منتدى عالم الأسرة والمجتمع - يبي يفاجئني وخربت عليه مفاجأته بمفاجأتي ( بالصور )

http://www.21za.com/pic/salam_kalam010_files/133.gif

مساكم الله بالخير ياوجيه الخير

بقولكم قصة المفاجأة الي خربتها على زوجي وهي كالتالي :

كان ياماكان في الاسبوع الماضي من الزمان

انه زوجي بيجني ديرتي وكان يحب يغير من الروتين مع انه مايجي الا كل اسبوع او اسبوعين مرة
وفكر في سالفة المسبح والمزرعة علشان نغير جو خصوصا بأيام الصيف الحار هذا

وقام بعمل تخطيطات ومناورات مع اخوي الي اصغر مني

ليش انه مايدل بديرتي المناطق زين فاستعان بحليفه اخوي يرتب كل شي من حجوزات وغيره بدون لا يعلمني
طبعا بعد ماعطى اخوي بخشيش ثمن سكوته :d تربيتي على قولة زوجي هههههههه

وحجز استراحة او ماتسمى مزرعة مادري المهم فيها مسبح عجييييييب وماي بارد :17: واشجار وحديقة

وقبل بيومين بجيته خبرني انه حاجز مزرعة فيها مسبح تطير عقلي وكانت احلى مفاجأة وهو من قبل اسبوع يقول لي مادري شنو اسوي لج لذكرى ... ويبي نسوي حفلة مثل ماسويت له في ذكرى .. بس مايعرف للحفلات واعليه مصر الا نسوي حفله ويبيني اني اسوي الترتيبات بس مو حلوة بصراحة لانه المفروض يفاجأني فيها

كاني بسافر حشى مو بطلع يوم استراحة المسبح ماخليت شي مارتبته واخذته وياي ههههههه

وهذا صورة للمسبح

http://img529.imageshack.us/img529/1760/51446541pr5.jpg

وهذي صورة لمكان جلوس مثل مانسميه احنا العريش مصنوع من السعف والخشب

http://img115.imageshack.us/img115/5479/77436964xo4.jpg

فرحتي كانت لاتوصف بهذا اليوم المميز

المهم انا بدأت دارات مخي بالعمل علشان اخرب مفاجأته

شلوووووووووووون بس يادمعات تخربين مفاجأته

اهتديت واخيرا :17:

رحت المخبز وحجزت كيكة
وفطاير وحلا حق الفطور يوم الي بنروح

وكانت فترة جلوسنا في المزرعة فقط من 8 الصباح الى 5 العصر

وشريت بالونات وشموع وحملتهم معاي بعد

جى يوم الطعلة وانا شاقة الحلج من الوناسة :d

ذيك الليلة مانمت زي الاطفال لما يقولون لهم بكرة العيد :25:

مرينا المخبز وخذينا الفطاير والكيكة وهو يسألني وش ذي كل هالفطاير حق الفطور كان شاك

وانا استهبل عليه واقول له هذي علشان بنتم اليوم كامل هناك
ومادرى عن الكيكة الحمدلله

المهم رحنا وانبسطنا وطبعا يتخللها (-----------) ويكون له طعم خاص لانه في مكان غير
والملاطفات في والمداعبات في الماي تجنن

الحين جات الظهر ولازم نجيب غدى انا قلت له مافيني اغير ملابسي الرطبة وارجع والبس واروح وارجع معاك انت اسهل مني بدون عباية ولا شي قال مادل

قلت له اخوي يروح معاك

وطبعا انا متفقه مع اخوي من قبل انه وقت الظهر الساعه 1 يجي يم المزرعة ويدق على زوجي على اساس انه بيجي يطل شوي على المسبح

وماكذبت خبر والا الموفق الساعه 1 على باب المزرعة بدون اتصال حتى :d

اي معذور في الحر هذا وفيه مسبح و ماي بارد

وخرب علينا خلوتنا ههههههه
زوجي انقهر منه ودخل ورماه في المسبح

بعد نص ساعه يمكن طلعوا
وكلمت اخوي وبعد ماوصيه اكيد لانه انا بعد بخششته :22:

ماحد مستفيد من ورى مفاجآتنا الا اخوي :d
ولفلف فيه ساعه كله علشان الغدى

المهم نجي للجد انا في ذي الساعه رحت بسرعه بسرعه ونفخت البالونات كثر ماقدر ورميتها في المسبح

وولعت الشموع حوالين المسبح وحطيت بعد شموع داخل الماي يمشون

بس خسارة نصهم طفيوا من تموج الماي

وهذي صورة قريبة

للبالونات والشموع

طبعا الشموع صفيتها بطريقة مرتبة حوالين المسبح

http://img128.imageshack.us/img128/6489/11591673lf1.jpg

هذي صورة اسمه وانا كاتبته بالشموع

على ارضيه جنب المسبح

http://img408.imageshack.us/img408/8009/21645104be3.jpg

هذي الشموع الي نزلتها في الماي والي معظمها طفيت وانقهرت منها :29:

http://img518.imageshack.us/img518/2204/71091479gv5.jpg

http://img45.imageshack.us/img45/73/68989961cy0.jpg

ودخلت الغرفة بس غيرت ملابسي وتكشخت وتعطرت ولانه مافي مجال للميك اب لاني احاول استفيد من الساعة الي متاحة عندي

وطلعت الكيكة من الثلاجة وحطيت علشها شموع

وهذي صورتها

http://img45.imageshack.us/img45/9454/88381999bn6.jpg

ورحت
حطيتها في العريش الي مصنوع من سعف وخشب على طاولة

وكنت ابي اجهز ملاعق وصحون وكذا مامداني

والا زوجي جى

فتح الباب يناديني

يوم شاف المسبح انخبل :23:

والتفت علي وشاف الكيكة انهبل :26:

يأشر على المكان ويرد يأشر على روحه
يقصد كل هذا لي

زي الغتمان
انعقد لسانه
:23:

واحتفلنا وفرحنا واكلنا وكانت احلى مفاجاة واحلى طلعة سويناها
ولا انسى جبت له هدية متواضعة بعد

من عادتي كل مابين فترة يجي عند ديرتي اخد له هدية لو اي شي بسيط

وكالعادة ينقهر لانه مايعرف شلون يجيب لي هديا حتى من قهره يقول لي الهدايا من غير سبب قلة ادب ونضحك

ويصير بينا تنافس على الهدايا

والحين واعدني بهدية حق ذكرى ....
بعد هديتي والي سويته علشان يرد اعتبار على قولته خخخخخ
والهدية راح تكون:
انه بيوديني اتسوق وعندي السعر مفتوح اخد الي اشتهيه من الدينار الى ال 100 دينار
بالسعودي من الريال الى 1000 ريال او اكثر لو بغيت

وبالاخير هذي فكرة زوجي وانا اضفيت عليها لمساتي

وقولوا ماشاء الله

وصلوا على النبي

واتمنى تجربوا فكرة المسبح ترى فننننننننن خصوصا حق ال ....... :25:

http://www.21za.com/pic/salam_kalam010_files/132.gif