|
ساعدوني بديت أعلم ولدي على الحمام-الله يكرمكم-وتندمت
أخواتي الأمهات
ولدي عمره سنتين ونص تقريبا وقررت أعلمه على الحمام الله يكرمكم وبديت من كم يوم بس وتعذبت أنا كنت مقرره ماأعصب ولاأطقه بس تغيرت الأمور جنننننننننننني إذا دخل الحمام مايبي يطلع وإذا طلع مايبي يدخل ملابسه مايبي يلبسها أحاول ألبسه يرفض يوقف عدل لاشعوريا أطقه طقه يوقف من بعدها وهويصيح هذا غير البلاوي اللي تصير واللي متعبني أكثر إن اللي حولي وخاصة أبوه مو متحمل الوضع يقولي رجعي الحفاظة وريحينا والله صار يعصب علي قبل يعصب على ابنه من جد نفسيتي تعبت وماودي أرده للحفاظة بعد مابديت مشواري لأني ماأشوف هذا حل سواء بديت أعلمه ألحين وإلابعدين بمر بهالمرحلة فليش أردها بعدمافكيتها وش تنصحوني ماعاد صرت أملك نفسي من الطق خاصة إذا عصب علي أبوه ســــــــــــــــــــــــــاعدوني وش الحل؟؟ |
كم صبرتي معاها؟:25:
معاك حق تضربيه لانهم يرفعون الضغط :( بس برضو حراااااااام لسه فهميه شويه بالكلام يمكن يفهمك قوليله عيب انت كبير بتروح المدرسه بيضحكون عليك:d ومنه ذا الكلام وانتي ادرى واذا حسيتي نفسك طولتي معاه ومافي فايدة رجعيها وافتكي ياشيخة ونامي مرتاحة لاتعورين قلبك وراسك:25: :d اذا طفش منها هو بيشيلها انا اخواني امي تخليهم لحد مايستحون على نفسهم يعني وعمرهم اربع سنين:d والحمد لله ماعمرهم سووها على نفسهم حتى وهم نايمين |
مرحبا الألمعية . أنصحك إختى تكملي مع إبنك المشوار وما ترجعيه للحفاظ الآن. عندي فكرة لك ،، إلفتي نظره إنك تذهبي للحمام مثلي أمامه شعورك بحاجتك للذهاب للحمام وبعدها ذهابك له . ممكن بعد يدخل مع أبوه ويرى الطريقة الصحيحة لإستخدام الحمام أكرمك الله . والله يحفظه لك يارب . |
مرحبا اختي
انا بنتي علمتها على الحمام لما صار عمرها سنتين وعشرشهور ماشاء الله عليه تعلمت على طول ماتعبتني طريقتي معها ماتلبس الحفاض الا وقت النوم وطولاليوم ماسئلها تبين الحمام لا اقولها روحي للحمام <<<<<<<< صيغت امر وكانت عزك الله ماترضى تخرج في الحمام بس عز الله تبول في الحمام وادا اخرجت بالحمام تقعد تصيح لازم تلبس حفاض وتسوي فيه بعدين قلتلها مافي حفاض الا وقت النوم سوي في الحمام اسبوعين تقريبن وصارت حتى الحفاض لما انزع منها في الصباح القاه نضيف فصرت ما البسها حفاض وقت النوم ودخلها الحمام قبل متنام والفجر اصحيها ودخلها الحمام 4 ايام والبنت ماشاء الله عليها ماسويتها على سريرها الا مره وحده لاني نسيت ادخلها الحمام وترى سنتين ونص صقير انابنتي يالله فهمت وهي اكبر منه ........... والله يوفق الجميع |
يالغلا طيب القلب
مايفهم لذا الكلام توه سنتين و4شهور وبصراحة صعبة جدا ألبسه الحفاظ إلين 4سنين بيصير رجال الله يصلحه وكلن يضحك عليه مشكورة يالغلا نورتي الصفحة |
تانيا
مشكورة يالغلا فكرتك الأولى بجربها أما فكرتك الثانية فهو عارف الوضع إذا دخل الحمام بس مشكلته مايقولي وديني عموما بحاول معه ودعووواتكم |
عسل الروز
والله أنا أقوله بصيغة الأمر بس صار يمل ويقول لا ويقعد يصايح صرت أشيله وأنا ساكته وأدخله الحمام وابني أول يوم فكيتها كان يجيبها لي يقول لبسيني بس شلت كل الحفاظات الموجودة رفعتها عنه ويابختك تعلمت وارتحتي عقبالي |
http://pic.alfrasha.com/data/media/51/salam_2.gif http://www.asmilies.com/smiliespic/FAWASEL/001.GIF شوفي حبيبتي عمرك إبنك معقول >>> إبني علمته على الحمام من دون ماأقصد ؟؟ تدرين وشلون ؟؟!! جلست فترة أشيل الحفاظ وقت الظهر والعصر وألبسه سروال عندي متين شوي بحيث إذا سوى شيء مايملانا :22: فهمت ,, وكل ماسوى وديته للحمام وغسلتله وفهمته إنه هذا مكان البول... جلست فترة ماأذكر هي أسبوعين يمكن!! وبعدها قلت بجرب بحاول فيه كل ساعه صرت أخذه للحمام وأشرط له يعني أعطيه أي شيء يحبه >>> وإذا رفض يطلع وكان وده يلعب أو يسبح أفتحله الدوش وأخليه لين يمل ,انا طبعاً عنده<<< ومع الوقت الحمدلله والله يتم علينا نعمته صار يقضي حاجته ويطلع وحطي ببالك الملابس لازم تترطب وتكون مليانه ماء لكن تحملي في سبيل النتيجة اللي بتحصلين عليها وبتكون بإذن الله مرضيه.. تقبلي تحياتي وآسفة على الإطاله,,,,,,,, http://www.asmilies.com/smiliespic/FAWASEL/001.GIF |
ياعزيزتي الصبر مطلوب في مثل هذه الامور
يامالك من العناد والملابس المبلله الله يعينك وييسر امورك اختك بالله جينز |
محبة النوم
جينز يعطيكم العافية يارب ويسعدكم أنا مشكلتي معه العناد يرفض يلبس ويفصخ إلابالطق يعني مايمشي إلابالطق وبصراحة أرحمه بعد ماتهدأ أعصابي وشاريكم بهالنقطة يعني أستمر بالطق إلين ربي يفرجها أو في حل ثاني ممكن ينفع معه حتى صراخي الظاهر الجيران توهم يكتشفون إنه فوقهم ناس صار لساني علطول عالي منه الله يهديه بس |
| الساعة الآن 11:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©