فرق العمر بيني وبين خطيبي والتدخين
 

بسم الله الرحمن الرحيم

ابغى اخذ رايكم في شي ان اجاني عريس الكل يمدح فيه ماشاء الله تبارك الله

لكن فيه عيبين:
التدخين
العمر
هو عمرة اصغر مني ب10 او 9 شهور وهو ما خطب الا هو عارف عن هذا الشي

يعني امه لما اتصلت تخطب قالت ان الولد مقتنع بمسائله العمر؟؟

وتمت الملكه الحين الموضوع محيريني

اخاف بعدين ياعيرني بعمري
ارشدوني وا ابي اخذ شوركم الله يجزاكم خير

الاشراف/تم تعديل العنوان ليتناسب مع المضمون

أهلين حبيتي سما نجد وبريحة نجد ديرتي..

إذا ع العمر الفارق مرررررررة ضئيل حبيتبي لاتقلقين ..

وإذا بيعايرك.. قولي والله إنت اللي خطبتني مو إنا اللي جيت خطبتك..

أم التدخين أنا بصراحة حتى الآن قلقانة لأن خطيبي يدخن فاانصحيني إذا أحد خبرك بنصيحة حلوة..

وشكرا ,,,,, أختك براود............

العمر .. لا تعطيه بال !

يعني لو تقولين سنتين اقول " حلو على حلو " !

اما مسـآلة التدخين .. مـآ آٌقدر افيدك :)

اختي proud
هلا فيك يا ورد ديرتي هلا وغلا وشكرا على الرد الحلو القوي<<<<<<<<<عجبها الرد القوي
والتدخين مشكله بس ان ما شلت همه مرة تدرين ليه ابوي كان مدخن وبعد اول طفل اللي انا سم الله علي بطل خاف علي من الكحه ((( الله يخليك لي يا ابوي ((
لا تشيلي هم بس انا حاطه ببالي ان تدخين بالبيت لا

لاتخافين الفرق ماهو كبير وايد وبعدين مااحدغصبهم يخطبونك وهما عارفين عمرك والتدخين انشاءالله ربي يعينك انتي خليكي وراه وحاولي تقنعيه انه موزين عشان عيالكم بالمستقبل كثيييير رجال وقفوه من ورا حريمهم موفقه بإذن الله

بعد ماملكتي تقولين أنا محتارة !!!

المفروض التفكير يكون أثناء الخطبة إذا مش عاجبك ينتهي الموضوع

ويرزقك ربي باللي أفضل منه

لكن الآن بعد ماملكتي وأصبحتِ زوجته ومافيه مشكلة إلا سالفة العمر

فأقولك توكلي على ربك وماراح يضر

والتدخين حاولي من الآن تكرهينه فيه وتحاولين معه يبتعد عنه بطريقتك .

اخوي ملفوف
شكرا على الرد وجزاك الله كل خير

اختي غاليه والله مدري كيف تم الموضوع بسرعه شديده جدا تخيلي بشهر تم كل شي انا نفسي مو مصدقه الى الان

احس اني اتندم احيان واتحسف بس قدر الله وما شاء فعل
واحيان اقول خيره يمكن يكون احس شخص يناسبني
والافكار والهواجيس تودي وتجيب فيني

تعبت والله تعبت وندمت عدد شعر راسي

بس وش اسوي مالي عذر الان