صفات لاتعجبني في زوجي .. هل اطبق هذه الفكرة لكشفها له ؟؟
 

السلام عليكم ..

مرحباً بكم جميعاً ..
:17: :17: :17: :17: :17:
الموضوع باختصار فيه صفات أو خلني أقول حركاات مو عاجبتني بزوجي وماني عارفة كيف أقول له
وأحس من الصعب إني أصارحه فيها .. ..


ففكرت بطريقة ومترددة ..

سويت لي ايميل جديد . ..

قلت برسل له رسايل على ايميله كإنها من منتدى فيها نصايح للسعادة الزوجية او شي من هالقبيل
والنصايح موجهة للطرفين سواء كانوا زوجات او أزواج ..
ومن ضمن هذي النصايح أشياء حلوة فيه وأشياء حلوة مو فيه وأشياء خلنا نقول سيئة فيه وأشياء سيئة مش فيه ..
عشان الأشياء الحلوة اللي فيه إذا شافها راح ينتابه شعور لطيف والأشياء اللي مو فيه يحاول يسويها
والأشياء السيئة يحاول يعدلها ويصلحها ..


بكذا راح توصل له الفكرة بدون ما أنحرج وبدون ماهو ينحرج ..

ايش رايكم بهذي الفكرة .. ؟؟؟!!!

أطبقها ؟!! :25:


الإشراف : تم تعديل العنوان ليتناسب مع النص ..

والله حلوة... الله يسعدك ويوفقك

بس ماراح يبان ؟؟ والا ما يهمك

الله يوفقك

يا هلا ...

هنا المشكله اننا دائما نخشى المواجهه و المصراحه ...

تفوت سنوات طويله من اعمارنا و تضيع علينا فرص خاصه نحن المتزوجات بسبب خوفنا او خجلنا من مصراحة ازواجنا .. لكن انت ايتها الزوجه لو اخطأتي خطأ بسيط و غير مقصود يا ويلك من زوجك ..
لكن الزوج يعمل اللي يعمله من امور قد تضايقك و قد لا يقصد او لا يعلم انها تضايقك لكن انت ايتها الزوجه لا تستطيعين مواجهته .. لماذا الخوف لماذا الخجل ؟؟!!
خليك قويه وواجهيه .. لكن بكل هدوء و ادب .. جلسة المصارحه مهمه جدا .. انا طافت علي اكثر من عشر سنوات زواج ما كنت اقدر اواجه زوجي اخاف و اخجل .. ويظل يكرر نفس الشئ اللي يضايقني دون قصد منه او دون علم منه ان هذا الشئ يضايقني .. فهو لا يعلم الغيب ..
لكن تجرأت مره و مرتين و ثلاث .. ما اقول لك سهله .. في البدايه كانت المواجهه صعبه علي و عليه .. لان مو متعود مني هذا التصرف ... لكن بعدين قلبي صار قوي .. واي تصرف ما يعجبني يبدر من زوجي على طووول اواجهه بكل ادب و احترام .. و الحمد لله صارت حياتنا سمن على عسل وانا لي 22 سنه متزوجه

فكرتك حلوه لكن المصارحه وجهها لوجه احلى .. لكن تحتاج الي قلب قوي .. و خليك قويه و اي تصرف ما يعجبك في زوجك واجهيه في وقته دون تأجيل .. لان التأجيل يفقد النصيحه قيمتها .. المثل يقول لا فات الفوت ما ينفع الصوت ..

و آسفه على الاطاله ..

وربي يسعدك ...

اختك أميرات ..

الفكره حلوه وفريده من نوعها بس وش يضملك انه يقراها 00 لأني اشوف زوجي مايقرأ هالمواضيع

اهم شي الرسايل اللي من البنوك اوغيره

فكرة جدا رائعة بس أهم شي ماتكوني لمحتي أو تكلمتي من قبل بالموضوع .......

الله يوفقك ويسعدك ............. أختك براود .................

طريقة رائعة و لاكن شو يضمنك انك يقرا الإيميل

الله يعينك بس يمكن ما يقرأ الايميل

وش رأ يك تكتبين له رساله حلوه ويكون فيها كل الي تبين منه مع هدبة بسيطة ترى الصراحة بين الزوجين مطلوبة

والله يسعدك دنيا واخره ويحقق ما تتمني

انا من رايي جربي طريقتك هذي اول مانتي خسرانه شي
اذا ما لاحظتي اية تغيير منه خلاص واجهيه وصارحيه

بس اول جربي طريقتك يمكن هي اللي تنفع
والله اعلم