|
زوجي لا يصرف علي .. هل اطلب الطلاق ؟؟
صباح الخير
انا محتارةجدا ..بقولكم قصتي وانتو احكمو من ايام خطوبتي زوجي قالي بتصرفين على نفسك قلت لاو سويت هوشة وقطعتة قال انا مااقدر يمكن على مصاريفك يعني لبسك غالي وشنطة غالية مااقدر عليها وهالخرابيط مااقدر يعني ادفع 500 ولا 1000 على بدلةة لايمكن قلت عطني على قدك اهم شي تصرف علي قال طيب تزوجنا وصار يسألني معي فلوس وكل مره اروح يعطييني 200ريال وقلت طيب وكان راتبة وقتها 8000ريال وبعدها بكم شهر طلع من الشغل وجلس 5 شهور بدون عمل طبعا نسيت اقولكم ايام شهر العسل يشتري اي شي بس رخيص يكون واخذ مني مبلغ اعطاني اياه ابوي لشهر العسل قيمتة 4000ريال ولمااعطيتة قلت اصرفها علينا راح سدد فيها ديونة لماارجع المهم صار يجبرني كل مره لمااستلم الشغل الحالي ولة تقريبا شهر يجبرني انو ادفع لنفسي ولما صار حمل اجبرتة انا انو يدفع مصاريف متابعة الحمل وقدرها 1500ريال وحصل اخذت الفواتير ووديتها لشركتى ورجعو لي المبلغ لان شغلي يغطي مصاريف الحمل واخبرتة سكت وجا يوم وهو مسافر يقول عطيني ال 1500 قلت صرفتها قال لمي عفشك وعلى بيت اهلك ادري انو محتاجها بس اخاف انو بخيل يعني عمره ماشراء لي هدية واحنا لنا 9شهور زواج بس في احدى المناسبات الخاصة اعطاني هدية بس طلعات وسهرات نسهر وتكلفة وهو يدفع بس ملابس وغيرها يقول اشياء تافهه فاتورتي ادفعها والسائق ادفع لة والان راتبة 5000ريال الان انا ببيت اهلي وكارهتة كره العمى واحس يبي يخلي اهلي يتحملون ولادتي وقلت مابرجع لاابشروط طبعا مره من المرات قال المفروض تعطيني راتبك قلت لايمكن وسكت بس احس احد يحرشة اللي قهرني انو علشان 1500طردني من بيت اهلة واحنا اصلا ساكنين بيت اهلة هو عندة سيرتة خربانة ويبي يصلحها ودين المهر ودين البطاقة ودائما يتحلطم وانا ولاكأني اسمع. وشرايكم بمشكلتي اتطلق منة ولا وش اسوي؟ الإشراف : تم تعديل العنوان بما يتناسب مع النص .. |
اختي العزيزه
أسأل الله أن يفرج همك ويحل مشكلتك وأنا أرى بأنكما في بداية الطريق ومن الطبيعي أن تكثر المشاكل بين الزوجين خاصة المتعلقة بالمادة وقرارك بالطلاق ليس الحل لهذه المشكلة إطلاقا .. وكما تعلمين فان أبغض الحلال عند الله الطلاق فعليك أن تدخلي أحد من عائلتك كأبيك أو أخوك الكبير للتفاهم مع زوجك أو أحد أفراد أهله العاقلين لعل وعسى يكون هناك نتائج والدعاء لا تنسي الدعاء لله في كل وقت وكثرة الإستغفار فما ذنب أبنك أن يولد للدنيا من غير أب أو عائلة ترعاه .. فكري بالأمر جيدا |
هلا أختي..
اسمحيلي أقولج رايي اقتباس:
وبعدين العلاقة بين الزوجين ما تكون ند، يعني مثلا أنا أشوف أن انتي المفروض تساعدينه وتصبرين عليه مش تعاملينه بالإجبار "غصباً عنك تصرف علي" لأن صدقيني لو كان الريال شاف منج المساعدة والصبر راح يستحي على نفسه ويصرف عليج تلقائيا..:22: والله ييسر عليج أمرج |
حسبنا الله ونعم الوكيل على من كان السبب غاليتي أغلب المتزوجين يعيشون خلافات والسبب المادة وأغلب الطلاقات هالأيام سببها الفلوس . إذا كان يصرف كل راتبه عليك وعلى البيت وتسديد ديون فلماذا الانفصال !! لكن إذا كان يوفر راتبه ويقولك أصرفي راتبك نعم يعتبر زوج بخيل القرار لكِ ولا تتسرعين أخيتي في الحكم على الرجل لا تظلمينه اسأل الله يكتب لكم مافيه الخير |
مشكورين على مروركم
بس اللي مخوفني انو قالها من ايام الخطوبة يعني ناوي وبصراحة معاملتي معاه كويسة يعني لمااخذ فلوسي ايام شهر العسل ماقالي الابعد ماسدد ديونة خبرني لوادري منعتة ومع هذا ماتكلمت وسكت ويوم اخذت ال1500ريال طردني من بيتهم بذمتكم هذا كلام ؟؟؟؟؟؟؟؟؟ ولماا واجهتة وقلت لة قال تبينها قلت ماطلبتها لاني انا و انت واحد قال المهم بتجيبين ال1500 ولالا قلت لا قال برا يلاه هذا بايع وانا مقهورة لي يومين ماانام يابنات |
أعتقد أن المرأة العاملة يتوجب عليها المساعدة في نفقات البيت والأسرة .. و لأنها تقتطع من وقت تواجدها في بيتها وتهب هذا الوقت للعمل .. ومعظم من أعرفهن من النساء العاملات يساهمن في النفقة على البيت للرقي بمستوى الأسرة المادي وجميع من لديهن عاملات ( شغالات ) يتكفلن برواتبهن . الحياة الزوجية هي مشاركة في كل شيء قائمة على المحبة والتفاهم والإتفاق فلا تجعلي المال يكون عائقاً في سبيل نجاح حياتك الزوجية . زوجك الذي وهبتيه نفسك ووهبك احساس الأمومة لماذا تبخلين عليه بمالك .. ؟ كما يقولون : وسخ دنيا . أسأل الله الذي لا إله إلا هو أن يلهمك الصواب ويسعدك مع زوجك في الدارين . أختك في الله . |
اختي الله يعينك
لكن مالك الإزي ماذكرتي إنك ترجعي له بشرووووط |
للاسف اغلب الازواج بطبع زوجك -- تناقشى معه ان حصلت فرصه ووضحى له ان دور المرأه ببيتها وانك على وشك ولاده وقررى ان تأخذى اجازه امومه دون راتب وان عليه كرجل ان يتولى مسؤوليه البيت
بالتالى لا حجه لديه كونك بتراعين المولود وفرصه كى يتحمل هو اعباء المصاريف ومنها عوديه ان يكون هو المتكفل بهذا حتى لو اقتضى الامر ان تتوقفى عن العمل بتاتا فما نفع عملك ان لا تجنين منه اى مردود فتتركين راحتك واطفالك وشئون منزلك وهو المتصرف بمالك؟ ولا يتكفل بواجبه |
يعني معقوله ما في الا الطلاق عندكم يا بنات
|
أبشع مافي الحياة الزوجية الخلاف على الأمور المادية :::: لايمكن لزوجين متحدين وشريكين ويتناقشا في الأمور المادية
عليك أولا أن تفهميه بأنه لافرق بينك وبينه وفيه العبر بس تزوجتيه وبيصير أبو عيالك ، أفهم شعورك تجاهه وهو اللي ولّد هذا الاحساس داخلك ودورك توصليه للمستوى اللي تبينه من الاحساس بالمسؤلية تجاهك وتجاه طفله وبيته وأكيد فيه أمور كثيرة تحبينها فيها >>>>> وصدقيني لو من تزوجتي بتلقين فيه عيوب مثل زوجك وأكثر بس بدل التفكير بالطلاق الله يسعدك سوي عمليات تجميل لحياتك الجايه علشان يعيش الطفل بحضنك وحضنهاللهم وفقها وأسعدها واهدي لها زوجها وأصلح لها بيتها وحياتها ....... اللهم آمين |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©