ما هي الفنادق التي تنصحوني بها في الخبر والبحرين ؟؟
 

--------------------------------------------------------------------------------

السلام عليكم و رحمة الله و بركاته
بسافر الخبر و البحرين لمدة 3 أيام و لا يوجد فرصه للتجارب أبي فندق حلو وسعره من 500 وأنت نازله
أهم شي نـــــــــــــــــــازله بس حلو يعني مو بدون نجوم .
وأبي أسواق أحصل فيها عبايات و شيال وملابس (( ماأبي مجمعات فخمه عندنا منها كثير )) أبي أشياء بسيطه يعني بالعربي مو ماركات .
و إذا فيه منتزهات مميزه ياليت تدلوني عليها وجزاكم الله خير
و السلام عليكم و رحمة الله و بركاته
أنتظر ردودكم


تم تعديل العنوان ليتناسب مع المضمون

السلام عليكم
أم فرحه أنصحك في الخبر بمنطقه حول الراشد وأي شخص يدلك على الراشد طبعا فيها شقق فخمه وأسعارها مناسبه أكثر من ششق طبعا وبالنسبه للأسواق أنصحك بسوق أسمه السويكت اسعاره مناسبه وفيه مجمع الخبر بلازا تحصلي عبايات وخلافه ز
أما البحرين فنصيحتي ليكي تسكنوا في فندق راقي أو ششق للعوائل فقط وهدا متوفر حول شارع المعارض والاسواق في بوابة البحرين هدا رخيص وشعبي بس لازم تزورا مجمع السيف والدانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،

فندق رمادا الخبر

فندق البستان الخبر

فندق المريديان الخبر

فندق مو فنبيك الخبر

من ناحيه الاسعار تراها تختلف في المواسم علشان كذا ماحددت00 اضافه الى الشقق الفندقيه
اللي جنب الراشد
___________

الاسواق اللي في الخبر00

شارع السويكت

الثقبه

مجمع او سوق الجمعه

هذا اللي بتلقين فيها مطلبك

لكن الدمام فيها محلات شعبيه اكثر

___________

فنادق البحرين

فندق كارلتون

فندق الجناح الملكي

فندق البحرين انترناشونال

فندق العاصمه

فندق اطلس00 وفيه شارع الجفير كله شقق فندقيه حلوه واسعارها معقوله جدا00 ايضا ضاحيه السيف
فيها شقق فندقيه
__________

المجمعات 00 عموما البحرين صغيره بإمكانك السؤال

لكن فيه مجمع اللؤلؤ هذا انا مجربته رخيص وبلقين مطلبك

يعطيكم العافيه و مشكورين

ولايطوفك فندق الدبلومات في البحرين

بالنسبة للأسواق في البحرين سوق المنامة ، بتروحي محل العبايات بتلقين شيلات حلوة ورخيصة وأيضا سوق المحرق وسوق الرفاع فيها الأشياء اللي تبينها لأنها أسواق شعبية وحلوة صراحة بس الجو عندنا نار صراحة أما المجمعات اللي أسعارها معقولة مجمع اللولو ومكيف ومريح ، مجمع السيف حلو واجد هو صج غالي بس الأسبوع اللي راح كنت رايحة واللة مسويين تخفيضات واجد حلوة وخصوصا على ملابس الأطفال
عندش أيضا سوق واقف بمدينة حمد فيها محلات معقولة أسعارها وحلوة . أما المنتزهات عندش الكورنيش والنادي البحري والحديقة المائية .