اطلق او اصبر؟؟
 

السلام عليكم ورحمة الله وبركاته

انا شاب ابلغ من العمر 22 عاما

ومشكلتي اني خاطب وحياتي جحيم مع خطيبتي

طبعا كنا نحب بعض والله وفقني وتقدمت ليها وخطبتها من اهلها

والله وعشت معاها في الاسابيع الاولى احلى ايامي لاكن للاسف

البنت صارت وحش كاسر وكرهتها من تصرفاتها الحمقاء

اولا تعيش في شي اسمه اللامبالاة ما تهتم من اي شي

ولا تسمع الكلام اصلا ولا عندها غيره علي همها تلفونها ومكياجها

صدقوني ثيابي وسخين وهي ولا على بالها تجي امي وتغسل لثياب

افشلها جم مره لاكن للاسف مثل ما قلت لكم عندها كلمتين كيفي ومو شغلك

ههههههههههههه هددتها بالانفصال اذا ما تغير من تصرفاتها لاكن للاسف

ترد علي وتقول (( ما اخاف والي بتسويه سوى)) هههههههه مليت من الحياه

كرهت حياتي منها والله العظيم ما قصرت معاها في شي

فلوس وعطيتها حنان وعطف تحلم به كل بنت لاكن ما تستاهل

تخيلو اجي بحضنها تقول لي بكل وقاحه تباعد عني !!!! ههههههههه

اريد افهم من اي نوع هذي من البشر

صارحتها وااااااااايد وقلت لها اذا ما تحبيني قولي واذا ندمتين ارطباتش بي قولي

لاكن للاسف الصمت سيد الموقف

انا الحين اشك فيها وناوي اطلق وافتك منها لاكن اتذكر ايامنا مع بعض وهي صج كانت تحبني وما قصرت وياي

لاكن ويش الي غيرها جدي ما ادري؟؟
وهي صغيره في السن يعني عمرها 17 وانا خايف اطلقها وتضيع بعدين وتنجرف

ياجماعه ارشدوني

وشكرا لكم

بسم الله الرحمن الرحيم

اخي عابر النهر ,,
اعانك الله على مصيبتك ونسال الله ان يكتبها في ميزان حسناتك ,

من رايي ,, ان تصارحها وتستخرج الاجابه منها حتى ان سكتت لا تستجيب لها وتنهي الحوار .. الحح عليها وغير من طريقة السوال واطرح اجوبه اذا استمر السكوت حتى تجد الاجابه ,, قد يفيدك معرفة السبب كثيرا

وان كانت اسباب غير مقتنع بها وترى انها مصره عليها او رايت ان الطلاق هو الحل .. انصحك ان تحكم من اهلها ومن اهلك من هم من ذوي الحكمه والراي السديد

تحياتي ,,

الله يعيينك
 

[FONT=Arial Black]ااخوي الله يعيينك على بلواااااك الصراحة صج مشكلة بس اعتقد السبب هو صغر السن و انها تفاجئت بمسؤولية الزواج لانهاا كانت تحب قبل وعايشة الرومنسية بدون قيود ولماا شافت الزواج انه مو كلة وناسة وحب و طلعات هم بعد في واجبات لازم تساويها ملت و رفضت هالواقع ... بس هم مو بكيفها لازم تكلم امها لانها اهيا الويدة اللي تقدر تقنعها و قوول لنا النتيجة ..... و موفق انشاء الله

مرحبا اخوي ...

نصيحتي لك انك تطلقها قبل ليصير بينكم اولاد بعدين ..اذا هب الحين تحس نفسها قوية قدامك ومالك حكم ولا تأثير عليها ..اجل كيف بعدين لما يربطكم الاولاد ؟؟؟؟

طلقها ..بالذات ان سنها صغيرة وممكن تلقى واحد غير وهي بالسن هاذي ..والله المستعان

حاول الوصول للسبب أولاً بعدين تقدر تحل مشكلتك .




صارحها وأعطها الامان ممكن تحل مشكلتكم .







و الله يعينك ويوفق بينكم .

يا اخ عابر النهر
مشكلة زوجتك انها سمعت كلام الحريم اللي يقولون لها لاتعطينه وجه وادلعي عليه ولا توضحين حبك له بعدين يشوف نفسه
لان هالشي كلللل البنات يسمعونه من الحريم ويصدقونه وهذي اكبر مشكله
وانت ماعليك الا انك تمسكها وتتناقشون بالموضوع وقل لها وش بك علي مو انتي تحبيني؟
بس لا تتبع معاها اسلوب القوه لانه ماينفع والبنت صغيره كذا بتعاندك وماراح تجيب فايده
تمنياتي بحياه سعيده

السلام عليكم اخي الكريم انصحك بعدم الاستعجال في الطلاق اول شي انتا شوف صغر سنها والظاهر انه زي ما زكرت الاخت ايلاف انها سمعت كلام الحريم وخلوها بهاالطريقه حاول انك تكلمها وتفهم منها ايش الي صار ايش الي غيرها لاكن باسلوب جدي شوي وفي نفس الوقت بعيد عن التعصب والعنف ولو ما شفت نتيجه وديها عند اهلها وفهمهم ايش الي صاير بينكم وكلمهم على تصرفات بنتهم وهددها بالطلاق امامهم وخلها كم يوم عندهم اما عاد لو ما شفت نتيجه بعد هذا كله الله يعينك مالك غير الحل الي انتا ذكرته والله يصبرك وتقبل تحيــــــــــــــــــــــــــاتـــــــــــي

اخى الفاضل زوجتك صغيره ولاتعرف مسؤلية الزواج,,,لاتستعجل بالطلاق فهو ليس الحل.
خاصة وانت بنفسك قلت انها كانت زينه معك فى الماضى,حاول ان تتحدث معها بان
تصرفاتها لا ترضيك ,وأدخل احد من اسرتها له تأثير عليها, واذا بلغ الامر اشده ولم
ينفع معها شى,اهجرها بالفراش ,قديدفعها شوقها لك بالندم والتغيير لأرضائك......
والله يسخرها لك.....

اخوي عابر النهر اسمع اخذ مرتك ودها لاهلها وقلها ارتاحي عند اهلك الين تتعلمين الحياه الزوجيه وتحترمين زوجك 0 واذا تعلمتي بيتك وزوجك منتضرينك وعلم ابوها لان البنت ممكن تخاف من ابوها ولا تخاف من امها . ... والله يعينك وشكرا............................................. .....

يا خوي البنت توها صغيرة أصبر معاها شوي
أبعد عنها الهاتف و أهجرها بالكلام والفراش وبين لها أنك زعلان منها
وإذا ما نفع معاها أرسلها لاهلها وعلم امها لتنصحها ووفقك الرحمن في ترويضها
وأخبرنا بالنتيجة