|
قصة من واقع تجربه مريرة.....؟؟؟
[CENTER]السلام عليكم[/CENTER]
انا حابه اقول لكم تجربتي المريرة والي مضى عليها اكثر من 7 سنوات .كنت متزوجه من شخص وبفترة الخطوبه صار بيننا حب عجيب واستمر لبعد الزواج الا ان عدم توفر بيت لنا كان سبب المشاكل لان اهله كانو يضايقوني باستمرار المهم اثمر زواجنا طفل بعد 6 شهور بصراحه كنت احبه وحابه حياتي معاه وكنت اروح بيت اهلي كثير لاني مو حاسة باستقلاليه واكون زعلانه من اهله مو منه.... المهم بيوم كنت بالبيت وكان ولدي معاي وعمرة وقتها 9 شهور وكانو اهلو مو موجودين......... المهم دخل من خارج البيت وناداني وكانت عيونه كلها شر واضح وطلب مني الولد وعطيته ورحت الغرفة الثانية ماعلى بالي............. المهم قام اخذ الولد واعطى الشغالة وارسلها مع السواق لبيت اخته؟؟؟؟؟؟؟؟؟ وناداني مرة ثانية بغرفة النوم ولما جلست معاه حصل بيننا نقاش ((ويشهد الله اني عمري مارفعت عليه صوتي ابد))) .لكن هو كان في حالة غير طبيعية ويسبني ويستفزني وقام وضربني( لاول مرة في حياتي احد يضربني).......... وكان يضربني ببشاعة وقسوة وكاني قتلت ابوة ....وكان حاقد علي وطلقني ........ عاد انا كنت اصرخ وابكي ومصدومه ايش صار ؟؟؟؟؟ وطلعت من الغرفة ادور على ابني مالقيته؟؟؟ وصرت زي المجنونه مو عارفه وين ابني واسالة مايجاوب .................. عاد اتصلت باخوة الكبير وباهلي ولما تجمعو قلت لهم :ماابي منه شي غير ولدي وخلاص الحياة لحد هنا وانتهت .وقام يبرر لاخوه فعلته وقال: انها خرجت مع السواق بدون علمه ...............المهم انا عاد طلعت ادور ولدي لانو صغير توقعت انه طاح باي مكان بوقت المشكلة؟؟؟ ورحت ادور فوق وتحت والعن اليوم الي عرفت هالناس فيه .......وقلت يمكن بغرفة السائق ويوم طلعت مالقيت السائق ولا الشغالة عرفت انه هو الي عطاهم الولد وابعده عني ....... .عاد اخوة الكبير مسكين حاول يهدي الامور وطلب من اهلي لايكبرون الموضوع وانه مسؤل يجيب ولدي واغراضي اليوم الثاني ..وبقيت عند اهلي اسبوعين ولاحس ولاخبر..... وانا كل ليلة ابكي ونفسيتي تعبانه واحيان اكابر قدام اهلي واحاول انسى...... المهم سافرت عقب اسبوعين ويا اهلي خارج المملكة وفعلا نسيت شوي وتعدلت نفسيتي وكان اخوة يتصل فينا كل يوم ........ .وبعد مار دينا عقب شهر ونص قدمت على المحكمة ابي طلاقي وابي طفلي ..والمفاجاءة الي صعقتني ..................... انه من ثاني يوم من المشكلة الي حصلت راح للمحكمة وثق الطلاق........ ولا كاني عشت معاه يوم ولابيننا طفل وكانه تزوجني بس علشان ينتقم مني ....... وفي المحكمة اعطوني موعد وتقابلت انا وياه واخوي .......................وكان شخص شرير ماادري شلون حبيته وانغشيت فيه قاله الشيخ لا زم تتراجعون وتصلحون بس هو رفض بشدة وحطمني ماصدقت لاني توقعت ان الي حصل كان بلحظة غضب................... الاانني تفاجات بتلك القسوة والكراهية المهم بالنسبة للولد حكم القاضي بحضانته لي واني اسمح له يزورة بالشهر مرة واحدة ....................وطلعنا من المحكمة وانا مااشوف الطريق من الدموع ماتوقعت ان الشخص الي حبيته سنه كاملة فترة الخطوبه وسنتين زواج ضاعت بلحظة ... المهم انتظرت يجيب طفلي الا انه طول وماجابه وفي يوم اتصل على البيت ورديت علية ((وكانه ماسوى شي )))........... (بعدين قال لي اطلبي اي مبلغ تبينة باعطيك الاولدي ماراح اعطيك ابدا ؟؟؟؟؟؟؟؟واشتد النقاش بينناوقلت له اني راح اخذ ولد ي بالرضا او بالغصب) وسكرت التلفون وانا ابكي ..... وبعدها كنت عارفة انه انسان عنيد وشراني لانه قال لو اخذتي ولدي والله اخطفه منك واطالبك انتي واهلك تجيبوة ..... في هالوقت كانوا اهلي متعاطفين معاي وقالوا لازم نجيب الولد باي طريقة قلت لهم خلاص الفترة الحساسة من علاقتي بولدي عدت وهذا انسان شراني اتركو الموضوع واسال الله ان يعوضني .... و استمريت ادعي بكل وقت ان الله يصبرني ويعوضني خير (((وسبحااااااااااااااااااان الله )))) توظفت في نفس السنه وظيفة مرموقة ............وماكملت سنة الاوجاني رجال عاقل وطيب وحالة طيب ولة مكانة بالمجتمع وتزوجته وكان نعم الزوج ويحبني ...............وماكملت شهر الا وانا حامل ومعاي ولد يفتح النفس وصار عندي بيت كبييييييييييير لوحدي ........وسيارة خاصة بي .........وشغالة ....وحياتي تعدلت وربي عوضني ونساني الي صار........................ وبالنسبة(لولدي الاول) يروح لاهلي من فترة لفترة واروح اشوفه بس سبحان الله مافية اي عاطفة بيني وبينه بس مجرد انا اعطف علية ومايعرفني ولايعرف اهلي الا بالاسماء بس ............ واللحين عمرة سبع سنين يجي يلعب مع ولدي الثاني ومع عيال اختي ويرجع لهم........ وبالنسبة لابوة تزوج مرتين وماربي وفقة .......ومااقول الا حسبي الله ونعم الوكيل...والله يصلح اولادي . |
سبحان الله
كيف تغير زوجك الأول بدون سبب؟؟ هل كان في احد مغيره عليك أو هو هذا طبعه وكان مخفيه ؟؟؟!!! غريبه!! لكن الحمدلله ربي عوضك خير لكن خليك حنونه مع ولدك منه لأنه ماله ذنب باللي حصل مهما حسيتي انه بردت العاطفه بينكم الله يصلح لك اولادك ويهديهم |
اقتباس:
هذي أكبر مساوئ الطلاق تنعكس سلباً على الأطفال قبل الكبار.. اختي حرام مهما صار هو ولدك ويمكن ماينفعك إذا كبرتي إلا هو ومهما صار بينك وبين أبوه الطفل ماله ذنب حاولي تتقربين له وتشعرينه بحبك وحنانك.. |
لا حول و لاقوة إلابالله
الحمد لله ان الله تعالى عوضك اختاه صراحة قصة مؤثرة و محزنة ..خاصة ما حدث لك على يد الأول حسبي الله على من يحرم رضيع من امه ... اسعدك الله و اولادك في الدارين اوصيك اختي بابنك الأول , فأنت لا تدرين المصاعب النفسية التي سيواجهها بسبب ابتعادك عنه حاولي ان تقضي أجمل الأوقات معه بالذات و ان تعوضيه خلالها عن الايام التي لا تكوني فيها معه حفظك المولى |
|
صراحة اكثر ما احزنني هي كلماتك هاي
سبحان الله مافية اي عاطفة بيني وبينه بس مجرد انا اعطف علية ماتصورت ام تقول هيك الله يحنن قلبك على ولدك ام وليد |
قهرتني من قلتي ما في اي عاطفة بينك و بين ولدك
يااه الهدرجة مافي حنية و امبين انج تحبين ولدج الثاني اكثر حبيبتي تراه لا تنسين ولدج الاول احضنيه هو محتاج لج |
وفقك الله في حياتك الجديدة
وبالنسبة(لولدي الاول) يروح لاهلي من فترة لفترة واروح اشوفه بس سبحان الله مافية اي عاطفة بيني وبينه بس مجرد انا اعطف علية ومايعرفني ولايعرف اهلي الا بالاسماء بس ............ قد يكون لزوجك و اهله دور في هذا الأمر عموما كلما كبر ابنك سيعرف الحقيقة ويعود إليكي كيف تقوي الرابطة بينك وبين طفلك ؟ اكثري من الهدايا و الفسح |
ان شاء الله قلبك ما يعرف الا السعاده بس حسيت انك انسانه طيبه
بس حبي ولدك عشان هو يحبك كمان |
وعليكم السلام ورحمة الله وبركاته
اختي الكريمه نصيحة اخ صدقيني ابنك من طليقك محتاجك كثير اقدقيه بالحنان واعطيه من وقتك صدقيني اخيتي ان سبب انحراف الاطفال في سن البلوق سببه الاهل فنصيحة اخ اعطيه الحنان ولا تبيني كأنك مالك علاقه هذا السن سبع سنوات بداية استيعاب اختي وربي راح ينور دربك ان شاء الله بووركتم |
| الساعة الآن 08:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©