طفل بكاااااي
 

السلام عليكم

طفلي بيتم ال3 سنوات هذا الشهر ( بأذن الله ) متعب قلبي اسم الله عليه يبي ليل نهار اقص له قصص و اغني له ... :14:

و شوفو شيسوي اذا انشغلت عنه بأي شي ... ما كني قاعده معاه فتره طويله يبكي و يقولي ( يا ماما حرام عليك تعاليلي ) .............:(

بصراحه رغم انه يكسر خاطري بس عندي الف شغله اخلصها باليوم من تنظيف و طبخ و عندي طفل ثاني صغير يبي اهتمام ........
:29:
و اذا طلب من ابوه بقاله و رفض ابوه شيفكنا من الصراخ لدرجة انه يخدر و ينام حتى لو كان عنده بالبيت كل شي و توه جاي من برا مستانس و لاعب ....
:11:
ودي اعوده عالقناعه و يبطل هالبكاء عالطالعه و النازله بجد مللليت .... لو يناديني و لقوله نعم و لا يسمعني قعد يبكي .... :23:


احيانا احس اني انا ودي ابكي من الغيظ ..... بس يضل ولدي ودي يكون احسن الناس ... و كل شي منه زي العسل على قلبي .....:15:

بليز اللي مر بنفس تجربتي او عنده علم كيف اتصرف بمثل هالمواقف يفيدني .....:17: و لكم جزيل الشكر

شوفي انا عندي اخو زوجي كان كذا

أول ما تزوجنا دايم البكاء وبالذات اذا شاف زوجي ودني البقاله ولما يرجعون يبكي ودني محل الالعاب

كان مسبب لنا أزمه لدرجه ساعات أحس اني أحقد عليه توني عروس يقرفنا اذا زرناهم

ويجيب الصداع للي جالسين



بس هو من نفسه تحسن الآن كمل ال5 سنوات وبيدخل المدرسه السنه الجايه







مرة سمعت طبيب نفساني الدكتور ميسره :


يقول اذا بكاء الطفل عشان تحقق طلبه اتركه يبكي تجاهله سمي عليه واذكري الله عليه

واطعلي من الغرفه اللي جالس يبكي فيها

واذا جا وراك اسفهيه حتى يعرف ويستوعب ان بكاءه بلا نتيجه


المرة الاولى بيبكي بس استحمليه

المرة الثانيه بتقل مدة بكاءه

المرة الثالثه وهكذا الى ان يستوعب ان البكاء ماهو وسيله حتى ياخذ اللي يبيه من امه وابوه




اختي مثل عمر ولدك ودايمه البكاء ولما تبكي تبي حاجه ما هي لها ابوي وامي على طول عطوها خلوها

تسكت وتربت على هالنقطه


وصارت اي شي تبيه تبكي بصوت مقرف..


بس لما انا وخواتي جربنا هالطريقه وتجاهلناها والتفتنا للتلفزيون قامت سكتت وراحت طفت جهاز التلفزيون

وكملت بكاء حتى نلتفت لها بس تركناها على جنب

وفعلاً سكتت والى اليوم ما صارت تسوي هالحركات البايخه ....


اسفه هذرتي كثيره بس اكره سخافات الاطفال اللي يعيني على بنتي اذا كبرت

كلام الاخت ريم صحيح التجاهل حتى في برنامج اسمه سوبر ناني تتعامل مع الاطفال بهذه الطريقة وتنفع بسرعة معاهم

كلام اختي ريم ممتاز استفدتي منه وافدتينا كمان.......
شكرا اختي ميني ماوس على الموضوع الرائع......

كلامك أختي ريم 100% ولقد قرأت مايؤكد صحة كلامك وفقك أختي ريم 00وشكرا لك ياصاحبة الموضوع (ميني ماوس)

السلام عليكم

اشكرك اختي ريم و كل الاعضاء اللي ردو علي

شكلي ببدا اتجاهله على اني ما اتحمل بكا و قلبة راس عساني اقدر اثبت ...........