امر بحالة عصبية ......وراضيتها
 

انا ولد امر بحاله عصبيه
وعلى اتفه شي اعصب
بسبب اهل زوجتي
تغيير رايهم في رفض زواجي رمضان

المهم من يومين ذهبت مع زوجتي الى السوق تشتري لها ملابس
"من فلوس المهر"

تقضي اغراض الزواج

المهم اخذت لها فستان جميل جدا جدا
اعجبني واعجبها
بعد ما اشترته نفس صاحب المحل يزبط المقاسات
زبط المقاس
واخذت الفستان الى بيتهم
بعد يومين اهلها ردو عليها الفستان مو حلو
اتصلت الى تبي ترجع الفستان
انا اول شي رفضت لانها تفعل لي احراجات مع المحلات وليس اول مره
وتنرفزت وعصبت واغلقت الهاتف

بعدها بنصف ساعه اتصلت لها ورجعت معاها المحل و مع الاحراجات رجع الفستان
وراضيتها بان تاخذ لها هدايا من عندي
فاشتريت لها مكياج وعطورات
ردت فعلها تقول قبل اشوي كنت معصب والحين اني اختار الهداي بنفسي:26:

فهل تصرفي صح ام غلط؟
وهل تصرفها صح ام غلط؟

أولا أنا أعزب
لكن لو كنت مكانك ممكن أحاول أقسو عليها اشوي
بس أنت الظاهر زفافك في شهر 12 أجل الله يعينك أصبر عليها حتى بعد الزفاف بشهر وبعدها حط النقط فوق الحروف

بداية لاتكبر الموضوع لانه مايستاهل عارف ليش

لان كثير من النساء كذاويمكن اغلبهم مترددات يشترون شيء وبعدين يرجعونه فهذا الشيء حتتعود عليه ..

ولكن بما انك ماتحب هالامور ممكن تتفق معها سالفاً على هالامور وتزبط وضعك معها وتعلمها طبعك ..

وبعدين لاتقيس كل تصرف بينك وبينها بصح او خطأ لانك كذا راح تتعب في حياتك الحياه فيها شوي تنازلات وخاصه في هالمور اللي ماتستاهل غير شويه توضيح وتعليم في الطباع والعادات لان اول سنه دائم يكون فيها اختلاف في هالشيء ومع الحكمه والتروي والتعليم تزبط الامور ((( خليك انت استاذ ومعلم لها في كل شيء ))) ..

أنا بنت وسأحاول أحط نفسي مكانها
يمكن أنها ليس عندها ثقة في نفسها أو أنها متؤثرة كثيرا بعائلتها المهم كما قال لك أحد الأعضاء اصبر عليها لكن المهم والأهم انك لا تستهين بهذه القضية فإذا كانت تسمع كلام عائلتها وتغيب عقلها فسيبقى الحال حتى بعد الزواج وخصوصا إذا كانت تحكي لأمها المسر والمضر فأحيانا الأم تفسد على بنتها حياتها من غير قصدها حاول ان تناقشها في الموضوع وشوف شنو رأيها وإذا ارادت تبديل ما اشتريته لها حاول ان تسألها عن السبب ومن ثم ناقشها في الموضوع إذا قالت ماعجبهم في البيت

تسلمو على ردودكم ومروكم
وتعاطفكم معي
انا يمكن قسيت عليها بس احاول ارضيها في اي شي
والمشكله ادا رضيتها اليوم وبكره اخاف تتعود على الشي

وجزاكم الله الف خير على كل كلمه قلتوها

اخويه كلام اخواني صح

اصبر عليها وحاول توضحلها انه تنحرج لما ترجعون الاغراض وكذا

بعد بينلها انه ما ينفع كل شوي رايحين السوق وجايين من السوق خصوصا هالاسواق تجيب ضيقة الخلق والبال

يعني باسلوب حلو فهمها هالامور وحاول تبنلها انك تحبها تلبس الاشيا اللي هي تختارها بنفسها بدون ما تاخذ راي ام او اخت يعني عاجبك حيل ذوقها من هالامور

وبعد الزواج اصلا هيه من نفسها راح تحس انه هالامور تافهه وفي اشيا كثيره تحاتيها اكبر من مسألة فستان وشنطة


وربي يوفقكم ويجمع بينكم

تسلمون اخواني واخواتي
على تفاعلكم ومروكم معاي
وجزاكم الله الف خير


المشكله ان زوجتي اكثر الاوقات تاخذ رايي في الاشياء الى تعجبها واقول لها والله ذوقك حلو واذا لبستيه تكوني احله
والبس مو حلو بدونك انتي الي تحليها

بس ادا اشترت الشي اهلها يحطموها ويقولو له مو حلو تتنرفز وتعصب وتقولي رجعة مو عاجبني ولا عاجب اهلي
يبنت الناس في السوق عاجبك وعاجبني وفي البس تكوني احله به
والحين موعاجبك
ماعليك من اهلك اهلك يبون يحطموك بالعكس ذوقك احل من اهلك بس ما فيه فايدة تصر لا زم ارجعه
يبت الناس بعدين في البيت بتقولين الى اهلك تعالو اخذو لي فرشه بعد
تقول لا
اخذنا الفرشه حق النوم والصبغ حق البيت معتق على كيفها
اهلها شافوه بدو بتحطيم هذا مو معتق "هذا شبه معتق"!!!!!!!!!!!
طلع على راسي علامة اتعجب كبيره ابي اضحك مو عارف
اقول في بالي كيف شبه معتق هذا يمكن بيهم معتق صبغ ابيض والاوساخ في كل زاويه مبقع ؟
ولما رجعو بتهم كلمة زوجتي على شبه المعتق قلت لها اكيد امصدقه اهلك نغير الصبغ بعد
ردت علي صبغ غرفة النوم غيرة
من القهر
رديت عليها بشرط اصبغا ابيض مثل بيتكم واجيب اخوني الصغار يلعبو بلالوان فيه ويطلع تعتيق 100%

ردت قالت ليش منقهر ومعصب قلت لها هذا انتي الى خترتيه وبتعيشين فيه
واهلك مالهم شغل في بيتي وحمدي ربك واهلك ما لهم شغل في ذوق وذوقك


واسف طولت عليكم بقصة حياتي
ويش اسوي ماعندي احد افضفض له الزوجة واكثر الاوقات براي اهلها

يمكن البنات بيستغربون ردّي لأني ماراح أوقف بصفّهم هالمرة !!

بس معليش الحق حق !!

ياأخي أنا في أوّل جلسة لي مع زوجي قالّي: أحب تكون لنا حياتنا الخاصة، ماأحبّذ إن الأهل يدخلون بيننا ..

عرفت أسلوب زوجي وفهمته وماعطيت أهلي أي مجال إنهم يدخلون في حياتي الخاصة !!!

أنت لاااازم تفهّم زوجتك إنك ماتقبل تدخل أهلها أبداااااا ..

وخلك حازم معها مو بس كلام ! يعني بالسوق إذا شرت شي اسألها إذا متأكدة إنه عاجبها وقل: ترى ماراح يترجع حتى لو ماأعجب أهلك! هذا فستانك لك أنتِ مو لأهلك !!! وأكد لها إنك ماراح ترجعه ..

ولو كلمتك وقالت برجعه، قل: لأ !! وحتى لو زعلت مردّها ترجع وتعرف طبعك ..

وبالنسبة للبيت، إذا جابت طاريه مرة ثانية قل: من بيسكن فيه؟؟ احنا ولاأهلك ؟؟؟؟
إذا قالت يهمني رايهم، قل: أنتِ اللي مختارته ..
وبيّن إنك منزعج وماتقبل النقاش في هالموضوع أبدااا ...

لاااااازم تحزم معها ترى التساهل في هالموضوع مو من صالحك !!!
أهلها يتدخلون اليوم في فستان وبوية غرفة بكرة يتدخلون في مشاكلكم ولايخلونكم في حالكم !!!

كلام جنة الدنيا صحيح