مشكلتي اللاتهابات؟؟؟؟وزواجي بعد شهر؟؟
 

السلام عليكم ورحمة الله وبركاته
أنا أول مرة اشارك في هذا المنتدى، فالله يخليكم اذا أحد عنده نصيحة أو حل يفيدني والله لأدعيلة طول عمري ،، لأن هالموضوع دااااايم شاغلني يعني أفكر فية 24 ساعة ، والحين ما بقي على زواجي الى شهر بس فالله يخليكم ساعدوني... لأن هالموضوع مضايقني أنا .. فكيف بيكون تأثيرة على زوجي؟؟؟
أنا أعاني من التهابات ... لونها أبيض جامد و أصفر ، ومرات يكون فيه حكة... رحت لدكتورة بعد ما خلاص ماكنت ادري اش اسوي ، وبتوفيق الله قدرت ادخل واحكيلها .. بس لما قلتلها عندي التهابات وانا بنت .. الدكتورة استغربت! حتى اني خفت كثير ... وبعد ما بغيت أبوس ايدها ، رضت تكشف علي ، لأنها قالت هذا مو عندي ... وأنتي بنت وأخاف ومدري أيش ... لأني قلتلها اني طحت مرة على السيكل وانا صغيرة مررة وأذكر أني شفت دم .. وفحصتني وسوتلي مزرعة ، وديت العينه للمختبر.. بعدين قالت النتيجة بعد اسبوع .. وقلتلها ما أقدر أجي بنفسي أقدر أكلمك؟ قالت طيب ...
وقعت أسبوع وأدق على المستشفى واطلب تحويلتها وما في أحد يرد . والله أني قدعت شهر وأنا أكلم ومافي رد.. وأخيرا . لما قدرت أوصل لتحويلة المختبر نفسة ، اعطيته رقم الملف .. وأنا أيدي على قلبي من النتيجة .. مع أني كنت محتاجتها عشان يتحدد العلاج الصح؟؟ تخيلوا ..يقولي ما في عندنا نتيجة ولا أصلاً عينة.. مع أن اسمي ورقم ملفي طالع عندة ..صح؟؟ وقعد يقلي جيبي ورقة المختبر وأحنا نحاسب المسؤول ومن هالكلام"المستشفى كبير ومعروف"
... بس أنا أيش بستفيد ..بعد ماأخيراً قدرت أروح للمستشفى وهو في منطقة بعيدة عنا ،وأتجرئت أن الدكتورة تكشف علي، وأصلاً أيش أقول لأهلي .. لأني في المرة الأولى رحت على أساس أني بعالج بشرتي؟؟؟
مع العلم أن الدكتورة أعطتني غسول"دش مهبلي" وقالت أستخدمية خارجي"أنا كنت أحط لتر ماء مع شوي منه وأغسل فيه عادي ،مو أجلس فيه ،وفي الأخير أغسل بماء عادي" ومرهم :استخدمة مرة وحدة ومضاد "حبه وحده بس في العلبة"، واستخدمتها .. صراحة أن الريحة أختفت ..بس الأفرازات ما زالت زي أول..
والله ما أدري أيش أسوي ... والله وأني كل يوم أبكي وأدعي أن يكون فيه حل .. لكن ماأدري أيش أسوي ؟؟
والحين دقيت على مستشفى أهلي قريب لنا .. وكلمت دكتورة النساء . وقلتلها: أنا بنت وعندي التهابات أقدر أجي عندك تشوفيني وتعطيني علاج ... والله العظيم أنها قالت : روحي المستشفى الفلاني أحسن"مستشفى حكومي ومستحيل أقدر أروح" ؟؟ والله أنها بكلامها خرعتني أكثر: يعني أحتمال ماأكون أصلاً بنت ، عشان كذا هم خايفين يكشفون علي؟؟؟

ملاحضة: "أنا كنت العب بنفسي بالماء لما كنت في الثانوي "يارب توب علي ، والله ما كنت أدري عن شي أسمة عادة سرية وشي أسمة غشاء بكارة"

الله يوفق للي يرد علي .. الله يخليكم ..ساعدوني ..والله ماأدري أيش أسوي؟؟؟
"نذر" علي ، طول عمري لأدعي للي يساعدني بحل لمشكلتي، وادعيله كل ما دعيت لنفسي وأهلي ..
يارب استرني فوق الأرض وتحت الأرض ويوم العرض... الللهم أميييييييين

بصراحه
أستغربت
من كلامك يعني ألتهابات عادي تجي للبنت والمتزوجه
عادي يمكن متحسسه من الفوط الصحيه أو شيء
وأنا مو دكتوره عشان أساعدك
لكن روحي لمستشفى ولا تخافي توكلي على ربك
ومافيها أي شيء خلي ثقتك بربك كبيره
ربي يوفقك

حبيبتي ابغى اطمنك..
انا متزوجه وفاهمه ايش بقولك..

شوفي غشاء البكاره جوى مره يعني مو سهل انه ينضر،، حبيبتي فيه بعض الازواج يقعدوا ايام الين ما يقدروا يفكوه..والدم اللي انتي شفتيه ربما يكون جرح خارجي هذا اولا..
ثانيا،، لو فرضنا انه غشاء البكاره صارله شي ( فرضا مع انه احتمال مستبعد) لكن اقولك انه ممكن يلتئم خصوصا انه اللي حصلك هذا من زمان وانتي طفله.

بخصوص المويه اللي كنتي تلعبي بيها احتمال ضعيف انه تأثر بالغشاء لانه زي ما قلتلك اول صعععععععب فتح الغشاء وتراه جوى مو بره زي ما انتي محسبه وبعد شهر ان شاء الله رح تتاكدي بنفسك وتفهمي انا ايش قصدي...

والاهم يا حلوه :
انه لو كان غشاء البكاره حصله شي كان قالتلك عنه الدكتوره اللي كشفتي عندها اول مره !!

اما بالنسبه للالتهابات لازم تعيدي التحليل عشان يعطوك المضاد المناسب بدل ما تقعدي تجربي بادويه يمكن ما تفيد في نوع البكتريا اللي عندك ،، وهذا اللي حصل معاكي الادويه اللي اخذتيها ماهي مناسبه لنوع البكتريا اللي عندك عشان كذا ما زال فيه الالتهاب،،
لذلك حبيبتي اضغطي على نفسك وروحي مره ثانيه للدكتوره وعيدي التحليل واذا على اهلك قوليلهم الدوره ملخبطه عندي وابغى الدكتوره تشوفني...


الله يوفقك في حياتك الزوجيه.

أختي" آملي في الحياة" الله يسعدك ويوفقك دنيا وأخرة ، لأنك طمنتيني أن الاتهابات تجي للبنت والمتزوجة.. ولك مني كل الدعاء بالتوفيق والسعادة.

أختي"Crestalla" والله ما أدري أش أقولك ، الى الله يوفقلك بعدد كل حرف كتبتية عشان تطمنيني فيه ، وبعدد كل ثانية أخذتيها وأنتي تكتبين لي ،الله يسعدك دنيا وأخرة

اختي نور انا كمان عندي نفس المشكلة

و اللي اعرفه ان الالتهابات تجي للبنت و المتزوجة


وانا رحت للدكتورة و عطتني غسول ومرهم و الحمد لله في تحسن


نصيحتي انك ما تهملي هالالتهابات يعني روحي لاي دكتورة وتعطيك الدوا المناسب لك



تحياتي

عادي اختي نورررررررر هي تيجي للبنت والمتزوجه جدا عادي روحي الى الصيدليه ويو صف لكي دكتور علاج بدون كشف

انا ان شاء الله رايحه اطمنك
اولا انا متزوجه ولمن انا كنت بنت كانت تنزل لي نقط دم لمن اكثر في الشغل او اشيل شي ثقيل وكنت دايم اخاف وكانت عندي التهابات وحكه ومازالت بس بعد الدوره المهم اني كنت اشك مثلك اني ماني بكر ولمن قرب زواجي رحت وصارحت امي وياليتني ماقلت خافت امي اكثر من خوفي والله ماصارت تنام الليل من الخوف والحمد لله تزوجت وطلع غشاء البكارة شي ثاااااااااااااااااااااااااااااااااااااني عن الي توقعته والله مش اي شي يوصله والله لا تخافي وانتبهي تقو لي لامك لانها حتخاف لكن قولي لاختك الكبيرة اذا كان عندك
ثانيا عندي استفسار بسيط كيف الدكتورة اخذت لك عينه من الافرازات لاني الي اعرفه ان العينه تسحب من الداخل يعني ايش سوت بالضبط

السلام عليكم ورحمة الله وبركاته

اختي نور لا تحاتين شي... الدكتورة ماستغربت ولا شي.. ماستغربت انك بنت وتطلعلك التهابات .. بس الدكتورة كانت اتحاتي شلون تاخذ عينة من الافرازات .. لان يا غناتي لما تبي تاخذ عينة ... تحتاج اتدخل مثل قطنة .. نفس قطنة الاذن طويلة داخل المهبل.. واذا انتي عذراء طبعا ماتقدر اتسويها..
وبالنسبة لغشاء البكارة .. تراه بعيد .. وصعب انه ينفض بهالسهولة .. والدم الي طلعلك يمكن لانك انجرحتي..
ولنفترض.. مجرد افتراض.. ان الدم الي نزل بيكون من غشاء البكارة .. مو شرط يكون انفض كامل بس جزء بسيط منه ..
ريحي بالك واتطمني.. الغشاء مو بالسهولة ينفض.. ولا كان مافي ولا بنت ظلت عذراء ليوم زواجها.. ياما وياما طحنا.. وياما وياما جرحنا نفسنا ونزلت مننا دماء.. ووالله اني مريت بنفس حالتك النفسية وقعدت احاتي انا عذراء ولا لا.. وكانت هالمحاتاة مالها داعي..
وانتي نفس الشي.. اتعوذي من ابليس وعيشي هالكم يوم قبل العرس وانتي مطمنة ووفكري بمستقبلك ويوم زفافك ... وبس!!
وبالنسبة للافرازات .. اختي بعد نفس الشي.. تنزل لها افرازات كثييييييييييييييرة وهي اصلا مو متزوجة كثيرة بشكل مو طبيعي.. وعلى كلامها فيها ريحة ..
فالحل يالغلا اتروحين للصيدلية .. واتقولين لهم احتاج vaginal wash يعني غسول للمناطق الحساسة .. واتكون مافيها اي مواد غير طبيعيه .. صدقيني اتفيد .. انا استخدمها.. وتزيل الريحة الكريهية الي تطلع من الافرازات وغيره ..

بصراحه الدكتوره غريبة

لا ياقلبي لا تخافي لأن الإلتهابات حتي البنات الصغار تجيهم


لكن أنتي محتاجه لدكتوره نساء ممتازه وأكيد بتوصفلك دواء يفيد للإلتهابات

أما بالنسبة لغشاء البكاره مو من السهل فضه ويمكن تحتاجين لشهر حتى تتم العمليه


وبتتذكرين كلامي إن شاء الله وبيوفقك ربي ويتمم لك على خير


تمنياتي لك بالتوفيق