|
الموضوع للي يحب الاطفال ويفكر في راحتهم.......فقط
بسم اللـــه الرحمن الرحيم السلام عليكم ورحمة الله وبركاته.... حبيباتي أعضاء المنتدى...... أختكم الصغيرة تبغى المشورة.... لأنها جديدة على الموضوع ومهي عارفة ايش تسوي..... ولدي الصغير عمره 7شهور وماشي في الثامن..... والاسبوع هذا مر بصعوبة عليه وعلي.... لانه عنده ارتفاع في درجة الحرارة ......والتهاب في الصدر وبلغم... ووديته للدكتور...واداني علاج...واديته بس ما أحس انه سوى مفعول قوي..... وناس يقولولي عادي لأنها مرحلة التسنين......والمشكلة انه ماياكل ولايرضع الرضاعة الا بصعوبة....... وكله كووووم ووقت النوم كوم ثاني.....بس زعلان وماينام مرتاح ومايرضع الا رضعة وما يخلصها....واحس ان وزنه خف كتييير والكل لاحظ.... ولا اليوم بدينا في مرحلة الاسهال-الله يكرمكم- وكل واحد يديني خلطة.... بس أنا حبيت استشير ذوات الخبرة منكم والى متى راح يستمر الوضع معايا كذا...وايش هي الخلطات الممكنة اللي تقلل من تعبه....وسمعت انه في ابره تخلي الاسنان تطلع من غير سخونه ولا اسهال ولا غيره....ايش رايكم فيها؟؟؟!! بليييييز ردو علي..... بالله عليكم الكل يدعيلي ان ولدي تعدي عليه مرحلة التسنين من غير تعب....ويخليه لي |
مرحله التسنين مرحله صعبه جداااااا للام وللطفل
لكن الحمد لله هي تعدي سريعه وتنتهي ببدايه ظهور السن ومن تجربتي مع اطفالي انصحك ب المحافظه على درجه حراره الطفل بالكمادات والتحمم حتى لا يصاب بالتشنج لا سمح الله فيه دواء عباره عن جل يباع في الصيدليه يوضع على السن يخفف الالم على الطفل ويساعد على سرعه ظهور السن اعطيه الالعاب الخاصه بالطفل في هالمرحله (احنا نسميها عضاضه)حتى يحك اسنانه فيها وتشق بسرعه مع المحافظه على نظافتها طبعا ادهني منطقه الحفاظ بفازلين بعد كل تغيير طبعا بعد غسلها وتجفيفها حتى لايصاب الطفل بالتهاب مع تكرر مرات الاسهال تاكدي ان طفلك ما اصيب بمرض العظم وهو ان عظم اليافوخ يكون نازل في وسط الفم فيعيق الرضاعه عنده زياده على اللي فيه وهذ الشي عانيت فيه بكل اطفالي وان شاء الله يارب تعدي هالمرحله بسرعه عليك وعلى طفلك |
اقتباس:
شكراااااا حبيبتي ام خالد........ بس حبيييت اسئلك عن الجل هذا مضمووووون......وبالنسبة للعضاضة في ناس قالولي انها تخلي الاسنان متعرجة ومهي متوازنة...... وبالنسبة لمرض العظم هذا أول مرة اسمع عنه....ياليت توضحيلي أكثر..... وأسفـــــــــــــــــة اذا كثرت عليك الاسئلة"""ومنكم نستفيد....."""" وشكرا على حضورك.... |
الله يعينك إختي..
أنا مريت بهذي التجربه والحمدالله أنا في المرحله الأخيره.. وهذا جدولي اليومي مع بنتي والتسنين.. 1) كل أربع ساعات أعطيها دواء Calpol أو little fevers....لأن التسنين يسبب حمى وصداع 2) قبل ما تنام ( في وقت المغرب) أفرك لثتها بجل التسنين وقبل ما تنام كمان أفرك لثتها 3)خلال اليوم أعطيها جزر بارد علشان تحك لثتها ويبرد عليها 4)أبدل الحفاض على طول عن مايسبب طفح جلدي لأن إسهال التسنين حمضي وحار وهذا يأثر على الجلد5) قبل ما تنام أنظف أنفها بأملاح عن ما تعاني من صعوبه في التنفس خلال نومها وإذا كان أنفها مسدود بالرغم إنه منظف أحط على فتحت أنفها "فيكس أبو فاس السائل" وهذا طبعاً بتلقيه في السوبر ماركت أو حتي الصيدليه... 6) أنيمها وأرتااااااااااااااااااااااااااااح:) |
أنا والله ماأعرف شئ للتسنين
بس يوم ولدي مر بهالمرحلة أمي كانت تفرك اللثة بمرة ومحلب (عند العطار) تنقعهم بموية وتفرك فيهم اللثة وقالت لي إنه يساعد في ظهورها وناس تقول خليه يعضعض بصل بس انتبهي لايكون بصل حار توهقينه مسكين |
يا ربي والله رعبتوني
بنتي عمرها الآن اربع شهور شلت هم اذا بدت تطلع أسنانها الله يعافي عيالكم ويطلع اسنانهم بدون تعب ويا رب يخليهم لكم .. |
شكرا أختي اللقي على هذه المعلومات المفيدة..... صراحة استفد منها والدليل اني مديه ولدي الان جزرة باردة يعضعض فيها.....وحبيبي هو احسة يعض من كل قلبه......
بس أبغى اعرف الجل هذا في منه ضرر......؟؟؟ شكرا أختي الألمعية على مرورك....والله يخليلك امك..... بس احس البصلة مرة صعبة.... شكرا اختي ريم2006 والله يعينك ان شاء الله اذا عديتي هذي المرحلة...... والشكر لكم على المروووووور..... |
انا الايام هذه امر بنفس المرحلة بس قبل يومين طلع سنه يعني فقس ولسه موباين اللي عانيت منه حمى شديدة كل ثلاث ساعات وبعدها اسهال بس كم يوم وراحت ولسه الاسنان الاصعب جاية خاصة الانياب الله يعين كل مربية على عيالها الصراحة شغلتهم ماتخلص كل ماافتكيتي من شئ طلع شئ جديد يعني نخلص من الاسنان نجي لترك الحفاظة وووو..... الخ:d
|
أختي طيب القلب شكرا لك المرور.....
والله يعين الكل............. |
| الساعة الآن 11:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©