|
مدري كيف هالناس يفكرون ؟!
السلام عليكم ورحمة الله وبركاته .. ماراح أطول عليكم بالمقدمات .. السالفة ومافيها الآتي .. صار لي الآن مع بداية الإجازة سنتين من تقدم لي ذاك الرجال .. اللي ماسمحت له أكيد بدخول حياتي إلا بعد مااستخرت وتطمنت له .. من اللي أسمعه "والله أعلم بمدى صدقه " انو متعلق فيني وانو أنا أعني له وانوا يحبني مررة .. بالرغم انو كل سبل الإتصال بينا "مقــــــــــطوعة " .. وهو مايسأل عني إلا "نادرا "!!! المشكلة مو هنا ..المشكلة انو الكلام كثير ..والفعل قليل وللأسف مايدل .. أحس في بعض المواقف اللي تصدر من اهله "مو منه هو " انو داخلين على طمع .. يعني تخيلوا ابوه مثلا جاي يتسلف "وهو ماعليه قاصر على ماقالوا " والشبكة كانوا راح يجيبونها بعد أسبوع .. طيب ليه تبغى تتسلف يابو فلان " أبغى اعيش مع عيالي في الخير والعز " ... <<< سبب مقنع لواحد جاي يتسلف من أبو خطيبة ولده !!!!!!!!! ومره يعزمهم ابوي ويطلعوا معه على استراحتنا " ومعروف انو هي ملك للوالد الله يخليه " ويجيك السؤال اللي ماله أي داعي .. وللأسف له تفسير مو طيب أبد .. يسألون .. "الإستراحة له ولا لواحد ثاني " >>> سؤال موجه للسايق تبعنا ...!!! وبكم هالسيارة شريتوها .. وبكم هالشي أختذتوه ؟؟!!!!!!!!! مدري ..أحس المواقف والحركات اللي زي كذا تريبني .. وتخوفني .. وفي نفس الوقت أنا ما أقدر أظلم الرجال .. مدري كيف أتأكد من طبايعه ..كيف أطمن انو أنا صابرة عشان واحد فعلا يستاهلني .. استخرت .. وانا لسا صابرة .. وحائرة !! |
تبين الصراحة ...
كلامهم يشكك .. يسالون اساله خاصة .. وحطو انفسهم بموضع شك.. وليش كل سبل الاتصال مقطوعة ؟؟؟ انتو مخطوبين بس..؟ يعني بينكم عقد ولا لا؟؟ |
مابينا عقد ولا حاجة ... !!!
|
مادري ليش .. بس قلتي ان مابينكم عقد .. حمدت ربي.. الحمدلله ..
انتي اتحسين نفسك مرتاحة؟؟ من بعد صلاة الاستخارة ؟؟ اذا موعد عقد القران قريب جدا .. حاولي اتاجلينه شوي.. وسالو عن الرجل واهله عدل.. لان الاساله هذي غريبة .. وماتنسال.. والي ياكد ان في شي غامض في المساله .. انه سال السائق.. ولو كان سؤال بريء كان سال ابوك نفسه .. سالوا عنهم عدل.. |
لاتظنين حبيبتي
يمكن هالكلام كلام اهله كلام ناس شبه حسودين وانا مااحط بذمتي واقول على الناس جي بس من كلامج واضح موشرط الولد يكون مثل اهله فحرام تظلمية وربي يسهل امرج ويعينج والله الموفق |
لسا بدري يا أختي على موعد القران .. لأنو هو يدرس وأنا برضو أدرس
في مواقف شبيهه بهالمواقف .. يضيق صدري مرررة لما أتذكرها .. والولد نفسه مو على اتصال حتى مع اخواني . يعني شخصيته بالنسبة لي ؟؟؟!!! وما أسمع إذا سألت قريبيتي عنه ..إلا فلان يغليك .وفلان يعزك .. وفلان مدري وشو ؟؟ طيب تقولين معذبته الإتصالات وهو يسأل عني أقول لك لا .. يتحرى المناسبات عشان يجي بيت أهلي ويسلم على الوالد .. أقول لك لا .. رافع نفسه بشكل !!!! لما استخرت حسيت انو أنا مرتاحة .. بس لما أشوف حاجات مثل كذا ..أشك حتى بنفسي .. مدري .. أنا حدي محتارة .. تخيلي حفلة خطوبتي من كم يوم .. في نفس اليوم "مدري وش هالغباء اللي نزل علي " وأرسلت له رساله من جوال أخوي .. بعد ما كلمه اخوي وقاله .. تصدقين ..مارد علي ؟؟!! ماتتصورين قد ايش أحبطني هالبرود .. واكتفت أمه انو تلمح جنبي انو قد ايش مبسوط عشان هالرسالة !!!!!! كيف أطمن انو اختياري في مكانه .. هذا كل اللي أبغى اوصل له !! |
بصراحه اختي انا ماطمنت بعد كلامك ماادري ماعجبني الولد من كلامك ترا كلام الناس مو دايم صح وبعدين اختي لاتخلي عاطفتك تاخذك وترسلي له لازم هو يبدا يرسل وبعدين هو يروح يقول لأمه عن رسالتك ؟؟ غريييبه ليش يقول لها اختي استخييير ثاني واعلمي ان كل شي مقدر ومكتوب وان شاء الله ربي يفرجها عليكي بس حبيبتي لاتحاولي تكلميه ترا شكله بارد وممكن مايرد عليك او يحرجك واذا على اختيارك والله ماادري اش اقولك كل شي ربي اعلم وين الصح هذي الامور صعب اتنبأ بها بس انا مارتحت وانتي شوفي .
|
شوفي يا اختي الكريمه
كل شي يهون الا عند ذليل النفس فبعض الناس نفسه اماره بالسوء ذليله لايقاوم اغراء الحياه والمال ,, مستعد يمرمط نفسه عشان حفنه من الريالات لا ذوق ولا ادب ولا كرامه ولا عزة نفس هالصنف مر علي الفقر ليس عيبا ولكن الفقر الحقيقي هو فقر النفس والكرامه فما اقول الا الله يعينك عليهم |
ام دانه
اتحري اكثر ، صارحي اخووك بشكوكك ،، او الوالد مثلاً عشان يعرف مين ربعه ويسأل اكثر بس لما يكون اخوك افضل ، وخليه يدقها صحبه وان كانت مفاجأه بس معليه ،، ومع الايام بيعرف ان شاء الله معدن الرجال لا يغرك اهله ، انتي لك بالرجال وبس |
ايوا هذا اللي اقترحته على أخوي حاليا والله يعين ..
إذا بتقترحون علي اي حل ثاني راح اكون سعيدة .. انا صابرة للآخر .. وارتجي والله له العذر مو لعيب فيني .. ولكن أبغى البركة .. عسى ربي لايحرمنا اياها .. |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©