ماراح تصدقون شنو إللي صارلي أمس !!
 

أولا ماراح أعيد شرح شنو مشكلة زوجي .. هذا الموضوع

http://www.66n.com/forums/showthread.php?t=128742



أمس العصر كنت قاعده اطالع قناة العفاسي .. المهم جاني مسج رقمة نفس رقم زوجي بالضبط اللهم آخر رقمين معكوسين .!!

أول مسج كان احبك واشتقت لك وأنتي القمر ومن هالكلام ..

ثاني مسج سبحان مقلب القلوب ولكي مني كل الأعذار !!

أنا هني انصدمت !! حسيت انه زوجي .. قلت أكيد فاتح خط جديد يشابه رقمة !!

المسج الثالث أنذكر فيه اسمي ياعااااالم !!

قمت ارجف أيقنت انه زوجي !!

بعدها 3 مسجات كلها حبها وشوق .. فرحتي ماكانت تنوصف !!

قلت الله ردلي زوجي .. خلاص انحلت المشكله ماصدق !! االله يمهل ولا يهمل ..

دق هالرقم قمت ارجف.. خفت اكلم زوجي.. انا من زمااان ماكلمته... شنو راح اقوله ؟

صرت اقول الحمدالله الحمدالله الحمدالله لك يارب ...

جاوبت علية قلت ألو....


كلمني شخص من جنسية عربية !!!

قالي أنا أسف ارست المسجات على الرقم الغلط !!

أصلا ماكان يحتاج يشرح.. من سمعت الصوت عرفت شنو السالفة !!

ماقدرت أرد علية.. خنقتني العبرة .. وبجيت.. وصكيت التلفون ... قعدت ساعة وأنا ابجي .. لاني تعشمت وانحبطت من جديد ..!!!

ماني قادرة اصدق شنو إللي صارلي !!! خاصة بعدين استوعبت لما أنذكر اسمي بالمسج.. استوعبت إن اسمي من الكلمات إللي تنذكر دايمن بالاشعار .. لا أكثر ولا اقل !!


لاتلوموني .. ادري زوجي إنسان مريض وادري اهلي واهله كلهم واهو بعد.. يقولون لي خليج بعيده .. خلية يكمل فترة علاجه .. بس ما أقدر على قلبي !! صج احتاجه حييل ..

يارب مالي إلا انت .. ردلي زوجي مشافى معافى .. بأسرع وقت .. يارب انك قادر على كل شي..

اللهم يافارج الهم و ياكاشف الغم و مجيب دعوة المضطر اذا دعاه ، افرج هم اختنا في الله " الحزينة " و اكشف عنها الغم و الحزن ، اللهم اشف زوجها وافرح قلبها به ،اللهم بدلها كل احزانها بسعادة و سرور ، اللهم ارزقها سعادة الدنيا و سعادة الآخرة ..
أمــــــــــــــــيــــــــــن أمــــــــــــــــيــــــــــن أمــــــــــــــــيــــــــــن

الله يجمعك بزوجك سالم ،،

وتكملي معه حياة سعيدة هانئة ..

اللهم آمين .

مرحبا اختي العزيزة
الله يساعدك، بصراحة زعلتيني حيل لدرجة اني بكيت معاك.:(
اختي الحبيبة ارجوا ان تصبري (فهذا امتحان والله يوفقك فيه)(وعسى ان تكرهوا شئ وهو خيرا لكم وعسى ان تحبوا شئ وهوشر لكم)
والله قلبي وعقلي كله معاك ، الله يصبرك ويطمنك عى زوجك ويعطيك على قد نيتك
وانا ما ابغيك تكدري روجك حاولي اتغيرين جو وطلعي مع صديقاتك واهلك وحاولي اتصبرين نفسك واقري قرآن ولا تنسين ذكر الله والدعاء .
وانا من رايي اذا زوجك عنده تلفون طرشي له مسج حب واهتمام
والله يساعدك (يااااااااااااااااااااااااااااااااارب)

قطعتي قلبي حبيبتي... يالله ان شاء الله يرجع لك زوجك معافى ..

يارب سخر لها زوجها.. انتي الحين في بيت اهلك ؟؟

ياقلبي عليك

الله يكون في عونك ويجمعك مع زوجك قريبا ً

ويكتب لك اللي فيه خير لك وله

عليك ِ بالدعاء وبإذن الله ربي ييسر الأمر كله

البنفسج .. مشكوره ياقلبي .. انا دايمن ادزله مسجات حب واهتمام وتشجيع .. وإني ابيك ومابي غيرك .. ومايهمني شي بالدنيا إلا انت .. لكن اهو مايرد ..ادري مريض وتعبااان .. وادري منحرج مني .. لانه انكسر جدامي اكثر من مره.. عباله اني اشوفة مو رجال لما كل مره يحاول الجماع ويفشل.. تعرفين تفكير الرجال في هالامور !!
وفوق هذا .. ام زوجي .. على حسب كلامها ان الشيوخ قالين لهم .. ان السحر يخليه يصد عني !!


ام وداد .. ايه انا في بيت اهلي ..


مشكورين اخواني ماقصرتوا ..