السلام عليكم ورحمة الله وبركاتة

اخوتى هذة اول مرة اضع موضوع على الرغم من وجودى معكم من مدة كبيرة ولكن ترانى لم اعرف الكتابة عن مشاعرى جيدا ولكن تشجعت وكتبت لانى تعبانة قوى قوى ارجوا ان اجد من يساندى من يدعوا لى ...

انا فتاة فى 28 من عمرى الحمد لله والشكر لله من عائلة معروفة فى بلدنا خطبت اربع مرات اول واحد اخوتى لم يسألوا علية جيدا وكان سئ ولله الحمد تم فسخ الخطبة
والثانى الحق يقال كان طيب ولكن كان من الناس اللى يقال عليهم لا يستطيع التصرف ابدا كل اعتمادة على ابية وامة كل كلام يقولة لامة لدرجة انة قال لاختى وزوجها لايوجد عندنا اسرار الا حجرة النوم هذا الكلام طبعا بعد ماواقت علية ولكنى صليت استخارة ولم استرح لهم وحاول اهلى بشتى الطرق لكى اواقف علية وبالفعل وافقت ولكن دائما كان امامى انى صليت استخارة وشفت عدة رؤى وحشة وانى عصيت ربنا فى انى ازاى استخير ربنا واطلب منة الخير وافعل عكس ذلك هذة ناحية اما بعد الخطبة فمن خلال كلامى معة علمت ان والدة اخذ حق اخوتة فى الشركة ولم يعطيهم الا اقل لالقليل من حقهم وهو شغلة مع والدة يعنى فى فى مالة شبهة حرام وهذا مالا ارضاة ابدا دى من ناحية الناحية التانية انى دقت ظلم ان انسان يأخذ مال انسان بالباطل لان عمى اخذ مال ابى بعد موتة وقرات كثيرا عن اكل مال اليتيم والوعيد الذى ينتظرة....فقررت ان اتركة وطبعا هذا لم يرحمنى من الكلام وخاصة والدتة

الثالث كان قريب للثانى ولكن من بعيد واول ما خطبنى استغرب انى اترك قريبة هذا ليس لشئ ولكن لانة ذا مال المهم هو كان فى بداية حياتة واهلى راعوا هذا النقطة جدا معاة ولكنة كان كثير الكذب لم يحفظ وعد قط هل تتخيلوا انة اوقع بينى وبين اهلة لكى لا يحضر لى هدايا لان مغترب وكذب على اهلى وقال لهم انة اقترض مال لكى يتم الزواج وعند سؤال والدة يقول لا هو لم يقترض عذبنى بكذبة يبين لاهلى انة لا يوجد معة فلوس لكى يؤجل ويذهب للناس ويوحى لهم انة مع كل اللى بيعملة فية انا متمسكة انا بصراحة كنت بقول يمكن بعد الجواز يتغير لكن لما نزل الاجازة بتعتة عرفت كل حاجة لانة كان بيتكلم وكلامة فهمنى كتير
وكان يتأخر علية بالشهر لايتحدث معي عشان انا اتصل
بس اللى لم أستطع أن افهمة لهذا الوقت فية قريب لة كان هيتزوج فى نفس الوقت اللى كان احنا هنتزوج
فية كان دايما يقولى قريبى بيكلم خطبتة كتير قريبى جاب لها قريبى عمالها حاجات كتير حماة قالة يجيب كذا وجابة قريبى دة دفع فلوس كتير ما انا كان ممكن اقولة انا كمان عايزك تعاملنى زيها وكان ممكن اهلى يعملوا معاة زى ما حما قريبة عمل معاة.....هو اجل الزواج كذا مرة وفى المرة الاخيرة والدة بيتكلم بطريقة وحشة اخواتى قالوا لة المعاد اللى اتفقنا علية ودة اخر كلام وطبعا لم يفي بوعده والموضوع خلص

الرابع هو صاحب اخى ودخل البيت واتفقوا ووالدة جت وخلاص وبعد الاتفاق رجع فى كلامة
وطبعا الموضوع انتهى

والحمد لله
لكن انا فى سلتى اربع تجارب فاشلة وعمرى 28 وخوف وترقب دائما كنت احب الامل ولكن انا تعابنة قوى
عمرى مشى اشياء سببت لى من الرواسب ما يعلم بها الا الله ونظرات من الناس وكلام وكمان ابقيت مرعوبة اول ما يجى سيرة عريس جاى .......د
ماما زعلانة قوى شايفة كل اللى حوالية واللى اصغر منى تزوجوا وانا ادخل خطوبة وتفشل غير الكلام اللى قرايب بيقولوة وانا مش عارفة اقولها اية


المشكلة ان أحياناً الشيطان كمان يمسكنى شوية على خطيبى الثانى والثالث وافكر فيهم واندم لية ماحاولت اكمل انا عارفة ان دة كله من الشيطان لكن العمر والوقت والكلام والنظرات


فهل اجد من يساندى وانا فى هذة الحالة ؟؟
انا عارفة ان كلامى غير مرتب سامحونى