ساعدوني بنتي ماتنام ..
 

السلام عليكم ورحمة الله وبركاته ..

بنتي عمرها اربع شهور ونص.. صارلها يومين ماتنام الا على الموسيقى ..

اكتشفت هالشي صدفه ...

كان لازم على اقرا سورة البقرة يوميا .. وبنتي طول الوقت تبي تنام بس ماتقدر.. ماتنام .. في البدايه قلت يمكن فاقده امي لان امي مسافرة .. والبيت فاضي..

فاضطريت اخلي الخدامة تمسكها شوي.. انا ماخلي بنتي الا عندي ولا عندي ابوها ولا امي.. ماخليها عند الخدامة .. المهم خليت بنتي عند الخدامة شوي.. وكان مار عليها اربع ساعات مو نايمة .. وفيها النوم واتحك عيونها حاولت فيها بس تعبت ..

فخليت بنتي عندها .. شوي ادور عليهم مالقيتهم نزلت تحت والا القى بنتي نايمة ... والتلفزيون شغال على قناة غنائية ..

واليوم بعد نفس الشي .. قاعدة بنتي الساعة 12 الظهر والحين الساعة خمس ونص.. وتوها تنام.. ونامت على الاغاني!!!!!!!!!!!!!!!!!!!!!!!!!!

وقبلها بساعة كنت مشغلة فرآن على سورة البقرة .. عشان اتنام عليها بس مانامت ..

شسوي فيها ؟؟ مابيها تنام جذي!!

الله يخليها
انت اقراي عليها و حصنيها

حاولي تحطي لها اناشيد الاطفال الاسلاميه

او انشديلها انت


الله يصلحها ويرزق كل محروم

عوديها على الأناشيد وصدقيني لو إخترعت لها من تأليفك كلمات ولحنتيها فسوف تعلق في عقلها وتجري نحوك ولو من بعد ألف ميل والله تميزها

شغلي طول اليوم قناة العفاسي .. الصراحة و لدي عمره 12 شهر و ما شاء الله عليه يحب القناة وايد و لما يسمع يناااااااام على طول

ان شاء الله يارب.. اتمنى يكون السبب المكيف الي في الغرفه الي تحت ولا شي.. لان قلبي يتقطع لما اشوفها تنام على الاغاني

وبحاول انشد لها .. بنفسي ولا بسمعها اناشيد للاطفال نفس ماقترحتو

مشكورين يالغالين ..

أختي أم وداد أقرأي عليها المعوذات والكرسي ، أشبعيها لأن الجائع مايجيئه النوم ، هزيها بيديك وضعيها في حضنك ,وإن شاء الله تنام قريرة العين أما الموسيقى فلا تعودينها عليه لأنها مزامير الشياطين ، وفقك الله وأصلح لك زوجك ورده الله إليك وبارك الله لكما في بنتكما وداد0 ربما أبنتك تشتكي من مرض ما كأخراج الأنسان لأن خروج الاسنان تسبب للأطفال القلق وقلة النوم

الحمدلله توها قامت وشربت حليب نامت ..


ممكن تطلعلها اسنان بعمر اربع شهور؟ لانه يمكن السبب