مصيبة فكر العنوان تبدلت لفرحة وبهجة ومحبـة!فشاركوني فرحتي
 

السلام عليكم ورحمة الله وبركاته ..

....

إليكم موضوعي او كما اسميه الحلم الذي انتظرته سنين .....
وهذه روابط مواضيعي ومشكلتي القديمة والله لا يعودهااا يااااارب ويبعدنا عن المشاااكل ...

http://www.66n.com/forums/showthread.php?t=76247

http://www.66n.com/forums/showthread.php?t=81112

http://www.66n.com/forums/showthread.php?t=97878

************************************************** ********
بسم الله الرحمن الرحيم ...


السلام عليكم ورحمة الله وبركاته ...

الحمدلله والحمدلله والحمدلله .... انا مبسوطة وفرحااااااااااااااااااانه وااااااااااااااااايد ... اللهم لك الحمد والشكر ... ياااارب اني اشكرك يارب اني اشكرك ياااارب اني اشكر لتفريجك الهمم عني ..

يا اخوواني وخواااتي مشكلتيي انحلت بااااركولي ........

الهم تحول الى فرح ... والضييييييييييييييييييييييج اصبح بعييييييييييييد ... ريلي الحبيب اقلع عن الخمر ... وابتعد عن اصحاااب السوء .....والله من فرحتي ما اعرف كيف اعبر لكم ....ولا شو اكتب لكم ...

الحمدلله يا رب ماتوقعت اني يعيش بهاذي السعاده ...عقب ماشفت الظيم والويل ...

بخبركم بقصتي ..

مثل ما الكل يعرف اني اتبعت كل اسلوب مع زوجي بتركه للخمر لكن من دوون فايده ....لدرجة اني توصلت لطلب الطلااق ... فمثل ما كتبت لكم اني اصبحت لامبالاه لكل ما يفعل .. تركته يسكر ويسهر على كيفه وما ادخلت فيه .. لاني عجزت منه وتعبت ومليت ... شفت انه اخباري لاخوه ماجااب نتيجه تذكر ... واساليبها كله من مدح وذم وشتم ما فلحت معااه ... يترك الخمر يوم ويعوده لها عشرااا ...
ووالديه ما كاانوا يدرون به ...على بالهم انه من تزوج نسي سالفة الخمر اطلاقااا ... وانا كنت اقولكم عن سبب عدم اخباري لهم برجوعه للخمر بسبب انهم مريضين وكبار في السن ...
تعبت نفسيتي .. بشرتي ذبلت وعيوني والله انها جفت حتى لدموع مو راضية تنزل من كثر البكاء.. شعري بدا يتساقط من النفسية التعبانه ..ضعفت كثير... هو لاااحظ اني تعبانه وكل يوم يقولي ارجوكي لا تزعلين مني انا راح اتركه ... ولا يستطيع ..
في يوم ع الساعه ال 10 مساءا اتصلت به وقال لي انه عليه دواام ولازم يروح لهم ( وكنت اعرف انه يكذب الا علشااان يسهر ويشرب ) فقلت له على راحتك ولا اهتم لي .... اتصلت به على الساعه 12 حصلته لا يستطيع الكلااام من شدت سكره ... اغفلت الخط على وجه وطرشت له مسج على تلفونه وقلت له العلاقة بينا خلاااص انتهت وكل واحد يرووح لبيت اهله ) وانا والله كنت مقتنعة بهااي الفكره وافكر كيف اخبر اهلي بمصيبتي لما ارجع لهم ...المهم مانمت الليل ابد ... اتصلت به مره ثانية على الساعه 3 فقلت له اطلع وتعال قبل لا تسال عنك امك ( بحكم اننا كلنا في نفس الحوش ) قلت له انا ما بكذب على امك دااايما واقول لها انك في الدوااام ... تاخر كالعاده ... قمت توضيت وصليت وقريت قران وجلست في الصاله استغفر واسبحن وانا تعباانه وعيوني ذبلانه ..اذن الصبح صليت صلاة الصبح وزوجي بعده ما رجع ...حسيت ببروده في قلبي دعيت ربي بانه يفرج عليه ويساعدني بصراحه وصلت لباب مسدود ...سمعت سيارته فوقفت من النافذة اطالعه وفجـــــــــــــأة شفت امه تمشي باتجاااهه .....ففـــــــــــــــــــرحت جدااااااااا كانها مطر نازل من السماااء ...وقفت اسمع لها من النافذه .. وهي مصدوووومه واقفه امام ابنها اللي ما يقدر يصلب طوله جدامهااا .... فقالت له خاف الله في حرمتك وعيالك ... وما تصورت انك رجعت للخمر مره ثانية ....الله يسامحك ليش عملت بنا كذا ...) فتصلب ريلي مكانه وهو يشوف امه حزينة وزعلانه عليه ...
دخل البيت ووجدني على سجادتي استغفر وادعي له ... فانحنى الي وقبل رااسي وانا ما كلمته ولا فتحت فمي له .... سمعت بكااائه ونحيبه ... حن قلبي له لكن مامشيت صوبه ...جعلته يبكي ويبكي وانا بعيده عنه .... جالسة على سجادتي .... اسمعه يقول .... انا ما استاهلكم انا ما استاهلكم ..وما اعرف وين اودي وجهي عنكم .. وكيف بخلي امي ترضا علي ...) قمت من سجادتي ودخلت في فراشي ونمت وماكلمته ....
الصبح استيقظ من وقت _ العادة يأخر في النوم _ طلب من النصيحة فقلت له ماعندي نصااايح خلصن ... قالي ارجوج سامحيني ارجوج والله ومن ثم والله اني راح اتركه فقلت له لا تحلف بالله وانت مو قد الحلف بالله
قال صدقيني هااي اخر مره اوعدج ...
انا اصبحت ما اكلمها كثييييير وكانت عندنا حالة وفااااه ( عمي متوفي ) رحمه الله واثر وفاته بي كثير... وفي نفس الوقت زوجي متعبني .. طاف اسبوع وكل واحد لحاااله اكل ونوم ويلعب مع عياله ... اما انا فما كنت معبرتنه وايد . لاني قلت اكييييد من يرجع للخمر انا بيت امي اكيييييييد من دون رجعة .
فبعد اسبوع كلم اخته وقالها ارجوج انج تخلين زوجتي ترجع مثل اول فانا احبهاااا واريدهااا ...
كلمتني اخته واقنعتني باني اعطيه فرصة ثانية ...والحمدلله شفته تغير وااايد .. اصبح يكلمني ويطلع كل اللي بخاطرها ... قالي انه ترك اصحاب السو ..... وغير ارقام تلفوناته ومسح ارقامهم كلهم ... وصاحب اصدقاء طيبين يخافون الله ... ومتزوجين ويحبون بيتهم وعيالهم .... الحمدلله
ريلي تغييييير واااايد ... صلواته يصليهن كلهن ,, وكل مايشوف مسكين ومحتاج تصدق له ولو كان طالب منه 3 الاف .... كمل اليوم ثلاث شهور من قلع الخمر ( والله لا يعوده له ان شاء الله, ولا يعود هاذيج الايام ويثبت ريلي على ايمانه ان شاء الله ) والحين يحاااول يقلع التدخين من ثلاثة ايااام ماداااخ سيجارة ,,,


اللهم لك الحمد وين كنا ووين اصبحنا ...!!! اللهم لك الحمد الف مره ...
ماتوقت في يوم من الايام ان تنحل مشكلتي اللهم لك الحمد .. والله ما اصدق ..!!!

وان شاااء الله يارب يصبح من المهتدبن ان شااء الله ...

اصبحت ايامي روووعه معااه ... كل يوم يريد ياخذني معااه بمشاويره ...ويجيب لي الهدايا ... يضحك معاي ويفضض لي بمشاعره ....والله كاني في حلم الحمدلله ..

اصبحت اكثر اطمئنانا ... ومتاكدة ميه بالمية انه لما يطلع برا البيت بيرجع نفس ماطلع منه صاحي وطيب ...

ووثقت فيييييييييه وااااايد واااااااايد ... والحمدلله الشك راح لسبيله والله لا يعوده ...

والحمدلله الرزق ايينا من كل صوب مره في شغله ومره من حلاله ...

والحمدلله اولا واخيراا ...

ادعولي الله يثبته لي على ايمااانه,.,,,ويهديه ويجعله من الصالحين ...

واشكر كل من واساني في هالمنتدى الطيب اللي كان عوون لي وسااعدني كثير ..

عسى الله لا يحرمني منكم يا اخواني واخواتي الطيبين ...

والله يدوم عليكم نعمة الايمان والصحة ..

اختكم ام سيف ..

الله يثبته ويخليه لكم يا رب
آمين يا رب العالمين
أن شاء الله لا تنعاد ايام السوء
ان شاء تكون ايامكم الجية كلها امان واستقرار

بالتوفيق ان شاء الله

ألف مبروك على رجوع زوجك ربى يهنيكم و يحفظكم من كل شر .

الحمدلله الله يثبته

نسال الله لك الثبات غالييتي
وان يجعل ايامك كلها فرح





يثبت لتعم الفائده






نسخه لعالم المشاكل المحلوله








بعد اكتمال الردود