|
ساعدوني خائفه بدأت أكره خطيبي
تكفون وش هالحاله
ماعاد احب خطيبي ولا أثق فيه نهائي من كثر المشاكل والله موعارفه وش اسوي انا ادري اني ازعجتكم وغثيتكم معاي تتذكرون كنت اشتكي لكم من كثر حبي له والحين عكس الله يعطيكم ماتتمنون تساعدوني وتنوروني وشلون اعيد الثقه والحب .................... وسامحوني وادعولي حتى لو ماعندكم حل الاشراف: تم تعديل العنوان ليناسب النص. |
يالغاليه يمكن من الي حصل لخطيبك تحسي بالاحساس هذا..
انا متابعه لأخبارك يالغاليه.. الله يشرح صدرك ويريح بالك.. طمنينا كيف خطيبك احين؟؟ |
لأني مو فاهمه الموضوع بدعيلك من القلب ان الله يهدي بالك ويكتبلك الخير وين مايكون .
|
حبيبتي والله حاسة فيك وفي كل كلمة كتبتيها وعندي وعندك خييييير ومع اني جديدة في هذا المنتدى بس من قرأت موضوعك هذا سويت بحث لمواضيعك وقرأت كل شيء كتبتيه بس علشان افهم .. وفهمت تدرين وش فهمت؟؟ فهمت ان قلبك كبير وحبك لزوجك أكبر وكل كلمه تنطقيها تدل على حبك له وليته الله يهديه يحس ويقدر هالقلب الكبير اللي ما اظن يلاقي مثله ولاتقولين كرهته لانك ماكرهتيه ياقلبي صدقيني صدقيني ماكرهتيه انتي من كثر حبك له تقولين اكرهه وبالذات لما يسوي شيء يزعلك بقوه او يجرحك يمكن ثقتك فيه قلت من تصرفاته وهذا شيء يحصل لاي وحده ولو يجيك وهوصادق باحساسه ويعتذر لك ويقولك سامحيني وأنا احبك صدقيني كل شيء بيتغير وبتعود المياه لمجاريها وبتنسي اللي فات في لحظه وترى احنا البنات تمر علينا حالات نكون فيها حساسات بزياده واحيانا نشك وتجينا وساوس كثيره منها يكون صح واحساسنا يصيب ومنها من الشيطان واعوذ بالله من الشيطان وبالذات انتِ الحين في فترة الملكه وكونه بعيد عنك كثير طبيعي تحسي بالجفاء هذا منه ترى البعد جفااااااا وقلة شوفاتكم لبعض هذا ممكن يكون سبب من الاسباب ولا تنظري لحياتك الجاية انها بتكون سيئه بالعكس تفاءلي بالخير بكره لما تعيشي معه في بيت واحد بيكون قريب منك وانتِ قريبه منه صدقيني ان شاء الله كل شيء بيتغير بإذن الله وبإمكانك حتى تغيرينه لكن بأسلوبك الحلو ومعاملتك الحلوه (هذي الجمله دائما اكررها لنفسي):) بس اللي انصحك فيه الحين انك تطلبي تشوفيه واذا شفتيه واجهيه..صارحيه..ناقشيه..فهميه قوليله كل اللي بخاطرك لكن لا تتهمينه لان الرجال مايحب يكون في موضع المتهم اللي لازم يقول جواب يبرر تصرفاته احكيله وكأنك ماتنتظري منه جواااب قولي كل اللي بخاطرك ولا تخلي بقلبك شي ادري يمكن تبكي وتنهاري بس صدقيني بترتاحين واذا حاسة ان حالتك مع هذا الشخص ميؤؤؤؤؤؤؤؤؤؤؤس منها ومانه رجااااااا ابداً استخيري وفكري زين ولو ارتحتي للقرار هذا قوليله أنتِ بنفسك وجها لوجه أفضل وبجديه يابن الناس انا تعبت معاك وما اتوقع ان حالي هذا يرضي احد ولا حتى يرضيك ياتفهمني وتحس فيني والا بلاها هالزواجه من الأساس الله يوفقك اختي واتمنى اني اكون أفدتك بس لازم تواجهينه لازم الله يسعدك يارب ويهديك للي فيه الخير ولا يشغل لك بال أبد ويسخر زوجك لك ويسخره لك وأنا ويااااااااااك امين الاشراف: نرجو تغير التوقيع بسرعه لأنه مخالف لقوانين المنتدى. |
والله ما تهونين علي يا الحبيبه ... الدنيا خلقت على كدر و واجب علينا التصبر
لأن ربي قال في كتابه الكريم : ((إن مع العسر يسرا*إن مع العسر يسرا)) واعاد الجملة لتأكيد والتذكير ... فلا تقابلي المشاكل بالأستسلام وكوني القوية الشجاعة اللي ما يهزها حرف واحد لكي تكبري في نظر زوجك.... وقد اكمل سبحانه الآيه: ((فإذا فرغت فانصب وإلى ربك فارغب)) اختي الحبيبه علــــــــــــــــــــــيكي بمداومة الإستغفار فإنه يجعل لكي من كل ضيق مخرجا ومن كل هم فرجا ورزقك بما تتمنينه من غير حساب عن ابن مسعود رضي الله عنه قال: قال رسول الله صلى الله عليه وسلم: ((من لازم الإستغفار جعل الله له من كل ضيقٍ مخرجا ومن كل هم فرجا ورزقه الله من حيث لا يحتسب)) اللهم يسر لأختي امرها ولا تعسر يارب العالمين \\ آآآميين \\ |
السلام عليكم ورحمة الله وبركاته
اميرتي الصغيره الحبيبه\\\ حفظك المولى ورعاك واقر عينك بنيل مرادك عزيزتي ماتمرين به من مشاعر ومخاوف هذه كلها وسوسة شيطان وكلها بأسباب المواقف اللي حصلت بينكم الحمدالله انت تحبين خطيبك وهو كمان باين انه يحبك ماشاء الله عليكم كل ماهنالك لاتعطي للشيطان ان يتسرب بينكم عليك عزيزتي كل ليله بقرأة سورة البقره وكثرة الدعاء والاستغفار والتسبيح وقيام الليل صدقيني غاليتي كل مااقتربتي من الله كل ماعشت بسعاده ورضا وراحه وتيسرت امورك واخير دعواتي لك بفضل هذا اليوم الفضيل ربي يسعدكم ويألف بين قلوبكم ويجعل بينكم موده ورحمة ويختار لكم الخيره الطيبه ويكفيكم شر شياطين الجن والانس حصنتكم بلا اله الا الله |
جميع الاعضاء اللي ردوا وربي بكيت وانا اقرا ردودكم
دعواتكم اثلجت صدري ووقفتكم مارح انساها,,,,,,,,,,,,,,,,, تويتي نايس الله يوفقك ويعطيك ماتتمنين والله كلامك صحيح بس المشكله ماأقدر اواجهه ولا حتى اقابله تدرين ليه لأنه اذا زعل الله لايوريك وترى واجهته كثير بس مو راضي يفهمني يقول احبك لكن تصرفاته تدل على عكس الحب..............الله يهديه ويشفيه الأخت روح الغالي الله يسمع منك ويريحنا والله العظيم احس اني من الداخل تعبااااااااااااانه حيل ولاأحد حس فيني مثلكم حتى اهلي الله يسامحهم يارب اسألك الفرج ياااااااااااااااااااااااااااارب |
انا راح اختصر
حسب ماقريت وعرفت انا المرأه مثل الموجة مترددة ساعة تحب وساعة تكره بس زوجك ماعندة دراية كافية لما وصلت الي هذه المرحلة كيف يتعامل معاك عموما انتي خليك طبيعية وحطي فبالك حاجة وجدة وأي الناس تصفوا مشاربه وشكرا |
انا والله ماعرف شو السالفه
بس الله يفرج همك ويسخر لك زوجك |
الله يفرج همك ان شاء الله وهاذي وساوس شيطان تعوذي منها وتعدي الله يوفقك مع خطيبك ويسعدكم ويهنيكم ان شاء الله |
| الساعة الآن 12:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©