عزوف الشباب عن الزواج سبب تأخر الفتيات عن الزواج
 

كنت مرة مع صاحبي
وقلت له اني اهلي يدورون على بنت الحلال
قال توك بدري
قلت ذبحتني الشهوة (لو قلت العاطفة والرومنسية لمات ضحك علي)
ثم قال ........ (كناية عن العادة السرية !!)
سكت وقلت في نفسي الدعوة ماهي مجرد شهوة جنسية
قال ياهووه عمرك صغير
قلت 24 وصغير؟؟
قال طيب على الاقل الين تتوظف
قلت بخطب الحين وبعد سنتين اتزوج..

انتهى الحوار

من منظور صاحبي اني صغير على الزواج لان اخوه ماتزوج الا وعمرة 29 وعيال عمه تزوجو في الثلاثنيات
والمشكلة انهم اخذوا بنات ماتتجاوز اعمارهم ال21 سنه وتركو الي في عمرهم!!

شخصيا اعرف لا يقل عن 6رواتبهم راتب اقلهم سته الاف ريال ولا فكروا يتزوجو رغم ان الفلوس ما
يدرون وين يحطونها ماشاء الله وكل ماشافوني ها تبغى سلف ...لا لا مشكورين
واحد منهم وصل الثلاثين ولا تزوج وابوه يقول هات فلوسك وازوجك ويرفض !
وفي من يدرس وابوه يغصبه على الزواج ويرفض!
احاول اقنعهم واحد يقول مسؤولية وواحد يقول البنت الي ابغاها
ماتخرجت من الثانوية (قلت لكم مايبغون الا الصغار)
وواحد يقول مالقيت بنت تخش في بالي

والمهور مقدور عليها لان بعض البنوك تعطي تمويل اسلامي 15 ضعف الراتب او حتى اكثر
يعني لو راتبه 5 الاف يعطونه 75 الف + 25 من بنك التسليف
100 الف + هو مو مقطوع من راس شجرة اكيد له اقارب يدعمونه تزوجه احلى حفله مع شهر
عسل

ولكن المشكلة الي راتبة متواضع اعرف واحد يشتغل سكرتي راتبة 2800 وعمره
33 هذا بيعاني لو اخذ قرض ماراح يبقى شي
والمشكله الاخرى في عوايل مهورهم 70 -100 الف

عموما خلاصة الموضوع لازم يشفون حل لهم تراهم كثيييير وان تزوجوا اخذوا الي اعمارهم صغيره
18-25
وصددقوني لو هناك توعية للشباب باهمية الزواج المبكر +تخفيض للمهور حتى يقدر
عليها اصحاب الدخل المتواضع + تعدد زوجات بأذن الله لا يوجد ابد عانس او مطلقة او ارملة بدون زواج

ونصيحة اخ الي عمرها صغير28-25 لا

تردين الخطاب وتعنتين وتتشرطين تراهم ما راح يخذون الكبيرة الا نادرا واذا تعدى عمرك ال25 راح يقل خطابك
ويمكن مايجيك الا مطلق او معدد

صحيح كلامك

وخاصة عنوان الموضوع وهو من ابرز اسباب العنوسه قبل غلا المهور حتى !!!

انا في عمرك تقريبا 24 سنه وبقولك نفس كلام اخوياك لك حاط ببالي وحده اذا ماتزوجتها

ماراح اتزوج ابدا . بس ان شاء الله يجمعنا الله بالحلال :)

اسيرهاااا

اخي لي موضوع شبية بموضوعك
قد ترى فية اسباب ووجهات نظر
مختلفة حول هذا الامر
الموضوع على هذا الرابط
http://www.66n.com/forums/showthread.php?t=127365

اخت حنين رديت في موضوعك

وقلت
صدقيني اعرف كثثثثير موظفين ما فكروا في الزواج

في ناس عندهم وقادرين عالزواج بس ما يبغون ويلعبون بالفلوس..

وفي ناس على قد حالهم ويبغون يتزوجون بس ما هم قادرين .. والله يعينهم..

هذا سبب لكن ليس كل الاسباب
والاسباب عديدة منها
1- ماهو متعلق بالفتاة
2- ماهو متعلق بالاهل للطرفين
3- ماهو متعلق بالمجتمع
4- ماهو متعلق بالشاب
فلا نحصر الموضوع في سبب واحد
على كل من اخلص النية واجتهد وبحث سوف يجد ويتجاوز كل تلك العقبات

الله يرزقك من يسعدك

الحائــــــــــرة صفيني معك وانا اختك

وعيشي حياتك الدنيا ماوقفت على رجال ياكثر الحريم المتزوجات ويحسدونا على وقت فراغنا ونومنا الهانئ
لا طبخ ولا نفخ على كيفنا

انا ماقولك اني مابي اتزوج ..اكذب لو قلت لا

لكن تذكري عسى ان تكرهوا شيئا وهو خير لكم

ركزي تفكيرك على ذاتك ادرسي اتعلمي اشياء جديدة لا تتركي لنفسك مجال تقولي انا عانس لازم ثقتك قوية بنفسك

تدرين وحدة من صاحباتي كانت ارملة ثم صارت مطلقة والحين وبعد عمر يمكن 38 تزوجت واحد عمره 42 شاب اعزب تخيلي

الله لا يغير عليها ماشالله

احنا مشكلتنا الصراحة مانطلع عشان الحريم يشوفونا ويخطبونا لكني مؤمنة بأن اللي الله كاتبه بيصير

ولو تجري جري الوحوش غير رزقك ماتحوش