تصرفت صح و مع هذا حاسة بالذنب
 

السلام عليكم

بأختصار ... لي مرت حمى اخلاق ما شا الله عليها و دين و حسب و نسب .. و بصراحه انا احترمها لانها من اسنان امي ....

بس فيها عيب انها اذا ملت من الضيوف او نعست او اي شي عارض يحصل لها و احنا عندها تطنشنا و تروح و لا تسأل فينا على اساس اننا اهل و عادي .... بس اللي انا متعوده عليه ان ترك الضيوف عيب جداااا .. كنا ببيت اهلي اذا تركنا ضيوفنا حتى لو باقي اخواتي موجودين شتسوي فينا امي .. اصلا ما نجرأ نسويها ....:29:

المهم .. اذكر مره قبل لا اجيب عيال كنت اول زواجي قالو لنا تعالو عالغدا ورحنا لقيت ان انا وز جي بس معزومين زوجي راح مع الرجال و انا قاعده بمجلس الحريم لحاااااالي و اسمع اصواتهم و كل شوي اقول الحين يجون ... و لما حطو الغدا جوا البنات مع امهم سلمو علي و رحنا تغدينا و لما خلصنا رجعت للمجلس و بعد لحااالي لحد ما ناداني زوجي .... :(

و بعدها حجت الحرمه و رحنا نبارك لها و نفس الشي لحالي بالمجالس انا وولدي كان عندي واحد بس و بعدين دق الجرس و دخلت اخت مرت حماي اول مره كنت اشوفها مدري منهي شوي و جوا كلهم و يا هلا ما يا هلا و كل شوي يسولفون قدامي عن طلعتهم يعني ( ترا ورانا طلعه و انت معطلتنا ) :(

و مره كل اهل زوجي متجمعين عندهم ... تغدينا و راحت حطت راسها و خلتنا كلنا بالمجلس ...( بالله مو عيب ) ....:11:


ما اطولها عليكم ... الموقف اللي فجرني .. من يومين كان فيه جمعه بمزرعتهم كل واحد يجيب عشاه معاه ..و من العصر و انا واقفه على رجولي اطبخ لحد ما هلكت ... و لما رحت كنا احنا وهم و بيت اخت زوجي بس .... اول ما دخلنا رحبوا فينا .. و شوي راحو البنات بغرفه لحالهم و ظليت مع مرت حماي و اخت زوجي .. دقيقتين حتى ما امدى نسولف ولا شي .. و راحو مدري وين و قعدت لحالي بهالمزرعه الطويله العريضه ....

قلت بروح عند البنات لانهم من سني اتسلى معاهم ... كانو مشغلين مسجل و يرقصون بس دخلت سكروا المسجل و قعدوا ساكتين كأن على رؤسهم الطير .... انحرررررررررررجت مره .... طلعت زجعت مكاني

عدت ساعه ... لحالي مع ولدي الصغير ... ساعتين .... 3 ... ولعت من الغيض :( ارسلت مسج لزوجي اشرح له وضعي و ابي البيت .... شوي جاني و شاف اني لحالي بالمره تضايق بس ما قال و لا كلمه الا يله البيت ....

رحت اخذت و لدي الكبير و قلت للبنات يله باي سلمو على امهاتكم شكلهم مشغولين .... و رحت البيت و طول الطريق و انا اذكر زوجي بكل هالمواقف اللي مرت فيني ....

و انا بالطريق دقت علي وحده من بناتهم تقولي حطينا العشا ارجعي كلي .... :( تخيلوا كني ما عندي اكل رايحه اكل و اجي ) ....

بس بعدين قعدت اقول شجاني ما مريت سلمت عالحريم الكبار شيقولون عني الحين ... :18:
و بعدها بيوم كان فيه جمعه بالبحر و رفضت اروح و لا غصبني زوجي لانه بالعاده حتى لو اني تعبانه لاززززم اروح لجمعة اهله ...

شرايكم تصرفت صح ؟؟؟؟؟

طيب سوال :

ما يوم عزمتيهم عندك في البيت !!!

رأى الشخصى
 

أكره هذه المواقف و لا أحب أن اعامل الناس بهذه الطريقة لاننا ما تربينا بهذا الاسلوب لكن مش كل الناس متربية بنفس الاسلوب و هن أهل زوجك و انت لن تغيرى فيهم شئ فحاولى ان تثبيتى مكانك بينهم :18:
أنا عن نفسى كنت أحاول أنى أربط علاقتى بالبنات و لما طفوا المسجل كنت أسئلهم ليش ؟؟؟

نقل للمشاكل الاجتماعيه

حبيبتي والله موقف بايخ الصراحة

انا اشوف انك ماتصرفتي غلط بالمرة ... شتسوين تقعدين لوحدك هناك بعد؟! ودام زوجك ماقال شي .. فهو يدري انك مو غلطانة بشي..

المفروض اذا كنتوا مجتمعين بمزرعه او استراحه اذا راحوا روحي معهم لاتكونين حساسه يمكن يوم انكم بالمزرعه تلاقينهم في المطبخ يطبخون او راحوا يتمشون في المزرعه.. لاتجلسين لحالك حاولين انك تدخلين معهم

زوجك شنو رايه ؟؟ هو يدري بالي يسير لج معاهم ؟؟ انت تزوجتو وكانوا راضين ؟؟
لو انا مكانج مافكر ازورهم من الاصل .....

تصرفك كان في محله والدليل ان زوجك ما غصبك انك تروحي معاهم عالبحر. يعني عارف انك على حق

انا محلك ولا ازورهم الى ان يغيروا طريقة معاملتهم هذه

الي مايبني ما ابيه 0000 بصرااااااااااااحه ااااااااااااااااااخر ما تفكرين فيهم تطنيش