يريد مني البقاء في منزل والداي
 

السلام عليكم ارجوكم انقدوني بحل الله يجزكم خير انا الان عند بيت اهلي لي ستة شهور القصه باختصار اني من الليل خرجت عند جدتي ولم ياتي لي الا الساعه الرابعه فجرا فقلت لمادا لم تاتيني فقال انا حر كيفي قلت له طيب ليش ماترد علي وتقولي ياخي انت منت زوجي المفروض انك تهتم فيني تخيلو اش قال لي انا بس متزوجك كدا اصلا انا مابغاك روحي بيت اهلك من زمان وانا اقولك قلت له ليش اخدتني طيب قال بس المهم مارديت عليه ورحت البيت وطلبت منه يجيب فطور وماجاب ومن الليل طلبت عشاء وماجاب ونمناوصحينا العصر قال فين الغداء قلت ماسويت جيب لي فطور دحين انا ماقدر اقوم المشكله كمان ارضع طفلي عمره ثلاثة شهور وراح جاب سندوتش ورماه علي وراح عند اهله وجلست ابكي قلت يبنت اخرجي حتئ تنسي انتظرته لين مانزل في السياره قال لي وين راحيه قلت دحين معاك علاشان نتفاهم لان ماحب نكون زعلانين وبعدين عند اهلي فقام وصرخ علي قال تبي تروحي انت بكيفك قلت طيب ودني قال مابي ونزل من السياره وتركني وبعدين نزلت ورحت امشي في دي الحظه اتصل علي خالي وقاعد يشكي عليه ومن الكلام قال انا شاك فيها ومادري فين راحت وانا مابغاه وبعدين اتصل علي خالي وهو معصب فقال لي ماقاله زوجي فقلت له خلاص ياخال لاتتعب نفسك انا اروح واتفاهم معه لاني انا ماحب اشكي لاحد وماحب احد يدخل في المشكله المهم رحت البيت ولقيته مغير كالون البيت ودقيت الباب وما فتح ورجعت عند اهلي واخبرتهم بما حصل وقلت لهم لاااحد يتكلم ولا احد يدري وفعلا والله ماحد دري من العائله لكن بعد ثلاثه شهور الكل دري لان زوجي علم اصحابه في العمل حتئ الخبر انتشر والكل يتكلم علي ومادري ويش اسوي ماحد جاء ولااتكلم بس يجي عمي وياخد الولد وبعدين رفضت صار يجي في البيت يشوفه وبصراحه انا مره صبرت ومااقدر استحمل اكثر من كدا ابوي ماهو راضي يتكلم يقول لي هدا الي اخدتيه من غير رضاي لان ابوي ماكان راضي عليه في البدايه يااحبابي قولوا لي وش اسوي مع العلم ان زوجي يتكلم من وراي مع بنات وانا الي اصرف علي نفسي ويفشى اسرار البيت ودائما يقول لي روحي بيت اهلك انا مااقول مااغلط لكن والله اروح واتاسف له حتي اد هو الغالطان علي لاني بصراحه مااحب واخاف اننا ننام واحنا زعلانين والله اني ماانام الا اد جاء البيت واضع يده تحت راسي بصراحه انا ماودي باالطلاق لكن الكل يشوف انه مافي حل غيره افيدوني جزاكم الله خير


تم تعديل العنوان بما يتناسب مع النص ..

الصراحة زي ذا وش تبي فيه !


صراحة اذا الزوج مايبغى حياتكم تستمر يروح في ستين داهيه ...

اول شي تاكدي من كلامك هذا بدقه ... اذا وجدتيه فعلا غير راغب في علاقتكم .. اتركيه .. وقولي اللهم اجرني في مصيبتي واخلف لي خيرا منها .... ربنا قادر على تعويضك بافضل منه


الله يفك ضيقك .. ويسعدك ...

.

السلام عليكم ورحمة الله وبركاته
أختي الكريمة

الله يفرج همك ويحنن قلب زوجك عليك

استفسار ؟
هل زوجك محافظ على الصلاة ؟؟

تحياتي والله يرعاك

الله يهدي الامور بس في رايي الوضع راح في طريق مامنه رجعه وهو الشك ... ولاتظنين ان الشك لو دخل ..بيطلع من البيت .... حتى لو تسوي اللي تسويه ..... لكن اللي اقدر اقوله شوفي قدام .. وانا في رايي حتى لو زعلتي ... الطلاق ارحم لان اهم شي الاحترام بين الزوجين وخصوصا الزوج لزوجته ...وانتي فقدتي هذا الشي .... وهذا كسر ماتوقع يتصلح وان تصلح ..لابد مايكون فيه اثر ...... وانا من قصص كثيره سمعتها ... اشوف الطلاق نهاية المطاف .... لانه بيستمر الوضع ولابد لابد بتتعبين اذا مب الحين ..بعدين

والله يعز علي ... اقول هالكلام وماودي بالنصح بالطلاق بس اللي كنت اشوفه في قصص ناس كثيره ... خلاني اتوقع نهاية قصتك المتكرره ...


وربي يوفقك ويهديه لك ولابنك يارب العالمين

يشهد الله اني لم اكن علي علاقه معه قبل الزواج
ولم يكن لي سوئ ابن خالتي وهو يتهمني بدالك لاني كشفت انه علي علاقه مع نساء غيري

زوجي امام مسجد لكنه ليس من المحافظين علي تادية الامانه ودائما يقول انه حافظ القران عن ظهر غيب

امام مسجد!!!!!!!!

يابنت الناس فكري في طفلك او طفلتك هل سيعيش بدون اب اذا اطلقتي

وانا ملاحظ من كلامك انك تخرجين من البيت في غيابه لبيت اهلك او بيت جدتك

يعني هذي مصيبه اذا كان تخرجين وهو غير موجود!!!!

انا انصحك بالصير عليه لعل الله يهديه وما دام انه امام مسجد فثقي ان شالله ان رب العالمين بيهديه

فقط حاولي تجنب المشاكل قدر المستطاع

ان كان الشك هو السبب في حاله فاظهري له قدر المستطاع اخلاصك له وحبك له

مثلا اي شي ممكن تحسين انه يثير شكه تجنبيييييييييييييييييييه فورا

وابعدي نفسك عن الشبهات

يا اختي الصبر ثم الصبر لعل الله يهديه

الطلاق لن يحل المشكله ابدا بالعكس ستزداد المشاكل خصوصا ان بينكم طفل

الله يوفق بينكم