|
ساعدوني بخصوص الشعر الطويل 000 واللون الغامق
السلام عليكم
اهلاً اخواتي في الله مابطول عليكم 00 شعري طويل وناعم جدااااا ومو كثييير00 وابغى قصات للشعر الطويل ،، يعني ماابغى أقصّره 00 وأيضاً شو ا الصبغات المناسبة يعني لون شعري مو أسود ولونه بني غامق ومائل للاحمرار << حشا لوحة فنية يعني بصراحة مدري شو لونه بالضبط 00 شو رايكم أحد يقول اصبغيه خصل ثلجية على لونه 00 وانا محتارة مدري يطلع حلو والا لأ؟؟؟ عطوني ارائكم وياليت مع الصور00 الله يخليكم ان استطعتو ترى انا ناوية اصبغ واقص بعد خمس شهور :25: <<< كل هالازعاج وبعد خمس شهور:29: لأني حامل00 بس ماعليه استعد من الآن 00 :23: تحياتي لكم 00 |
الله عليج .. احلى شي اتسوين نيوو لوك .. بعد الولادة ... بترتاحين نفسيا
سمعيني.. انتي شعرك تبين اتفتحينه ولا اتغمقينه؟؟ انتي سمرا ولا بيضا ؟ شعرك درجييييييييييييييييييه .. خليه مدرج قوي.. بيطلع يهبل |
هلا ام وداد
مشكورة ع الرد انا بشرتي فاتحة << حتى ما امدح نفسي00!!! وصراحة مدري سمعت انو اللون الفاتح الأشقر يخلي عمر المرأة أكبر من عمرها الحقيقي00 محتارة مدري أفتحه ولا بس أسوي خصل 00 ولا ماأبي أغمقه زيادة 00 االف شكر ام وداد00 |
وعليكم السلام ورحمة الله وبركاتة
اول شىء اتم الله لكى حببتى حملك بخير وتقومى بالسلامة ان شاء الله انتى وطفلك شوفى حبيبتى بالنسبة الى قصة الشعر خصوصا انكى لا تردين تقصير شعرك ...ممكن تقصين شعرك دجرادية على طولة اى انة يكون قصير من الامام ومن الجوانب فقط ولكن من الخلف يبقى على طول الشعر ان من مميزات هذة القصة انها تظهرك بمظهر جديد امام الناس وفى نفس الوقت يبقى الشعر على طولة دون قص ولكن لكى اكون صريحة معاكى حبيبتى ان عيوب هذة القصة انها تسبب تقصف الشعر وذلك لاختلاف اطوال الشعر وتحتاج الى عناية خاصة لانكى ستضطر ان تذهبى الى الكوفيرة كل فترة لكى تقص لكى اطراف شعرك لانه سيكون ذات اطوال مختلفة ... اما بالنسبة الى لون الصبغة انا افضل تفتيح لون الشعر بدرجة ليست بفاتحة جدا وذلك لاكثر من سبب اولا هو انة يعطى تجديدا وجمالا فى الشكل دون ان اظهر باننى متكلفة ومبالغة فى تغير شكلى وكذلك لانة اكيد بعد فترة بيطول الشعر ان شاء الله ويظهر الفرق الكبير بين الشعر المصبوغ و بين الشعر الجديد وبيكون الشعر تكنى كلر كلة الوان ومن ثم تبدا مرة اخرى محاولة صبغ الشعر من جديد حتى اخفى هذا الفرق فى الالوان ...وهكذا ممايودى الى جفاف الشعر وعدم ظهورة بالحيوية التى كان عليها قبل الصبغات... |
صدقيني مافي احلا من لون الشكولاته وقصة مدرج طويل رهيييييبة :22: واذا تبين تسوين خصل ميش نحيفة بيطلع جنان:23: والله يسهل عليك ومبروك المولود مقدما:14: :15:
|
القص حلو يكون مدرج بس تدريجات قريبه من بعض لان الشعر طويل
واللون ماانصحك بالخصل الثلجيه لانها تدمر الشعر وتحرقه واذا طال بترجعين تصبغينه مره ثانيه افضل شئ اللون البني او لون الشكولاته لانه موضه ويعطي لمعه حلو ولون طبيعي |
حبيبة الاسلام
طيب القلب ليالي الشوق اشكركم ع الردود الحلوة أحس صعبة اصبغ خصل بلون الشكولاتهته او البني لأن لون شعري الأصلي قريب من هاللون واختي طيب القلب 00 رأيك الخصل العريضة أحسن من ( النحيفة ، على قولتك) ولا كيف؟؟ ليت باقي البنات يعطوني رايهم 00 بلاش التطنيش!!!!!! |
شوفي يالغلا دامك فاتحة .. الشعر الاشقر.. بيكبرك.. وبتطلعين كانك مريضة ..
انا والله ودي اصبغ شعري احمر.. مو ناري الغامق.. الي كانه عنابي.. بس ماقدر الحين .. لاني صبغته اسود-بني (يسمونه جذي.. يعني بني غاااااااااااااااااامق) عشان ينور بشرتي.. بس تعبان شعري الحين .. فقاعدة اعتني فيه لكن اللون االاحمر للبشرة الفاتحة .. خباااااااال.. وينور الوجه .. (لكن تضطرين تتقيدين بالمكياج) |
إعمليه مدرج وأصبغيه اللون الأحمر المايل للعنابي وراح يطلع عليكي حلو :23:
ويزيدك حلافوق حلاكي :d |
أؤيد إنك تدرجينه ع طوله بس ... لأن المرأة أحلى بنعومته وبصراحة الخصل تكبر الحرمة وبعدين وربي بس بوقتها تكون حلوة .. بس تعالي بعد شهر وشوفي شكل شعرك .. يطول ..تنزل الخصل .. تتفتح ..وغير كذا راح تخشن شعرك الصبغة.. شوفي الممثلات العالميات قلما تلقين اللي صابغة خصل لأن اللون الواحد للشعر يعطي النعومة والانوثة ويصغرك...
وشكرا.....................أختك براود............ |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©