|
ابنتي تطلب شراء جوال
السلام عليكم ورحمة الله وبركاته
ابنتي في عمر 15 سنة انتقلت من ثالث متوسط الى اول ثانوي ومصرة على شراء جوال لها وتقول انها سوف تتركه في متناول الجميع . انا متخوف من الفكرة ، لما يعرف من اخطار الجوال .. انتظر مشاركتكم لي .... وجزاكم الله خير . |
الوضع خطير جداً .. وخصوصاً إذا كانت البنت ممن يستخدم الأنترنت والدخول على الدردشة ... فبذلك سيكون الأمر سهلاً لإنجرارها خلف ما حرم الله .. فحتماً عقل أبنتك لم يصل إلى درجة النضج التام وهي مازلت حديثة على الكثير من أمور الشباب وحيلهم التي لا تنتهي .. لا أتوقع أن ابنتك في حاجة ماسة للجوال .. فالجوال دخيل على مجتمعنا فقط من ثمان سنوات أو أكثر بقليل ... عشنا حياتنا من دون جوال .. اتمنى أن تحذري ولكن لا تحاولي نهرها عن هذا الوضوع بشدة فرفاق السوء حتماً سيدبرون لها حيلة إن فشلت في اقناعك لتشتري لها جوال ... حاولي أن تماطلي في الموضوع .. وأن تفهميها مع الأيام بمدى خطورة هذا الجهاز في سنها المبكر أسف على الاطالة تحيات ( لادن لوف layadnlov ) |
اخوي ابوي غزيل
منع البنت من الجوال في هالوقت شي صعب لانها بتقول لك ان صاحباتها كلهم عندهم جوالات ومنعك لها من شراء جوال يعني انك مقصر في نظرها وانها ناقصه عن البنات اللي بسنها رأيي انك تجيب لها جوال وماتغيب الرقابه وتقول لها بالليل تقفله وتجيبه عندك وتاخذه بالنهار مع الرقابه من بعيد لبعيد يعني لاتبين لها انك تشك فيها انها تسوي شي غلط فيه وتفتح عيونها على شي قد تكون هي غافله عنه الله يعينك ويحفظ بنتك ويستر عليها ياارب |
اقتباس:
|
السلام عليكم ورحمة الله وبركاته
اخي الفاضل\\ حفظك المولى انت واسرتك من كل مكروه اخي قبل ماترفض انا راح اقول ايش تعمل تاخذها بيوم انت وهي وتطلعوا بالسياره وتشتري لها ايس كريم وتجلس انت وهي تاكلوا وتدردشوا بعدين افتح معاها الموضوع بكل هدوء 1_ يابنتي ياحبيتي قبل كم يوم عرضتي لك طلب بشراء جوال ،، صح؟؟؟ يابنتي انا مو معترض على الفكره وان شاء الله بأجيب لك الجوال واحسن جوال كمان بس يابنتي 1_ انت في ايش محتاجه الجوال؟؟؟ <<<< شوف ردها اذا مقنع 2_ يابنتي انت متى تحتاجي الجوال ؟؟ لما تطلعي من البيت وانت اغلب الوقت تطلعي معانا 3_ يابنتي وحبيبتي السنه الجايه اولى ثانوي ان شاء الله وموادها كثير اذا جبتي لي الترم الاول من العشر الاوائلراح اجيب لك الشريحه بس من غير جهاز والترم اللي بعده راح اجيب لك الجهاز. 4_ الجهاز راح يكون طول الوقت بالبيت مقفل وعندي ومارح ينفتح الا اذا طلعتي من البيت ومن هذا الكلام يعني لاتعطيها الجواب الشافي ولا توفر لها الجهاز بسرعه البين تتأكد يعني ماطل معاها وقول لها افكر في الموضوع وحط لها شروط وبعدين اذا طلعت لها الشريحه طلع لها شريحه الاهل والاصدقاء وحدد لها حد اتماني محدد يعني حط لها شروط وقوانين في استعمال الجوال اخي انا مامسكت جوال الا لما دخلت الجامعه ولأحتياجي له وهذول بنات اختي الاثنين لهم سنين وكل صحباتهم عندهم جوالات بنت اختي السنه هذي انتهت من الثانويه العامه ودوبنا جالسين نفكر بشراء الجوال او لأ لأن جالسين ننتظر دخولها الجامعه او السفر للخارج واختها الثانيه بنفس سن بنتك الله يحفظهم ويبعدهم عن عيال الحرام نفس الشي طالبه جوال ولكن اختي وزوجها رافضين الفكره تماما ان يستلموا جوالات قبل ماينتهوا من الثانوي وخلاص البنات استسلموا للموضوع لأن بصراحه اذا البنات بسم الله عليهم مابيطلعوا الا معاكم او مع امهم يعني مايحتاج الموضوع وبعدين اذا اشتريت الجهاز لاتشتري لا كميرا ولا بلوتوث وقول لها اذا اشتريت لك الجهاز ترى مافيه لاكميرا ولا بلوتوث يعني مااااااااااااطل فيها وكرها في الجوال وانتبه انتبه اخوي من الجوالات الله يرضا عليك البنت عجينه لينه سهل ينخدع عليها والبنت لسه تحت جناحك لسه مافقست من البيضه عشان تفرض سيطرتها عليك اهم شي اخوي 1_ خذ الموضوع برحابة صدر وانك مو رافض الفكره بس تفكر وان عندك شروط 2_ لاترفض بعصبيه وتنهرها لالا خليك هادي وفهمها ووعيها عن مشاكل الجوال 3_ بين لها تأخيرك في تنفيذ الطلب بسبب انك تحبها وخايف عليها يعني اغسل مخها بكم كلمه حلوه والله يخليها لك ويقر عينك بصلاحها هي واخوتها وبرهم فيك سامحني طولت عليك الله يوفقكم وينور بصيرتكم |
[img]http://****************/up/uploads/17f8f16716.gif[/img]
اخوي اذا رفضت تجيبلها جوال ممكن تاخذ فلوس وتعطيها احد من صديقاتها في المدرسة وتخليها تجيبلها جوال .. (كثييييير يسووونها ) قولها انا موافق اجيبلك جوال وانا ماوافقت الا لأني واثق فيك فأرجو منك انك ماتخونين هالثقة لأن ثقتي فيك لو اهتزت صعب ترجع زي اول وصعب تلقين نفس المعاملة الأولى .. ممكن تجيبلها جوال لكن بين كل فترة والثانية حاول تاخذ منها الجوال بحجة انك بتتفرج على الرسائل او الاسامي او البلوتوثات الي عندها .. واهم شي التوعية بمخاطر العلاقات المحرمة و تهتمون فيها ومايكون عندها وقت فراغ .. وياليت تخلي امها تتقرب منها وتكون صديقتها وكاتمة اسرارها وتحسسها بالأمان وتوفرون لها كل سبل الراحة والحنان والعاطفة والاطمئنان لأن البنت اذا حست بنقص بالبييت ممكن تدور هالشي برا .. والله يحميها ويستر عليها وجميع بنات المسلمين ياااااااااااااااااااااارب [img]http://****************/up/uploads/17f8f16716.gif[/img] |
اشكر كم كثيرا على الاجابات التي اراحتني وشدت من عزمي ، وخاصة الاجابات التي فيها تطويل لأنها تبرد قلبي كثيرا ..
سوف اماطل في الجوال وبالكلام الزين .واقول اذا فيه جوال بس بشرط بدون بلوتوث وكميرا.. لكن امها ( الله يهديها ) سلبية في هذا الامر وتاكتها علي لوحدي. مع انا ولله الحمد في البيت سواء. |
عزيزي الامر بسيط اشتري لها جوال وعودها على ان تكون مسؤوله عن نفسها ولكن كن على تواصل دائم مع ذلك الجوال كما انصحك ان تعود ابنتك على المصارحه وان تجعلها تشعر بالارتياح وهي تكلمك فهي بسن المراهقه الان لا تمنعها ولا تحاول كسر خاطرها ولكن كن رقيبا جيدا انت ووالتها والله يرعاها لك
|
أعانك الله
|
السلام عليكم ورحمة الله وبركاته
اخي الفاضل انا حبيت اطرح راي في موضوع طلب بنتك لشراء الجوال ، صحيح البنت بالوقت الحالي هي في سن حرجه وبهالسن لازم الاباء يككونوا اصدقاء لاولادهم ويكونوا قريبين منهم جدا ، واستعمال الجوال مو دائما سلبي ، لكن انت اكيد ادرى منا في تربية بنتك واكيد فيك الخير والبركه ، فمكن بنتك طلبها لشراء الجوال فقط لانها تعدت مثلا المرحلتين الدراستين واقبلت على الثانوي واكيد بتشوف بنات مثلها يستخدمونه ولكن انت ماترفض شراءه لها ممكن تشتريه لها بس لازم تقعد معها وتناقشها ان اي وسيله واي شيء له طريقتين في الاستعمال واحده ايجابيه والثانيه سلبيه ومتى كان الاستعمال ايجابي يعود على صاحبه بالخير ومتى كان سلبي بيرجع بالمتاعب اشرح له كل شيء الجوال مثله مثل النت تماما ولكن اثبحا وسيلتين من الضروريات لا من الكماليات ، اشرح لبنتك كيف تستخدم الجوال، اي تستعمله في اتصالكم بها او اتصالها بكم في حالة ظروف وفي اصتالها بصديقاتها مثلا او في الرسائل الدعويه وغيرها مما سيعود عليها بالخير وممكن تخبرها انو كل ما استعملته بطريقه ايجابيه كلما حاولت تشتري لها احسن وتلبي لها ما استطعت من طلباتها اهم شيء انك ماتعارض الفكره وتحط ببالها ان الجوال وسيله فقط لافساد الاخلاق لانها ادا حطت فكرة الجوال مهما عارضت شراءه فهي ستحصل عليه وباي طريقه لاني لقيت ان في اختين مازالوا بالمرحلة المتوسطية واشتروا جوال من غير علم امهم وابوهم ويستعملونه بس في معاكسة الشباب ومايعرفونهم فقط يحطون الرقم كدا ويكلمون اي احد وهدا من جهلهم طبعا لو مثلا لقوا احد ياخد بيهم ويوريهم الصح من الغلط اكيد ماكانوا سووا كدا عموما انا باعطيك حالة للتدخين : في رجل بلغ ابنه تقريبا سن 16 سنة يمكن وعرف ان ابنه يرافق شاب بيدخن والاب فعلا من حكمته ماشاء الله عليه لا وبخ الابن ولا ضربه ولا عاند معه كل اللي سواه ، انو راح واشترى علبه سجائر ودخل ابنه لغرفه وعطاه علبه السجائر وولاعه وفتح له نافده الغرفه وقفل باب الغرفه وقال له خد راحتك وعلى كيف كيفك ، الابن اخد العلبه والولاعه وقعد يشرب سجارة ورى الاخرى لين وصل ما قدر يستحمله وصحيح ماقدر يكمل العلابه وقعد يطرق باب الغرفه على ابوه مشان يفتح له وفتح له الاب ودخل عنده وقعد معه ، قال للابن ها شرايك ، قال الابن والله مجانيني اللي بيشربوا دخان بيضيعوا فلوسهم في هالسم وهالنار على قلوبهم ، قال له الاب انا حبيتك تشرب الدخان من غير سرقه او من ورانا مشان تعرف شنو هو الدخان واضراره والان لك الاختيار ولك القرار . واكيد الابن قراره كان صائب . وباعطيك كمان حالة وقعت لصديقتي وحكتها لي شخصيا : تزوجت وقبل الزواج عمرها ما استخدمت النت ولاحتى الجهاز عادي وتزوجت صغيرة كمان يعني بعمر 15 سنة ولما جات مع زوجها للبيت وهي رغم انها زوجها لكن هي بعد بسن المراهقه ، فزوجها عرف انها راح تستخدم النت هدا شيء لامحال منه وقام وفتح له موقع الشات وسجلها فيه وعلمها كيف تدردش مع الشباب ولكن تصرفه كان غايه في نفس يعقوب المهم دخلت لمدة 3 ايام وهي بتدخل لموقع الشات وكل يوم تكتشف شيء غريب قلة حياء وانحلال اخلاقي وووووووووووووووووو من السلبيات وقالت لزوجها بغيت اعرف بس ليش هالناس يقعدون ساعات على النت بس من شان كلام فاضي ولا اخلاقي واساليب في قمه الانحلال واللي زاد استغرابي ليش انت مشجلني عوض تسجلني بشيء ينفعني ، قال لها مواقع الشات هي الاكثر انتشار واكيد شيء يوم راح تدخلي وتشوفينهم وممكن بحسن نيه تدخلين وتنساقين في شيء غير مرضي فحبيتك تشوفي وتعرفي شنو هي مواقع الشات ، ولمدة 4 سنوات وهي تشتغل على النت وحتى ماسينجر مو عندها ولكن دائما على النت وتستخدم النت في الدعوة الى الله وفي منتديات لنشر الخير وماشاء الله عليها الحين مشرفه لقسم في منتدى الله يزيدها خير ويبارك فيها يارب . فلهدا اخي الفاضل الرفض لاياتي مباشر ابدا فانا اعطيتك طريقتين كانت مقنعتين واتمنى اكون وصلت لك بهم فكره تساعدك حتى ترضي بنتك وترضيك عنها . ولك كامل احترامي وتقديري |
| الساعة الآن 03:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©