|
فول لذيذ (حسب رايي)يا رب يعجبكم
بسم الله الرحمن الرحيم.
اخواتي الكريمات :حبيت انقل لكن وصفة الفول متل ما بعملها انا يعني الله اعلم ممكن بتعرفوها بس انا بستمتع كتير فيها لاني بعملها غير عما بشوف الناس عاملتها. بجيب علبة فول مدمس وبفرغها بمقلاة وبحطها على النار تغلي. بهالوقت بكون دقيت فص توم (وجربت اني اقلي بصلة مع حبة بندورة وشوفوا الروعة بالطعمة) عصير نصف حامضة ______قطرتين خل. حبتين الى تلات بندورة او طماطم.(حتى ما يزعلوا منا اخواننا غير الشاميين):d بعد ما بيغلي الفول بحطه بطبق غارق. وبنزل عليه بمدقة الثوم حتى يصير فول مهروس الى حد كبير وبقطع الطماطم مكعبات متوسطة بحيث تكون الطماطم جد ظاهرة فيه وبزيد الخل والحامض والثوم. بحرك كتير منيح وبعدين انهال عليه بزيت الزيتون الشهي ..................... وبصلة كبيرة بيضاء طبعا مش حرة.او بصل اخضر وصحة ومية هنا على قلوبكن................... اشتهيته موت بس المشكلة زوجي بالعمل وما عندي مين يجيبلي من الدكان.:( بعطيكم وصفة تانية:(مش حرزانة اكتبها بموضوع جديد) مين منكن جرب انه يسلق بطاطا ويدقها بمدقة الثوم ويزيدلها كمون ويعجبنها بالزيت يعني ما يخلي الزيت واضح عليها ويشرب جنبها لبن زبادي مخفف بالماء ومضاف اليه الملح يعني عيران او ياكل جنبها بصلة مش حرة. قسما بالله روعة. يا رب تكون عجبتكن كلماتي وما حسيتوا دمي ثقيل.........................:d |
تسلم الايادي يشهي
|
يسلموووو يالغالية
|
يعيني انا بحب فول المدمس كثير و نطبخه في الشتاء مع الهريسة الحارة يم يم يم ...
يسلمو عزيزتي رانيا . |
مرحبا اختي رانيا ان شاء الله احسن وخفيت شوي طمنيني عليك؟:27:
الله الله ايش هذا كله مبدعة وفنانة ماشاء الله عليك طباخة المنتدى :29: |
حبيبات قلبي يا حلوات وتسلميلي يا طيب القلب بس زايدتيها كتير ومش شوي انا طباخة المنتدى.
يا حسرة انا على قدي. |
تسلم الايادي يا عسل
الفول صاحب كرامة عندنا في مصر فهو الطبق الرئيسي علي الفطار و كما يقال عندنا ( الفول يربي العقول ) جزاكي الله كل خير و في انتظار المزيد من الوصفات اللذيذة تحياتي |
تسلم ايدينك اااااااااااااااااااااااااااااااااااااااااااااااااا ااه شوقتيني للفول
من سنه ماكلته لانه للاسف مافي عندنا في البلاد الي انا فيها |
رووووووووووووووووووووووعه أحب الفول وايد مع الطحينيه والزيت زيتون والبيض المفوح المبشور
|
ما شاء الله
جربتها وطلعت لذييييييييييييييييييييذه... جوزيتي الجنة |
| الساعة الآن 12:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©