مساء اخير ...هذي رساله لدكتوره بنت النيل خاصه والله لا يحرمنا من ردود ذوي الخبره واعضاء المنتدى ذوي الاراء الحكيمه فياليت تدلو ن بدلوكم واعذروني اذا ما رديت عليكم بسرعه لاني والله انتظر الولاده وما ادخل النت الا نادر ..

..عندي مشكله ارقتني... واثقلت علي.... واحترت وشلون لطلع منها....مع العلم اني ابحث واقرى بس ابي شي عملي مابي اخسر بناتي .من كثر ما افكر صرت اتحلم في البنات ان احد يدخل عليهم في الغرفه وانا اجيهم مفزوعه واضربه واطلعه برى البيت . بس يارب القى عندكم طريقه اقدر انقذ بنتي منها

كنت مره عند وحده في زياره ومعاي بناتي .ازعجونا قالت صديقتي خليهم يجلون في غرفه اخوي يشفون افلام كرتون..وخليناهم عند سبيستون..بعد اقل من ربع ساعه نسمع اصوات من الغرفه غريبه رحت اركض لقيت البنات يشفون فلم اباحي والعياذ بالله المهم

ابي اسكر التلفزيون انا مع صديقتي ماعرفنا اخذنا ثواني بس والله كانها ساعه مره...طلعت البنات من الغرفه طبعا البنات كانو مرعوبين وماتكلمو وما قالو شي بس وجوهم صفراء ما اكلو ولا شربو شي ولا تكلمو متخرعين حاولت اهديهم تعبت والله

من بكره ابي اغير ملابسهم ..احممهم ..ما فيه استجابه بس يهربون مني ولا صارو يلبسون مع بعض كل وحده لازم لوحدها في غرفه حتى الحمام مايدخلون مع بعض بالعاده يفرشون اسنانهم مع بعض يغسلو ايدهم امتنعو ..ولما ادخل مع وحده الحمام بسرعه باخذ شي واهي تغسل لوتفرش على طول تطلع الين اطلع انا من الحمام
استمر الوضع هذا ثلاثه ايام ...مرعوبين ...ابتعدو عني ..وعن ابوهم ..

بعدها تكلمت الصغيره وقالت انا جلست على الرموت وراحت سبيستون وجلسنا ندورها بتغير القنوات .. احنا شفنا حريم في الحمام عاريات ويضربون بعض ويضحكون ووووو انصدمت لاني ما ركزت ايش كان بلتلفزيون لانه بسرعه كنت احاول اسكره وبس بس قالت لي

لا تقولين اني قلت لك لان اختي تقول لوعرفت ماما بتسوي لنا نفس الي بالتلفزيون فصايره تهددها...طبعا انا ما سكت قلت لها ترى انا عرفت ايش شفتو وحاولت اتقرب من الكبيره واقنعها ان هذي ام تضرب بناتها لانهم تحممو مع بعض وهذا حرام وهيك شي
طبعا استنادا لكلام الي قالته لي الصغيره لاني بصراحه ماشفت
بعدها الحمدالله تغيرو شوي بس الكبيره صار عندها قوانين شوي ...

ما احممها ..ما تلبس عندي حتى لو كان عليها ملابسها الداخليه...حتى في السوق في غرفه تبديل الملابس ماترضى ....ما ترضى احضنها وابوها تحاول تبعد عنه ولما يلعبهم تقول مابي تعبانه و تتهرب با لتلوين وارسم

صارت ما تلبس الا بناطيل او ما تطلع معانا المشوار اذا اجبرتها وتكون زعلانه....التلفزيون صارت ما تحبه اربع وعشرين ساعه كمبيوتر لو ما اقومها عنه ما تحركت بس تسوي بطاقات حتى الالعاب ما صارت تلعب فيه عندها من يربح المليون كانت تستمتع فيها الان تقول مابي شي يخليني افكر ..

للمعلوميه احنا عندنا تلفزيون قناه المجد بس لهم ممنوع يشوفون حاحه ثانيه والتلفزيون الثاني قنوات الخليج بس ولا بعد لها رقم سري ما تفتح لهم لو غافلونا عليها هتى mbcمو موجوده حتى سبيستون مو عندي ما احبها
البنات عمرهم وحده 6 والثانيه8
فابي الله يعافيكم وشلون ارجع البنات ثقتهم فينا او في نفسهم مع العلم انهم رابين على الاخلاق العاليه الحمدالله مو مثل الاولاد الثانيه الفاظ زفت لا محترمين ..وحفضه للقران تعبانه عليهم ومن موقف ابتعدو عني كانهم يحملوني الاثم انتي الي دخلتينا غرفه الولد وخليتنا نشوف