|
نحافتي الزايدة ..من اهم أسباب تأخر زواجي ..حلها من عندك ياااااااااااااارب
السلام عليكم ورحمة الله .وبركاته ... الموضوع ومافيه أني بنت تأخر زواجي ..وعارفة ومتأكدة أنه كله مقدر ومكتوب لكني صريحة وواقعية مع نفسي .. واعرف إيش اللي ممكن يكون - بعد مشيئة الله سبحانه-سبب في تأخر زواجي .. يعني الحمد لله عندي مواصفات جمالية لابأس بها واهل معروفين ..وملتزمة ..وجامعية ..وموظفة وظيفة محترمة ..واحسب أن سيرتي عند الناس حلوة بفضل الله سبحانه .. لكن مثل ماشفتوا من العنوان ..أنا كثير نحيفة ..إلى حد الهزال ..:29: نادر ما ألبس شي ويطلع مرتب علي ..يمكن اللي مساعدي ان وجهي مليان ولله الحمد والمنه .. لكن نحافة الجسم كثير مضيعة جمالي .. أكثر من مرة تقدموا لي خطاب ..وشافوني الحريم ..وقالوا نفس العبارة : ((البنت ماعليها كلام ..بس عيبها نحيفة )) يالله .. جربت ورحت عند أخصائية تغذية ..وساعات احس أكلي زين .. بس مافي فايدة .. الظاهر طبيعة جسمي جذي .. انا شف كثير بنات مثلي وأضعف ..وتزوجوا ((يعني مسألة نصيب وتوفيق من الله أولا وأخيرا)) خاطري في 5 أو 7 كيلو على الأقل ..بس من وين أجيبهم .. ناوية من بكرة إن شاء الله أزيد في جرعات الأكل..على أمل ..أني أمتن شوي اللي ابيه منكم انكم تدعون لي أمتن شوي .وتعطوني من نصايحكم ...لعل وعسى يكون سبب في زواجي ..وستر رب العالمين .. جزاكم الله خير |
سبحان الله انا دبه ونفسي اضعف كم كيلو :29:
ياريت نتبادل اعطيك خمسه كيلو ونتعادل :22: يابختك اقولك كلي كلي كلي كل الي في خاطرك والي مو في خاطرك <<<احسدك من كل قلبي واعملي رياضه شوي وبعدها كلي على طول وبين الوجبات كلي تمر وزبيب وفي مشروب ابوقوس+عصير مانجو يسمن :15: وكثري من اللاكل الي سعراته مرتفعه مثل الشيبس والكاكاو والحلو والايسكريم وان شاء الله تصيري دبه |
شوكولاته- ملبس-عصير-لبان-مانجو-تمر-موز- لبن كامل الدسم-تين-بيبسي كولا-شيبسي-بيتزا-علي فكرا دا كل الي منعني منه الطبيب من اجل عيون الرجيم الله معنا انا اخس وانتي تتخني
|
بسم الله الرحمن الرحيم .....السلام عليكم ورحمة الله وبركاته
الغاليه كلي شعور اعلمي ان رزقك لن ياخده منك احد فاجعلي قلبك مطمئنا ورب العالمين ماخلق احد ونساه ابدا ورزقك ونصيبك سياتي مهما كان الحال ، ولاتياسي حتى لو تاخر الوقت فبادن الله ستتزوجين ويرزقك الله بزوج صالح . وبالنسبة للنحافة انا باعطيك كم وصفه طبيعية وفي عندي خلطات والله تسمن بسرعه شديديه وتاخدين عليها صحه جيده بس المشكل يكم في اي بلد انتي وهل ستكون الاعشاب اللي في الخلطه متوفره عندكم او لا ويمكن تتوفر بس الاسماء تختلف من بلد الى اخر ، وانا بحاول اعطيك وصفه سهله ومكوناتها معروفه وتاكدي والله الخلطات اللي باعطيك مجربين خصوصا وانو احنا اهل الجنوب معروفين بهالخلطات ونجربهم كثير . خليك معاي باعطيك الخلطات |
عليك بالسمن البقري أ, الغنمي
|
الو يء احنا قبل نعطي للبنت خلطه تسمن نسوي لها غسل الامعاء بالاعشاب وهو تنظيف المعدة من كل مايشوبها مما اكلت سابقا وحتى لايكون اي عيب في الامعاء او المعدة وتكون صافيه ومستعدة لتقبل اي شيء وكدلكل غسل الامعاء يساعد في تصفيه البشرة لكن الله يخليك تبعي الطرق اللي باعطيك من غير كدا ولا كدا وفالك طيب بادن الله
اولا : غسل الامعاء نسميها احنا اهل الجنوب "التجريه " تاخدين حفنة يد من الورد جاف فلجيط هو عشبه تشبه شوي اوراق الحناء 7 تمرات حبة علك بحجم الظفر ( العلك هدا هدا يستعمل في اشياء كثير وهو صلب ولونه من اصفر شفاف الى بني شفاف) حفنة زبيب المهم تمسح المواد كلها وتوضع في اناء واسع ويصب عليها لثتر ونص تقريبا من الماء المغلى جيدا ويغطى ويترك حتى اليوم الثاني ثم يصفى وتاخدين الماء المصفى وتصلقين حبتين شمندر وتقطعينهم في خلاط كهربائي مع 3 حبات برتقال من غير قشور وتصبين عليهم الماء وتطحنيني الكل حتى يصير عصير وفاصل واوصل لك الطريقة بعد الصلاة بادن الله خليك معاي |
ارجو لاحد يكتب لين اكمل للاخت الخلطات حتى اقدر اوصل لها المعلومة والسموح منكم
|
أعانك الله
الله يسمنك وينحفني |
اختي الكريمة ادعو الله ان تسمني والله يا اختي حاسه فيكي وانا اعاني من نفس المشكلة وعرسي قرب ومش عارفه كيف ازيد وزني وايد متضايقة من هالشغلة
|
اليحن اختي بعد ما سويتي العصير تشربين منه اكبر كميه تقدرين عليها وتكون على الريق قبل تاكلي اي شيء .
وساعتها تكوني محضرة الشعريه (الشعيريه) الطريقه تبعينها زين خدي حبة طماطم(بندورة) ونص حبة وبصل قطعينهم على شكل مكعبات وحطينهم بدقر عادي وحطين معهم قرصه ملح يعني اللي ياخده اصبعيك الاثنين بس وقطرة زيت المائده او زيت زيتون وعظم لحم ابل او قطعة دجاج واقلينهم وبعدين صبين عليهم لتر ماي مغلى وخليه شوي وبعدين ضيفي لك نص كيلو شعيريه واطبخيها على نار هادئه جدا مع التحريك واحرسي على ان تطهى وهي رخوه شوي مو جافه وطول اليوم وانتي تاكلين بس الشعيريه ولاتشربي ابدا سوائل بارده وانا باعطيك طريقة الحساء اللي راح تشربينه كل ما حسيتي بعط هدي طريقة الحساء : تاخدين طنجرة وتحطين فيها مويه وشوي زيت وملح وتخلينها لين يغلى المويه وتاخدين دقيق الشعير وتخلطينه بمويه حتى يصير رخو مثل خليط الكيك وتضيفينه للطنجرة وتستمري بالتحريك كل شوي وتتركينه يطهى لين يصير لونه وردي غامق او مائل للاحمرار وهو يكون سائل خفيف جدا وبعد ترفعينه من على النار حطي فيه شوي سكر او ادا فضلتي تشربينه من غير سك عادي حسب اختيارك ، المهم انو اكلك وشربك طول اليوم اللي غستي فيه الامعاء يكون بس بالشعيرية والحساء وممكن تشربين حليب دافئ ماعليه .وباليوم الثاني تقدرين تستنفين اكلك عادي . اهم شيء تحرسي بس على عدم الاكثار من التوابل والحار والمالح لانه يغمق البشرة وتصير سمراء . والحين تابعي معاي خلطات اللي تسمن |
| الساعة الآن 05:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©