|
قشره في راس ابني الرضيع ،، ماذا افعل؟
السلام عليكم ورحمة الله وبركاته
لقد ظهرت قشره في فروة راس ابني ما الحل مع العلم ان ابني يتجاوز عمره ثلاثة أشهر وسبعة أيام ويرضع رضاعه طبيعية تم تعديل العنوان ليناسب المضمون،،، ام اثير |
انا سمعت ان اذا ظهرت قشره في رأس الطفل يحطون في راسه زيت زيتون قبل ينام وفي الصباح يسبحونه وتروح
جربيه لطغلك وانشاء الله تروح |
حبيبتي تيناوي...
أناعانيت من نفس المشكلة اللي تعانين منها ...... وجربت زيت الزيتون ومافادني بشيء ...... وأخيرا جربت كريم (جليسوليد) اللي علبته حمراء حديد دائرية أدهن فيه رأسه قبل ماينام والصباح أروشه والحمدلله كم مرة إليت راحت مرة.... وفيه ناس قالوا لي كريم (نيفيا )اللي علبته زرقاء حديد دائرية بس ما جربته.... |
مشكورين على الرد
أنا جربت زيت الزيتون ومافي نتيجة شعره يتساقط بغزارة بس راح أجرب دهن جليسوليد |
أختي أعتقد الأفضل أنك تجربي أول....
أنك عندما تسبحينه وتغسلي شعره...والماي لسه في شعره يعني ترطبين القشره أول الطبقه اللي تتكون.. تجيبي فرشاة شعر اللي هي للأطفال وتمشطي شعره عالخفيف على طبقة القشره..وشوي شوي تروح القشره..بس أهم شيس تلين بالماي.. |
اكيد ولدك شعره كثير ما شاء الله
مثل بنتي الى الآن عمرها 4 شهور ويومين والى الآن ذابحتني هالقشره عشان شعرها كثير مرة والسباحه ما اسبحها يومياً وتعرق كثير على طول ترجع القشره مرة ثانيه بس لو تحطين زيت زيتون دافي مو حار !! انتبهي دافي وحطيه على راس ولدك ودلكي فروة راسه ومشطي شعره بالمشط حتى تطلع القشره وخليه ينام واذا صحى بكره سبحيه واغسلي شعره زين وبتروح ...انا مجربتها مع بنتي واذا ما عندك زيت زيتون زيت البيبي يؤدي نفس الغرض |
لا تخافي حصلت لأبني وماراحت الا بعد
ما صار عمره سنة ونص لذا لا تخافي عادي اعملي زي ما اشارو عليك الاخوات |
اقتباس:
بس كثر الشعر ماله دخل في القشره:25: |
انه بنتي يوم كانت في هالسن كان في شعرها قشور وايد لدرجة انه وصل لحواجبها واذنها حطيت لها زيت الزيتون وما في فايده اخذتها علىاخصائي اطفال والحمدلله رب العالمين نظفها لها كلهاوعطاني دوه اقطر لها على راسها 10 قطرات وكله راح باذن الله
|
اختي الزيت اللي فوق الهرده ( الطحينه يمكن اسمها )
وايد زين |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©