اعمامي وحريتي الشخصيه
 

أبوي يحب أهله وأخوانه أعمامي لدرجه أنه فاتح بيته لهم على طول الوقت أربع وعشرين ساعه متواصله
ويحبوني حب شديد ولكنهم ما يعطوني راحتي حتى في غرفتي الشخصيه ويعتبرون بيت أبوي بيتهم
ويدخلون غرفتي في كل وقت وزمان
وبيوتهم مسكّره وما تقدر تروح لهم الا ويتضايقون وما يجاملون ومايحبون أحد يزورهم
وأبوي يحبهم حب شديد وفاتح لهم بيته وما يرضى أن أحنا نتكلّم عنهم
أنانيين يخافون على بيوتهم وبيت غيرهم قلعته
قمت أبتعد عن أبوي وأعمامي لأنهم يزعجوني وما يرضون أحد يزعجهم ولو دقيقه
الصراحه قمت أبتعد عنهم وأعاملهم بالمعروف فقط لأنهم أنانين
قولولي شسوي؟؟؟؟

بصراحه ماني عارفة شاقول .. بس خلي باب غرفتج مقفول طول ما هم عندج ... بعد هاي مو حل .. اتمنى الاعضاء يعطونج حلول غيرها ..
الله يعينج عليهم ..

حاولي تحسسيهم أنك متضايقة من تصرفاتهم
(مثلاً أنتي في الصالة تتفرجين و جو يمك قفلي التلفزيون و طلعي تفرجي في غرفتك إذا كان عندك تلفزيون في الغرفة)
و لا جو بيتكم قفلي باب غرفتك
و إذا أصروا عالدخول صرفيهم بأي عذر (الغرفة محوسة, قاعدة ألبس ,أو إنك تكلمين صديقتك)

و الله يهديهم و يصبرك عليهم

أنا أخليه مقفول بس لو أذهب للحمام أو المطبخ أجي ألاقيهم قاعدين ونايمين
و هم أكبر مني يعني استحي أكلّمهم المفروض يحسون على دمهم
شكرا لك محمد هيا

انتي قفلي باب الغرفة ولا تفتحيه الى احد خلي المفتاح عندك وقت مايروح قومي وفتحية
وقت ماتبي تدخلي الغرف قفليه وراك هذا مو صعب
عانديهم شوي
الناس اجناس
ادا قالو لك افتحي الغرفه قولي لهم ليش افتحها مافيها شي ناقص عن الصاله او المجلس
خليهم يحسو على دمهم قولي لهم عندي اغراض فيها اغراض خاصه
عانديهم حتى على التلفزيون لا توقفي على محطه وحده الشي الى مايحبوه وقفي عليه قولي انك تتابعيه من زمان وشويت اعناد وانشاء الله يحسو على دمهم

والله يكون بعونك

أختيى أثير الاحلام أشكرج لأنك عطيتيني بعض الحلول
ضايقه المراره منهم ومن أطباعم بس أستحي منهم لأنهم أعمامي وأكبر مني
وما أبغي اقاطعهم
وما عندي أحد اشتكيله الا الله وأخواني اللي في المنتدى
طلبيلي الله يكون في عوني والله يوفقج حبيبتي

هههههه

اول شي انا ولد
وثاني شي مهما يكون
اكبر منك او اصغر منك
انتي لا تستحي منهم انتي عندك اغراض خاصه في الغرفه
يعني ملابس وماشابه واهم اولاد على الاقل لازم يحترمو
والي مايربي نفسه الدنيا تربيه
والي مايجي بطيب يجي بالقوه
يعني اوقفي في وجهم والحقران يقطع المصران
اشويت اعناد على شويت عناد على شويت مضايقه بتخليهم يحسو على دمهم

حيث ان الأعمام شادين في تعاملهم فمن الأحسن اتباع شعرة معاوية معهم بالطيب والسلاسه وتجنب الشد تفاديا لمضاعفات اكبر .

عزيزتي بيت أببوك صعب تمنعين اعمامك منه طبعا وابوك طيب وصاحب واجب وواصل لرحمة مو شرط يعاملونكم بالمثل أحتسبي الاجر من الله وأن الموضوع صلة رحم بس مالهم حق طبعا يدخلون غرفتك الخاصة او ينامون فيها أنتي عليك أنك تقفلينها زي ماقلو ابعض الاخوان والأخوات بحلولهم وحطي المفتاح بجيبك لكن إذا جلسو معك بالصالة عامليهم بالحسنى ولا تبينين لهم أنك متضايقة وبيت ابوك مسيرك تطلعين منه لبيت زوجك بأذن الله يعني تبقى هذي السالفة مجرد ذكريات في حياتك وأياك ثم أياك تبينين لبوك أنك متضايقه منهم خليك اليد العليا بالطيب والكرم ولم الشمل تحياتي

نعم كلامك صحيح صعب الصبر عليهم ولكني ماسكه نفسي عشان ما انفجر فيهم
يارب تعطيني الحلم والصبر والرضا عشان صله الرحم