|
غدا عندي صدر دجاج ،، حد عنده إقتراح ..
السلام عليكم ورحمة الله وبركاته عندي صدور دجاج بالفريزر وماني عارفه ايش اطبخهم بكره للغذا ، اهو ماكو احد غير زوجي وانا ، بس ماني عارفه وش اسويهم ..:11: اتمنى تساعدوني وتقترحون الي اقتراحات ، بس ياليت تكون الطبخه سهله نوعا ما ، و سريعه .. خبركم حامل وأتعب بالوقفه ساعتنين بالمطبخ ..:22: ومشكورين مقدما ..:d |
سوي صينية دجاج
الطريقه قطعي بطاطس حلقات سميكه نوعا ما ورصيها في صينيه- اغسلي الدجاج وضعيه فوقها رشي عليها فلفل اسود وبهارات وكمون وملح وملعقتين زيت نباتي وضعي عليها حلقات بصل وغطي الصينيه بقصدير ودخليها فرن حار 180 درجه ساعه كامله وبعد ماتستوي فكي القصدير ورشي عليه اربع ملاعق زيت زيتون وحمريها من فوق وسوي معاها رز ابيض واحلى غدا وبالعافيه |
قطعي الدجاج مكعبات واحمسيهم مع بصل وفلفل بارد وبهارات
وبنفس الوقت اسلقي مكرونه .. وبعد ماتنتهي اخلطيها مع الدجاج خلط وخلط خلط موطبيعي عشان تدخل نكهة الدجاج وبهاراته باللمكرونه وبس قدميها مع حلقات الليمون وبالف عافية |
الله يهون عليك اختي هذي طريقة سويتها اكثر من مرة واخذتها من منتدى مادري اي منتدى يمكن يكون المنتدى هذا مو متذكرة المهم طريقة دجاج صيني بس شيييييييي أمممممم *** المقادير : مقدار من صدور الدجاج نقطع صدور الدجاج مكعبات صغيرررررررة ونتبلها بـ زبادي ( يمكن الاستغناء عنه ) ملح وبهارااات مختلفة ( كزبرة , كركم , فلفل أسود , كمون ,,,,, اي تتبيلة ت ترغبينها ونتركها شوووي على بال ما نجهز الزيت للقلي نغمس قطع الدجاج بالبيض ثم في الدقيق ثم نضعها في الزيت الحار ونتركها لحد ما يتغير لونهاااا نطلعها على ورق ماص للزيت لحد ما نخلص من الكمية كلها ألحين جاء دور الصوص : بصلة مفرومة / ثوم مفروم /بصل أخضر مقطع صغير/ جزر مقطع قطع طولية رفيعة فلفل بارد مقطع قطع طولية رفيعة نضعها كلها في شوية زيت زيتون ونشوحها لحد ما يتغير لونهانبدأ ( بالبصل ثم الثوم ثم البصل الأخضر ,, الجزر ,, وأخيراًالفلفل ابارد نجهز ألحين 2 ملاعق نشا أبيض ونذوبه في 2 كاس موية ..نضيف له ( ملعقة كاتشاب ,, ملعقة صويا صوص , ملعقة خل أبيض نخلطهم زين مع بعض ونصبهم على خليط البصل اللي على النار ونحركهم زييييييييييين لحد ما يثقل الخليط ولا ننسى نضيف ماااااااااااااجي إذا حسيتي الخليط ثقيل ممكن تضيفي موية والآن اضيفي قطع الدجاج وحركيها بشويش لحد ما تتجانس المكونات مع بعض خليها تقريباً عشر دقايق على نار هاااادئة اللي يحب الأكل سبايسي يحط فلفل حار ثم قدميها مع الرز و السلطة الخضراء جربيها وماراح تندمي سهله وما تحتاج مجهود ولذيذة ما تاخذ من وقتك نص ساعة و كل من ذاقها تعجبه ان شالله تعجبك وتعجب ابو الشباب :d على فكرة ينفع تكون عشاء وتقدميها مع خبز |
وش رأيك تسوين فيليه دجاج
امسكي الصدر واقطعيه بالنص من العرض بحيث انها ماتنفصل وفي نفس الوقت تكون سخيفه تتبيلنها بملح وفلفل وبهارات وشويه عصير ليمون بعدين تحطينها في دقيق بيض وبقسماط وتقلينها قدميها مع سلطه وبطاطس مقلي وبالعافيه ^_^ |
فعلا بصدور الدجاج الواحد يحتار ألف طبخه وطبخه
مشكوووووووووورين يا احلى عضوات في المنتديات كلها بجميع انحاء المعموره ..:) الحين حطيت في بالي يا ( صينبه الدجاج ) اقتراح رسول الغرام أو ( فليه دجاج ) اقتراح روز السعوديه لآن المقادير متوفره و سهله ما يبيلها وقفه في المطبخ كثير والف شكر لورد الغلا والم ماضي ،، اقتراحتاكم اكثر من رائعه احس نفسي في مطعم ، ، بس اغلب المقادير مو متوفره اليوم ، بس اكيد بجربها يوم تاني ومشكووورين بصراحه من غيركم نضيع بالمطبخ :) |
كودو دجاج..
|
http://www.7m7.org/img101/s0a.p7m7mf...9w33417291.gif http://www.7m7.org/img101/s0a.p7m7mf...9w68236027.gif > هذي بعض الروابط اللى ممكن تفيدكـ حبيبتي < http://www.66n.com/forums/showthread...t=%CF%CC%C7%CC http://www.66n.com/forums/showthread...t=%CF%CC%C7%CC http://www.66n.com/forums/showthread...t=%CF%CC%C7%CC http://www.66n.com/forums/showthread...t=%CF%CC%C7%CC " وربي يسهل عليكـ ِ الحمل وييسر لكـ الولادهـ ويسعدكـ دنيا وآخرهـ ويسكنكـ الفردوس مع من تحبي " http://www.7m7.org/img101/s0a.p7m7mf...9w27952469.gif http://www.7m7.org/img101/s0a.p7m7mf...9w33417291.gif |
رود
مشكوووووووووووووووووووووووووووووووووووووووووووره على الدعاء اولا وعلى الروابط ثانيا اكيد راح تفيدني وربي يسهل عليك كل عسير ويفتحها بوجهك وين ما رحتي ويرزقك الجنه ان شاء الله |
جزاكم الله كل خير
علي الطرح المفيد جدا تحياتي |
| الساعة الآن 01:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©