|
افترائات العزاب على المتزوجين الأحباب
بسم الله الرحمن الرحيم والصلاة على سيد الخلق أجمعين وبعد من سنن الله في الكون الزواج فهو سنة فطرية لجميع المخلوقات وهي في الإنسان آكد لأنها سنة فطرية، وشرعية، واجتماعية لكن تظهر كثيراً مقولات يطلقها الإخوة الأعداء (العزاب):d تكاد تبين لسامعها أنه ليس هناك متزوج سعيد بتاتاً البتة لست هنا بصدد مناقشة هذه المقولات لأنها أكثر من أن تعد ولكن لنذكر بعض المواقف الزوجية الطريفة فقط لنبين لمن يريد الإلتحاق بقافلتنا أن السعادة لا تكتمل إلا بشريك/ او شريكة حياة:d ولعلي اكون أول البادئين يوم كتب الكتاب بل قبله بأيام وأنا مستنفر القوى جميعها للتجهيز للوليمة ومن يسكن في قرية أو منطقة خارج المدينة وجرب الولائم يعرف مدى المعاناة في التجهيزات كان علي وبعض الشباب من الأحباب تجهيز مكان للنساء ومكان للرجال مكان النساء يحتاج لسواتر وفرش وإنارة وحفر ودفن واحضار باقي التجهيزات من مياه للشرب ومياه للغسيل و و و و و حوووووووووسه ثم مكان الرجال ايضاً ولأنه بعيد عن المنطقة يجب توصيل الإنارة هناك، والمياه، وفرش المنطقة واحضار حطب للوليمة و تجهيز كان لاعداد الشاي والقهوة و و و و حووووووووووسه ثانية وتم كل شيء ولله الحمد بفضل الاستنفار الكامل ولأني كنت العريس فقد كنت اكثرهم جرياً وكنت اشتغل وأحفر وأنور من قلبي:d ثم جاء المعازيم واكتشفنا ان هناك اشياء ناقصة كثيرة اضطررت ان اروح بنفسي لاحضارها وتأخرت على المعازيم ولا جهزت نفسي عشان اقابل المعازيم إلا وهم خارجين من العشاء:( المهم جاني اتصال بعد العشاء تعال يا عريس عشان تجلس مع العروسه:o وبما أني كنت افحط قبل الساعة المحددة بثلاثة أيام بلياليها كان شكلي الله لا يوريكم زفت وصاير لوني مشوي:d أول ما جلست جنب زوجتي خافت مني مفكرتني ملحوس من كثر ما انا معفوس وجلست تطالع فيه بنص عين وتبعد عني شوي شوي:24: المهم راحوا اللي عندنا بالغرفة مدري وين وخلونا ثواني لوحدنا نطيت بحلقها ومسكت يدها:d بغت تموت من الخوف قلت شفيك تناظرين بنص عين:19: قالت ابد بس انت عندك فكرة ان اليوم ملكتك:eek: قلت سمعت يقولون:d قالت ليه متبهذل كذا قلت لها طفران معك سلف هاتي ما معك لا تدققين:d (للتنبيه هذا أول مرة نشوف بعض أو نكلم بعض) طبعاً ضحكنا بعد هالموقف وهي من الضحك دمعت وتلخبط مكياج العيون وصار شكلها يضحك وقمت انا من ذيك الغرفة وانا ميت ضحك وللحين كلما نجيب سيرة الملكة نضحك:d وفيه مواقف كثيرة بس حبيت ابدى بالأقدم زمنياً:d يالله يا متزوجين ضحكونا وتقبلوا سلام أخوكم |
اقتباس:
انت طلعت مبهذل لها عيل انا يوم الملكه واول قعده زوجي مد ايده يلعب بشعري ...........الا والساعه تشابكت بشعري ومتنا من الضحك على اشكالنا :d :d |
|
_____________
ههههههه مرة انا كنت نايمة وقبل النوم كنت متهاوشة معه .. بس هوشة خفيفة (قاللي كلمة رديت عليه بكلمة ،، بعدين قاللي كلمة ،، وقلت "يابنت اسكتي ونومي بس وخلي هالليلة تعدّي على خير ") المهم ،، نمت وتعمّقت في النوم .. بس الله لايوريكم .. شفت كابوس وانا نايمة .. وحلمت انه جالس يطقّني (يضريني) المهم الظاهر هو جالس جنبي ولا نام .. بس قاعد يشوفني وانا اتهاوش مع البطانية واعفسها .. واصرخ .. وحالتي حالة .. هو المسكين حاول يصحيني من النوم .. ومسكني بس انا نص نايمة ونص صاحية .. حسيت به وهو ماسكني وعلى بالي انه جالس " يخنقني" ويزيد انفعالي .. واروح امسك يده (منطقة الذراع) مسكتها بقوة وغرست اظافري فيها .. بكل قوتي .. هو المسكين فكّني (وش فكّني الا رماني ) من شدة الالم .. بعدها صحيت .. وقاللي هو (سمّي بالله وش فيك ) قلت له (وخّر) :16: !! لأني متأكدة انه كان يضربني .. المهم رجعت انوم وانا حالفة انه ضربني واقول في نفسي " طيب ليش مااستنى لين اصحى من النوم " " ماعرف يضربني الا وانا نايمة "؟؟ وجا الصبح .. وترررررررررررررن المنبّه .. اوووووف دوام .. بعدين تذكّرت اللي صار .. ورحت اسوي له الفطور .. واتجهز للدوام ،، ولما حطّيت له الفطور اشوف يده مجرّحة من معركة امس .. خخخخ وبعدين عاد تأسفت له وقلت عسى مااذيتك واجد .. قاللي انتي عارفة انا عمري مامديت يدي على احد .. قلت والله عارفة بس كابوس عاد شنسوي .. اوعدك بعوّضك عن اللي شفته .. والحمدلله عدت على خير زين ماجاتك في مكان ثاني .. في عينك ولا في خدّك .. تسلم لي عينك .. شكراً |
و الله اخي موضوعك اضحكني بالرغم من الحزن اللي امر فيه لفقدي اخو زوجي الصغير اللي ما شفته في حياتي بس الحمدلله على كل حال و نعود لموضوعك الرائع و اضحك الله سنك انا عندي مواقف كثيرة مضحكة مع زوجي بس بقولك موقف واحد الا و هو
انني كنت نايمة جنب زوجي في ليلة من الليالي و كانت درجة حرارتي مرتفعة يعني مريضة شوي و كنت اهدي و اقول اي كلام ومن بين الكلام اللي قلته حبيبي كبرت و صرت احلى من اخر مرة شفتك فيها! الا و الرجال صحى من نومه و قال لي مييييين تقصدين؟! على باله اقصد رجال ثاني!! و انا كنت اقصد اخوي الصغير اللي ما تجاوز عمره الخمسة شهور! و في الصباح خبرني باللي صار و قلت له يا رجال انا كنت احلم باخوي الصغير و هو قال قولي كده و الا كنت بسوي جريمة!! و ضحكنا على الموقف و كل ما اتدكر هالموقف اموت من الضحك و جزاك الله خيرا على الموضوع و شكرا جزيلا |
اكثر المواقف احراجا اثناء فترة الخطوبة
هذا بعد حفلةالخطبة بيومين الاقي نسيبي بالسوق : اها ابو نسب كيف الحال وين مو رايح علىينا اليوم؟؟؟ انا اقول لا والله ابو الخير ودي اروح لكن اريد اشتري كرت للتلفون الاول عشان احكي معها واقوللها انا جاي قال يارحل هداك الله عشان هيك ودك تشتري كرت بعدين بعدين تشتري تعال كلمها من تلفوني الحين تطير من الفرح لانها سمعت صوتك قلت مو مشكلة اعطيني تلفونك ((ملاحظة اسمها على اسم زوجة اخوها ابو الخير)) المهم ضربت من تلفون نسيبي على رقمهم ردلي صوت اوووووووووووو حنون عالاخر قلت فلانه قالت ايوا يا بعد عمري قالت وينك والله مشتاقتلك موت ليه طولت الغيبة متى ترد البيت ترا والله البيت من غيرك ما يسوا قلت الحين حبيبتي ساعة زمن اكون انشالله بالبيت انا ا وابو الخير ما حسيت والا التلفون قفل انا بدكوا الصحيح استغربت القصة ناديت لابوو الخير شوف شو القصة سكرت الخط بوجهي باللحظة هذي رن تلفون رد الرجل والا هي حرمته المهم سولف معاها شويه ما لقيته غير قلب عظهره من الضحك وانا مو فاهم شي شو القصة يابو الخير قاللي حرمتي لما شافت رقمي ردت عالتلفون توقعت اكون انا بس ماعرفت انك انت اللي تتكلم الا لما قلتلها انا وابو الخير سوا قامت من اللخمه سكرت التلفون عاد اتصلت فيني توضحلي اللي صار المهم اخوكو ذاب بهدومو من الحيا قلت الله اكبر او لتلفون معها يصير هالموقف المحرج |
مــواقــف جــد بتضحــك..الله يسعد كل المتزوجيـن يـا رب
بــس حياتنا بعد حلوة..:25: المهم الواحــد يتهنى بكل مرحلة..ما قبل الزواج و ما بعده..و لاحقيـــــن:15: مشــكور على موضوعك دمت |
اقتباس:
:25: مستغرب ليش يلعب وإنتي سكتي له :24: عيل الله يسعدني لالعبت ولاتلاعبت:23: بس إتبهدلت:11: يسعدك ياعيونه :d ومن مفاجأة الساعة لمفاجأة عشرين سنه عئبال عشرين سنه تشابك :17: وبدون بلسم :29: نورتي :28: :14: أبوعبدالإله :14: إلى الرد الثاني :30: :30: :30: |
اقتباس:
ربنا مايعزبك :d بالدعوات دي :25: دعواتك أخجلتني:23: وأسعدتني :d ولك بالمثل :14: والزواج دايمن حلو:18: الأحلى عروستي:( وأنا :24: شكراً لمرورك:22: عطرتينا بحضورك:29: :14: أبوساري :14: إلى الرد التالي :30: :30: :30: |
اللهم إني اسألك اللطف فيما قضيت به علي
وحسن الخاتمة |
| الساعة الآن 07:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©