ممكن طريقة الشيشبرك
 

على راسي بتؤمري امر حبيبة قلبي:
ولا اسهل من هيك:
عجينة عادية ملح وماء وطحين ما تكون قاسية ولا رخوة كتير.
بتصور ما شاء الله بتعرفي تعجني.
يعني بس تعجني العجينة بماء ورشة ملح وما بدها خميرة ولا شي.
خليها ترتاح العجينة.
بعدين بتقلي لحمة مفرومة وبصل .
بتمدي العجينة بالشوبك اللي بيمدوا فيه العجينة.
وبتقطعيها بفنجان القهوة دوائر وبتحشيها.
وبس تحشيها وتقفليها متل السمبوسك بترجعي اخر الطرفين على بعض حتى تصير متل الصدفة.
بتكوني بهالوقت حطيتي لبن عالنار ودورتيه يعني خليتيه يغلي .
بتسقطي بقلبه العجين وبتخليه يغلي شوي .
مش كتير حتى ما تفرط العجينة بقلبه .
وبتقلي كزبرة خضراء مفرومة وثوم مدقوق وبتحطيه فوقهم قبل ما تطفي النار بشوي.

هيدي الاكلة اللذيذة بينعمل جنبها مجدرة رز:
وهي كالاتي:
كوب عدس
كوبين رز
ملعقة سمنة كبيرة
بصل مقطع حلق.

بتسلقي العدس بعد ما تنقيه وتغسليه
وبتغسلي الرز المصري اللي للحشي يعني مش الايطالي الطويل او ال uncle ben`s
وبتحطي الرز وبتغمريهم بماء شي انه يكون عقدة اصبع فوق الخليط.
وبتكوني حضرتي البصلة وقليتيها عند ما يستوي الرز والعدس تدلقي اسلمنة بالطنجرة يعني من سمنة البصلة بتقيل الرز والعدس.
والبصل المحمر بتزيني فيه وجه المجدرة.

صحة ومية هنا.
يا رب تكوني استفدتي..........................

بس الطبخة رائعة جدا والله اعلم ان اسمها تركي فالمطبخ اللبناني فيه كثير من التركي ............

الله يعافيك أخي الفاضل ..

وهذا اسم الطبخة بالحركات ليسهل عليك قرائتها ..


(( شِيشْبَرَكْ ))

حبيبتي يا شمعة الجلاس صحة ومية هنا على قلبك وقلب عيلتك ان شاء الله.
والله اسهل منها ما في حبيبتي .بس المهم تعجني وما شاء الله عنك انتي فنانة بالطبخ يعني مش رح تصعب عليكي ,بتعرفي اول مبارح اجت ببالي قلت بدي اطبخها بس المشكلة زوجي ما بيذوق اللبن ابدا.

اتفضلي ياعسل ..

http://www.66n.com/forums/showthread...529&highlight=

http://www.66n.com/forums/showthread...061&highlight=

http://www.66n.com/forums/showthread...166&highlight=

لو سمحتو ماهو اللبن (هل هو الحليب ) او اللبن

كان لي جاره أردنية الله يذكرها بالخير تقول يسمونها بالأردن آذان الشايب!!:21:

300جم من لحم مفروم
حبة بصل مفروم ناعم
ملح
فلفل أسود
بهارات
ثلاثة أكواب من الدقيق (الرياض فود)
ربع كوب من الماء
كوب لبن زبادي
بيضة واحدة
ملعقتان طعام من بودرة النشاء (الرياض فود).
ملعقة سمن
قليل من الصنوبر للتزيين.

التحضير

o يصنع العجين بخلط الماء مع الدقيق مع رشة ملح ثم يعجن حتى تصير العجينة متماسكة

o يضاف البصل الناعم والبهار والملح إلى اللحم ويقلب على نار هادئة حتى ينضج اللحم

o يفرد العجين ويرقق بشكل جيد ويقطع إلى دوائر صغيرة قطر 3سم.

o يتم حشو الدوائر باللحم ثم تقفل على شكل كريات صغيرة.

o توضع في صينية في فرن متوسط الحرارة لمدة 5دقائق .

o يضاف البيض والنشاء إلى اللبن ويخفق بالخلاط فم يصفى بالمصفاة الناعمة.

o يوضع اللبن في قدر على النار حتى يبدأ بالغليان

o توضع كريات العجين في اللبن المغلي لمدة 15 دقيقة على نار هادئة.

o تسكب الطبخة في طبق التقديم وتزين بقليل من البقدونس.

o يحمس الصنوبر في السمن ثم يرش فوق طبق التقديم.

o تقدم ساخنة

http://www.riyadhfoods.com/dbimages/...hoto/Shesh.gif