله و يصرف عنه السوء و الفواحش ،الله يعينك اختي اهتمي بنفسك و ابنتك و ادعي الله في جوف اليل بان يهديه و لا تفتشي اشيائه و قومي بواجباتك و اشغلي نفسك بما تحبين من اعمال و اهتمي بمظهرك و بيتك و تقربي لله بفعل الطاعات و الابتعاد عن المعاصي و احتسبي الاجرعند الله و حاولي تهدي زوجك اشرطه اسلاميه تذكره باليوم الاخر و عذاب القبر يمكن يفوق من غفلته و انصحيه بقلب محب حنون يمكن ينفع معه او عن طريق رساله و انت تعرفي طبع زوجك وبالرفق و الين يكون افضل من الغضب و العصبيه و الله يقدم لك الخيرو يصرف عن زوجك السوء.

وعليكم السلام .. .

عورتي قلبي يا بعد عمري.. حسب مافهمته من كلامك ..انك طلعتي من بيت زوجك ورحتي شكيتيه عن ابوك كذا مرة ومافاد وكله يرجعك .. لزوجك .. لان تفكيره قديم وان الزوجة مالها الا زوجها وان الزوج مايعيبه شي ومن هالكلام الي لا يودي ولا يجيب..
خلاص انتي كرهتيه لانه خائن مايقدر العشرة ويحترم الزواج .. ولا مهتم بان عنده بنت .. لا ويقول لك رجعي عشان بنتك!!!!!! يعرف يمسكك من الايد الي اتعورك ..
زوحك استقوى من بعد ماعرف تفكير ابوك ووجهة نظره .. ويعرف انك لو لجأتي لابوك مرة ثانية .. ومليون مرة بعدها .. ماردك بترجعين له .. فالحل.. اتروحين لاحد من اخوانك .. واتقوليله كل الي صار بالتفصيل.. ولا تخجلين من شي.. وخلي اخوك يوصل الكلام لابوك بطريقته .. قولي لاخوك ان زوجك اتجرأ وصار يتكلم عليك عند الناس .. والي يتكلم عن زوجته .. مافيه خير.. وقوليله مادري شبسوي اكثر.. كل يوم عن يوم يزيد ..

انا ماقول فكري بالطلاق.. ولا انهي الموضوع ...

بس الي اقوله دخلي اي رجل من الي تثقين فيه من صوبج ولا حتى صوب زوجك ...

وان شاء الله يارب ينفرج همك .. ويكتب لك الي فيه الخير

باختصار شديد

زوج اختي السابق كان والعياذ بالله مثلما تقولين

تقدمت للمحكمه وطلبت الطلاق



.....

الله يهديه ويفرج امرك

اذا تاب سامحيه وابدئي صفحه جديده الشكوى لله .. ما يحدك ع المر الا اللي امر منه


اما اذا استمر .. كلمي ابوك .. وقولي له اذا اصابني اي مرض انت السبب وانا ما راح اسامحك


الصبر له حدود وزجك الله يهديه يبغى له صدمه عشان يتوب ..

لكن انتبهي لا تفضحينه او احد يدري عنه غير ابوك .. حتى لو حصل طلاق استري عليه هذا ابو بنتك وسمعته من سمعتها ..


الله يفرج همك ويسخر لك اللي اقوى منك ..


الله يهدي زوجك .. تراه مفتون يا اختي الله يهدي قلبه ويكرهه بالحرام مثله كرهه لان يلقى بالنار ..


اسأل الله ان يرفع عنك وعنا البلاء ..

لا حول و لا قوة الا بالله

الله يصبرج

طيب انتي متأكده انه يخونك او يزني !!


اخاف يكون مجرد شكوك واوهام ...