|
أختي وأنا في حيرة ...ساعدونا
السلام عليكم ورحمة الله
شقيقتي الصغرى (19) سنة تقدم لها شاب ملتزم + خلووق + من عائلة كلها طيبة وأخلاق وأمه زي العسل.. تقدم لها من حوالي 9 أشهر مشكلة هذا الشاب ان باقي له سنة على التخرج من كلية اعداد المعلمين.. والمشكلة الاكبر ان اخواني طول المدة هذه ..مطنشينه وما اعطوه رأي صريح وواضح :29: :29: أبو الخاطب دق على اخوي الكبير عشان يتفاهم معه ويحسم الموضوع..بس اخوي الكبير قال له ( انه مشغول وبيدق عليه مرة ثانية ) ابو الخاطب انتظر وانتظر ولا احد كلم...المهم ارسلت لي اخته رسالة تقول ان اخوها وابوها منتظرين مكالمته وما رح يدقوا مرة ثانية لآنهم استحوا مرررررررة.. انا اختي موافقة على الشاب هذا..بس اخوي الكبير ..شكله مو مقتنع..وراسه يابس واذا زعل ..زعله كايد..واختي خايفة من زعله ..ما تبغى تتزوج وهو زعلان عليها.. اخوي قال ..يمكن ما يتوظف ..الوظائف هالايام قليلة ( وثاني شيء ان الشاب هذا كان ضحية مع اصدقاء السوء في قضية ماء قبــــل 8 سنوات تقريبا وسجن بناء عليها كم شهر ..) طبعا الحين الشاب هذا عمره 26 وقد تاب إلى الله واطلق لحيته و قصر ثوبه من يوم السجن ..وصار امام مسجد..ونحسبه على خيرر إن شاء الله المشكلــــــــــــــــــــــــــة العوييييييييييييييييييييصة:30: كيف نقنع اخوي الكبير ..انا كلمت قبل شوي اخوي الثاني ..وقال ان اخونا الكبير اذا زعل زعل واذا حقد حقد..وقال ما رح يوافق لآن اصلا الشاب هذا يمكن ما يتوظف (( طبعا لو وافقوا وتمت الخطبة فستكون الملكة في بداية الترم الدراسي الثاني وسيكون الزواج في نهاية السنة الدراسية القادمة ) تكفوووووووووون كيف اقنع اخواني خااصة الكبير انا ارحم اختي لآنها اخر العنقود ابوي توفى وامي حامل فيها..و حالتها النفسية في تدهور ...بسبب خصام امي المستمر لها ..وامي مسكينة معذورة عندها سكر وضغط.. بس دايم تعير اختي تقول انتي اصلا مين بيتزوجك..ما حد متحملك..وش اسوي اذا تبغي تتزوجي؟؟ مع ان اختي من النوع القنوع..ولا تقول لأمي ان ودها تتزوج....بس اختي اعجبها هذاك ونحن اخواتها ايضا لآنه ملتزم و خلوق ..وقليل في مثل صفاته هالايام محتاجينكم ..تكفوووووووووون ساعدونا والمرء قليل بنفسه كثيييييير باخوانه السلام عليكم |
شوفي حبيبتي
مااعرف ايش اقولك .. لاني مشكلتي مقاربه لمشكلتك لان ابويا هو اللي يتحكم بالعرسان المتقدمين ومااقدر اقول رأي او ابدي موافقتي وا اعتراض .. لكن عندك عمك كلميه واقنعوه .. وخلي اخواتك المتزوجين او اخوانك يقنعوه خاصة اذا متأكدين اذا الولد تمام لانه من كلامك عنه يخوف بصراحه .. لكنه تاب كلمي كبير العيله خالك او عمك .. وصلو الاستخاره .. واللي فيه الخير ربي يقدمه الله ييسير امركم يارب |
للأسف هذا المجتمع في ضياع والسبب هو الجهل والتفكير في الماديات
وفي هذا الزمن أصبحت الماديات أهم من الدين والخلق كلمي عمك أو خالك أو أجتمعوا جميعا عليه وخبروه أو قولي لجدك إذا عندكم جد أو قولوا لأي شخص يسمع كلامه أو يتأثر به أخوكي وأمك ألا تستطيع أن تؤثر على أخوكي وهل هي موافقه على هذا الزواج أم لا وبالتوفيق إن شاء الله آمين تحاتي |
أختي الفاضله /
ملتزم وخلوق وإمام مسجد .. بعد وش تبون .. لا فيه أحد ملائك لم يخطأ .. لكن أخوك مزاجي والله أعلم والوظيفه ليست هي الحياة .. أسمعي ماذا يقول رسول الله (قال رسول الله صلى الله عليه وسلم: إذا جاءكم من ترضون أمانته وخلقه فأنكحوه كائناً من كان، فإن لا تفعلوا تكن فتنة في الأرض وفساد كبير، أو قا ل: عريض.). فخلي أمك تقنعه وبعدين هذا في آخر سنه من كلية المعلمين ومستقبله حلو بإذن الله وأخوك ما يعلم الغيب والله قادر على كل شيء .. ولو يجيني هذا النوع زوجته .. |
آآآآآآآآآآآآآآآآه والله ما بيدي حيلة
انا انا ابغاااااه يتزوجاه وهي كمان تبغااااااااه خاصة انه ملتزم بس اخوي الكبير ..مشكلته الوظيفة يقول يمكن ما يتوظف..عشان سابقته..مع انه تاااااااااااااب توبة نصوح على حد علمي واحنا لا عندنا لا عم ولا خال ولا اجداد (اجدادي لكهم توفوا الله يرحمهم جميييييييييعا ) كيف اقنع اخووووووووووي؟؟ كيييييييييييف؟؟؟ ياااااااااااااااااااارب فرجك لآختي الحبيبة |
يعني ما هو الكلام اللي اقوله لآخواني عشان يقتنع اللي مو مقتنع؟؟
معلييييييييييش احس راسي مقفل و خايفة يطير هالشاب النادر ( ما شاء الله) اخواني مشكلتهم اللي مطفشينا فيها انه يمكن ما يتوظف عشان الوظائف صعبة ثم عشان السابقة مع انه تاب توبة نصوح ونحسبه على على خير والله حسيبه بانتظااااااااااااركم |
أولا ياأختي والله أنا أنصحكم إذا الولد طيب وأخلاقه تمام ليش تضيعونه واللحين بالله وين تلاقين الشباب في مثل هذه الصفات الا من رحم ربي .. حاولي تقنعيه وتقولين له إنه هي إستخارت ومرتاحه له ودام هي تبغاه خلاص هي اللي تبي تعيش معه وإذا مررره مصمم على الرفض حاولي تكلمين أعمامك ويدخلون في الموضوعـ لانه حرام تضيعون عليها فرصه الزواج من شخص هي تبغاه وموافقه عليه .. الله يهديهم هم دايم الاخوان الكبار لابد يعكروا الخطبه أنا أخوي الكبير سوا معي نفس حاله أختك مرره كان مو موافق بس الوالد فهممه إنه هذا طريق حياتي وهي دايم مرتاحه له خلاص هذا هو طريق حياتها وأنا أشوف إنه الانسان لايدقق على الاشياء الماديه والله أهم شي صلاته وأخلاقه أما الوظيفه بتروح وتجي .. أسأل الله عزوجل التوفيق لها ولجميع المسلمين لما يحبه الله ويرضاه .. |
الحمد لله استعفتيني ببعض الكلمات اشكرك اختي
بانتظااااااااااااااااااركم ساعدونا والله اني في حالة احس اخواني يقولوا ان سبب موافقة ...على الشاب هي غلا والمشكلة ان اخوي الكبير له كلمة بالبيت ساااااااااااااااااااعدونا الله يفرج عنكم |
اختي الفاضلة
كيف امام مســجد ولم يتوظف؟ الذي اعرفه ان امام المسجد يتقاضى مرتباً. وبالنسبة للـوظيفة فأعتقد وهذا الحاصل ان كثير من الرجال عندما يرتبط بفتاة يبذل كل جهده للحصول على عمل ولا ارى هناك مانع من تزويجه خصوصا انه على خلق ودين واخوك الكبير لعلك تواجهينه انتي او تواجهين اخوانك الاصغر منه وتطلبي منهم يوقفوا معك من اجل مستقبل اختكم |
يااختي الله يفرجها عليكم .. اعرف احساسك .. ماتبغو الولد يطير منكم خاصة وانه رجل نادر ماشاءالله
حاولي تكلميه بالهداوة .. او خلي احد له كلمة على اخوكي يقنعه .. واذا متزوج خليه زوجته تكلمه .. او خليه العريس او ابوه يكلموه .. يعني ياخذه بالكلام الحلو .. الله ييسر امركم .. |
| الساعة الآن 08:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©