|
شعر طويل وبياض ثلج وعيون وساع وش تبون بعد يالرجال!!! اظفر بذات الدين
:29: مرحبا ياقوم كيفكم
قمت الصبح وقعدت افرش سنيناتي :26: وطالعت المرايه وقلت في نفسي كيف بيكون شكل زوج المستقبل؟؟؟؟؟؟؟؟؟؟؟؟؟ نسيت الفرشاة بسنوني :15: وسرحت بفكري شوي وقلت لا هذي يبيلها ورقة وقلم وانط واجيب وريقة واكتب عليها مواصفات زوج المستقبل :14: واليكم الاتي: اولا: طوله 182 سم بعدين قلت لا اخاف اطلع قصيرة جنبه واسوي تخفيضات وانزل طوله ل 180 سم واحس اني منقهره على2 سم الي طاروا ثانيا: ابي شعره مو ناعم ولا خشن وسط احسن عشان لو شعره ناعم كل شوي يلعب بشعره كنه حرمه ويفضل لو لونه اسود على بني مو عشان شيء بس مليت من رجالنا كلهم شعرهم اسود ثالثا: ودي يكون عريض المنكبين احس كذا اكشخ بالثوب والبدلة وبكل شيء رابعا: ودي يكون جسمه رياضي بس مو عضلات مررررررررره بارزة بس يكون ماعليها عشان اضمن انه مايتعب من الطلعات والجيات لاني احب المشاوير خامسا: عيونه ودي تكون ناعسه زي عيون فلااااااااااااان بالتلفزيون بس ضيعت اسمه .. ابي عيونه حلوة حيل لاني كل شوي بطالع بعيونه ومن حقي اكحل عيوني بعيونه ماحد يلومني زوج المستقبل سادسا: ابي يده تكووووووون كبيره مو صغيرة كانها يد طفل سابعا: ابي يكون لونه اسمرررررررر على برونزي لاني ماحب الابيض احس مايليق بالرجال ابيض وش بعد ..... ايه تذكرت يكون ماله كرشة ياشين الرجال بكرش وابي ابتسامته تسحررررررررررر وسنونه صف كانهها عقد لولو وووووووووو ......لا لا ابي حتى اللولو يغار من سنونه مواصفات وقوائم لا تنتهي قد تتمسك بها الفتيات في اول العمر لكن بعد ذلك ومع تقدم العمر تبدا بعمل حسومات عليها وتقليصها وفي الواقع نجد هذه النوعيه من البنات الي تتشرط بالشكل وانا احكي عن الشكل موش المال نسبة لا باس بها ولكن الي لاحظته من اقاربي و جيراني واخوان البنات الي اعرفهم دايما اذا قالوا عيالهم نبي نعرس يقولون نبي وحدة حلوووووووووووووة وبيضاء وشعرها طويل وتلقاه مايتنازل عن هالشرط وامه المسيكينه تروح للزواجات عشان تدور لولدها هالمواصفات لكني استغرب هذا التمسك الشديد من قبل الشباب بهذه المواصفات وراح يقولون لك السبب كثرت المغريات ونبي وحدة حلوة عشان مانطالع غيرها اتعجب لهذا التشديد على الجمال الشديد وكانه شيء ابدي وكانه اذا تزوجوا راح يبقى كل شيء في مكانه يعني ممكن المراة تسمن ويتغير قوامها وبعضهم بعد الزواج تسمررررررررر وشعرها يبدا يتساقط ويفققد بريقه لكن روحها واخلاقها باقية اتعجب من هالفئة من الشباب المتمسكة بهالمواصفات يعني الدين والاخلاق صارت بعدين بعد الجمال :30: فبودي اعرف منكم يارجال هل انتم زي باقي الشباب متمسكين بالجمال ولا الدين والاخلاق اول بالنسبة لي كل الصفات الي كتبتها فووووووووووق ماهي من صفات الزوج الي احلم فيه :d ابغى ارائكم |
مواصفات جميلة ولاكن هل تظمن السعادة ؟؟
الجمال مطلب اكيد ولاكن ليس ظمانه للسعادة الجمال الحقيقي هو جمال الروح وهو الذي يبقى فان اقترن بجمال الشكل فتلك غاية الاماني والله الحلم حق مشروع لكل فتاة وشاب بس لابد ان نكون واقعيين ولانضيع الفرص من ايدينا شكرا لك على الموضوع الجميل |
ياحليل الشباب وشروطهم
اعرف لك واحد حاط شروط الدنيا وهو شكله عادي جداً تزوج فتاه (الله يهنيهم ويسعدهم) بعيده عن الجمال بعد السماءعن الأرض قام زعل يوم العرس وقال بطلقها ونزل عند اهله وتركها بغرفتها توها عروس قامت امه اطلع لزوجتك عيب تتركها لحالها قام طلع لها وبعد 17 سنه الآن يحبها حب جنوني وجابوا اطفال واسره مترابطه ترابط قوي ماسبق شفت مثله... خلاصه كلامي ان الجمال ماهو كل شي.... |
ريم ولاند ستورم
مرحبا بكم وكلامكم سليم لكن الي يبــــــــــط تشبدي ويفقع مرارتي ان بعض الشباب والله مو حلو ويتشرط يبي وحدة فلقة قمر يعني قهرررررررررر الرجال يتشرط وهو شين ومايستحي يعيب ببنت الناس ويقول مو حلوه كنه هو ملك جمال الكون اقسم بالله اعرف بناااااات كثير يهبلون وازواجهم مو عادي شكلهم اقل من عادي ومع ذلك البنات راضين لانهم عارفين انهم راح يتعاملون مع خلق وليس شكل بس لكن شبابنا يبغالنا نفصلهم البنات بمقاسات على كيفهم عذرا على كلامي ولكن احيانا يجون امهات يعلموني بطلبات عيالهم هههههههههههههه والله اعطيها بوجههم اقول ياخالة ما شاء الله الزين يقطر من ولدك لكن مساكين الامهات يبون يفرحون بعيالهم وبس |
الجمال ليس ميزة او شرط للرجولة فليس شرطا ان يكون الرجل جميلا على الاقل مقبول
وكثير من البنات تكره الشاب الذي يماثلها جمالا بل قد يكون اكثر رغم ان جمال الرجل لايتعارض مع رجولته او يزيدها مجرد صفة شخصية لها تبعاتها ولكن الجمال اكيد من مكونات الانوثة ولم اقل كل الانوثة رغم ان معظم الرجال في الوقت الحالي يفضلون الفتاة ذات الجسم الجميل حتى لو كانت ذات جمال عادي والجسم الجميل ممكن تحصل عليه اي فتاة فقط تمارين خفيفة ونظام غذائي متزن وتصبح غزال ويمكن هذا رحمة للبنات اللواتي جمالهن عادي |
طيب ليش تقول رحمة؟؟؟؟؟؟ ليش مربط الفرس عندكم واحنا لا
اجل حتى انا بنقلب عليكم واتشرط ههههههههههههههههههه وهذا مو رحمة للشباب الي جمالهم عادي الجمال برضوا من مكونات الرجوله من مايحب الزين كل البشر سواء بهالنقطه لكن كل شيء بحدود والله اذا تقدم واحد اخلاقه توب وشكله ماعليه ليش نرفض؟؟؟؟؟ اروح انتظر لين يجي سيد الحسن والجمال بس احس الشباب مهووسين بالجمال لكن البنات ردوها لكم وصاروا يركزون على الغني هههههههههههههههه وهذا برضوا مو مشكلة مو لازم يكون حلو رحمة للشباب بس ياخذ دوامين ويصير راتبه عدل ويتقدم الله يعطينا على قد نياتنا يارب لاتزعل اخوي بس حبيت اشاكس شوي |
صادقه وتلاقينه بشع اللهم لك الحمد ويبي ملكه جمال
والله لما أشوفهم ناس من معارفنا الزوج في قمه البشاعه وقبيح بكل معنى الكلمه ومتزوج بنت فلقه قمر ما سبق شفت مثل جمالها حتى بناتها طالعين نص ونص نصهم حلوين يجنون ونصهم يخوف...اللهم لك الحمد بس انا ما ادري اذا انت شين خذ لك وحده على قدك احسن من تاخذ جميله والنااس يحسدونك على جمالها .. والا الشاب الجميل ما يتشرط مسيكين او حتى لو تشرط يتزوج وحده اقل من كلمه عاديه لاحظيهم بالعائله او بأي مكان ثاني الجميل ياخذ عاديه والجميله تاخذ قبيح.... |
هههههههههههههههه ياحليلك ياريم صدقتي والناس مايخلون احد بحاله وحدة اعرفها عادية وزوجها
والله العالم انا ماشفته يقولون ملك جمال .. واسمع كل البنات يقولون عنها ماهي حلوة حرام تتزوج فلاان انا بس استغرب الشاب الي شكله مو ذاك الزود شلون مايستحي يوم يتشرط ويقول ابي حلوة؟؟؟؟؟؟؟ ليه البنات مالهن رب مايبغن الزين بعد يعني الحين ماهو خايف ان البنت الي يتقدم لها تقول عنه مو ذاك الزود؟؟؟؟؟؟؟؟؟ عاد تدرين وش افضل مواصفات للزوج بالنسبة لي محافظ على الصلاة+ حنووووووووون+ يكره العصبية+مثقف + واعي + قد المسؤولية+متعلم+حساس+له شنباااااااات لووووووووووول رجعنا للشكل هههههههههههههههه |
جمال هو جمال الروح والاخلاق والدين لو تواجدوا كانت السعادة الحقيقية
|
اقتباس:
|
| الساعة الآن 06:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©