بنتي +بيتي+نفسي+زوجي(كيف ارتبهم)لذوات الخبره
 

انا بتجنن والله مادري وش اسوي ....


انا احس يومي ماهو ملكي بسبب الشقيه :23: (بنتي),, يعني طول اليوم متفرغه لها ,,

لا اتفرغ لنفسي ولا لزوجي ولا للبيت :( والسبب بنتي ..

انا قبل لا احمل وحتى وانا حامل يعني احب اجلس براحتي واتفرغ لنفسي والبس واتكشخ

واجلس معي زوجي بس من :15: ولدت وانا عايشه بدوامه في فتره النفاس كانت امي واختي يهتمون فيها

الله يعطيهم العافيه ...بس الآن في البيت:29: !!!


صايره مزعجه:mad: ..كثيره البكاء...طول الوقت شيليني على يدينك وهزيني:rolleyes: لحد ما صار كتفي يألمني

نومها كان مرتب انعفس برنامجها فوق تحت صايره ما تنام الا على الساعه 1 ونص او 2 وساعات 3 بالليل


حتى دورة المياه وانتو بكرامه ما تتركني في حالي صرت اخذها معي واجلسها على كرسيها بالحمام!!


أبوها ما يقصر ساعات يمسكها شوي عني بس مهما كان الرجال تعبان من دوامه


والله حتى السباحه :21: صرت أشيل همها لما ادخل الحمام تصرخ:( شيليني ؟

لبسي مبهذل وشعري منكوش ولا كحل ولا مكياج و الضحيه زوجي صرت مهمله له بشكل غير طبيعي

صحيح ما اشتكى الى الآن بس متأكده بيجي يوم وبيتكلم ...





اللي بعرفه متى هالأطفال بيترتب يومهم ؟

متى تعقل عن هالحركات اللي تجنن العاقل؟




بنتي عمرها 4 شهور مو بالضبط يعني باقي اسبوع وتكمل الشهر الرابع...بس من جد مزعجه مقلقه


كيف ارتب يومها وكيف اعودها على جلسه الكرسي لاني من جد تعبت طول اليوم هي على يدي...


مرة عصبت عليها وانا جالسه اجهز الرضاعه وهي تبكي بكاء يقرف بصوت مرتفع قمت :16: ضربتها على رجلها

كان عمرها 3 شهور بس تندمت واخذتها وضميتها

بس انا اخاف لما تكبر شوي ارجع اضربها مرة ثانيه وانا بصراحه ما احب اضربها:29: لأني عانيت من الضرب

وانا صغيره:16: لما قلت امين امي ما تستخدم الا الضرب معي ومع خواتي...



أبي مساعدتكم كيف ترتبون يومكم وتتفرغون لانفسكم ولأزواجكم انا طفله وحده مو عارفه ارتب جدول يومي


قام الشيطان يوسوس لي (استعجلتي بالاطفال )

(ياريتي ما حملت )

(ياريتني أجهضت)

يا ريتني وياريتني.............وانا مابي هالوساوس ..وابي افرح في بنتي مو اتذمر انها نورت بيتنا وحياتنا..

الله يخليها لج يارب..

الله يعينك توك انتي في البدايه
بس بغيت اسالك بنتك لما تبكي فيها الم يعورها مثل غازات او اذانها تعبانه
يعني وديه الطبيب اول شي ةتأكدي ان مافيها شي
واذا تاكدتي ان ما فيها شي وتمت عمر 8الى 10
انصحك باستخدم هذا الاسلوب بس لازم تكوني قويه ولا الله يعينك ومارح تقدرين عليها
تجلسينها في الجلاسه وتكوني جالسه عنده وانتي مرضعتها ومغيرتلها يعني كل الامور تمام
وذا بكت تبيك تشيلينها لاتشيلينه خليها تبكي لو جلست نصف ساعه عادي ادري يمكن كثير بيخلفني الري بس هذا السلوبي ونتيجه مضمونه و ولا تلعبينها ولا شي لاحد ماتسكت وتنام من كثر مابكت مره مرتين بعدين خلاص مراح تبكي الااذا كان فيها شي
بس اذا كانت بنتك من النوع الي يتشنج من البكى ماانصحك تسوين هالطريقه

الله يخليها لج و يحفظها

كلام اختي المرهفه الصغيره صحيح ميه بالميه

نصيحه مني عن تجربه اذا البنت بخير وما فيها شر وتبكي بكاء دلع طنشيها خليها تصيح لحد ما تنام مره مرتين ثلاث بتتعود

لا تعودينها تشيلينها وقت النوم رتبي نومها وخليها في سريرها بتبكي بس طنشي لحد ما تنام

فيه معلومه ما ادري اذا صحيحه خليهم يبكون عشان تقوى الاحبال الصوتيه عندهم وادعيلها الله يهديها ويصلحها


الله يجعلها ذريه صالحه ومصلحه انشاءالله

أنا بنتي زي بنتك أنا عودتها أنها أذا صاحت على طول أروح أشيلها وألحين عمرها 9 شهور ونفس الحاله وهي من النوع ألي أذا بكت تتشنج من البكى فأخاف أخليها تبكي الله يعينا على الأطفال وحوستهم...
حاولي أنك تشتغلي اذا نامت ..أغلب الأوقات أشتغل في الليل أذا نامت حتى لو الساعه2أو3 ...

الله يصلحها ويهديها امين...

انا نفس حالتك اختي ريم بالضبط بس الحين ابني عمره 9شهور تحسن عن اول بكثيييييييير اصبري ولاتعودينها على الحملة خليها تبكي بس اذا شفتيها قطعت قلبك شيليها انا استخدمت الاسلوب هذا مع ولدي لحد ماتعدل وصار مريحني كثييييييييير بس وقت النوم مطفشني مو مضبوط

مشكورين


الحمدلله بنتي مافيها شي كشف عليها الطبيب

وهي بكاءها كله عشان اشيلها لما اشيلها تسكت وتضحك وتنبسط بس انا تعبت كتفي توجعني


من كثر ما اشيلها واهزها


المشكله ابوها ما يحب يشوفها تبكي حاولت كذا مرة اني اتركها تبكي عشان تتعود تجلس بكرسيها

بس بدون فايده ابوها يوقف لي بالنص..

لا والله حراااااااام انا بنتي عمرها سنة و8اشهر دايم تصيح احيانا اشيلها واحيانا اخليها بس مو لما تصيح وتنام احس حرااام لالالا تسوينها بتعور قلبي .انا اقول خلاص ما اشيلها واول ما تبدا بالصراخ ولون شفيفها بيصيروا بنفسجي تكسر خاطري واشيلها وانا منفجرة من الغضب لكن شو انسوي الحمد لله