|
مشكلتي اصدق...اللي فاضي ويبي وجع راس يجي
السلام عليكم ورحمة الله وبركاته كيفكم ياجماعه ....زماااااااااااااااااااان عنكم والله لكم وحشه في القلب ما يحل محلها الا حلاوة اللقاء بكم من جديد آآآآآآآآآآه ...حاولت انام بس ما قدرت...كل ما حطيت راسي على المخده يطلع للنوم(( جوااااااااااااااانح )) ويطير بلا رجعه..اعوذ بالله من الهم والعجز والكسل ....اعوذ بالله من الهم واعوذ بالله من الهم.. انا الان لي خمسه شهور عند اهلي ... وزوجي لا يزال يماطل في اعطائي حقي الشرعي ويا لمرارته من حق..الطلاق.. اول ماجيت عند اهلي قال ثلاثه شهور واطلقك والحين كملت خمسه ولا طلق ولا حاول نرجع ولا يحسن الوضع ولا اي تقدم انا مليت من المماطله...مليت من اللا شعور بي...مليت من الاستخفاف بي ...مليت من الوساوس كل ما طالت فترة التعليق هذي كل ما وسوست اكثر...مرات احس اني ما انتظرت كفايه..ومرات اقول لا الى متى؟ الى اجل غير معلوم؟ ويروح العمر واندم في الاخر؟ ماخلاص باينه من الاول اننا حننفصل...من اول خمسه شهور وهو يهدد بالطلاق الى ان حببه الى نفسي وصرت اتقبل التفكير فيه عادي... من اول ماتزوجنا وهو يسيء الظن بي والتفكير...من اول وهو مارضي عن اي شي اعمله له...ودايما تصرفاتي تترجم في ذهنه خطأ.. تعبت وانا ابرر واحلف له اني ما سويت شي...تعبت وانا العب دور هو اختاره لي..دور المذنبه ...دور الزوجه الخائنه صاحبة العلاقات المشبوهه..دور الزوجه اللي عندها اسراااااااااااار عن زوجها..دور النمامه واللي ما تهتم في زوجها وتقدم الناس عليه....دور الام الفاشله...والزوجه الفاشله بجداره...انا في نظره فاااااااااااااااااااشله ولا اعرف شي..انا في نظره مجرد انسانه تطبخ تغسل ترتب ..فقط لا اكثر.. لا وهو يفكر انه هو اللي علمني شغل البيت على اصوله...حتى العلاقه الزوجيه من باب كسب الاجر فيني...وين الحب اللي يتكلمون عنه؟ وين الزوج اللي يتلهف على زوجته؟ وين الذوبان في النصف الاخر؟ والا انا بس اسمع بس ما يحق لي اشوف واعيش؟ زهقت ومليت وخلاص طابت النفس منك ( يا من تركت اهلي علشان ارضيك وتغربت معك ولا قدرتني)..اعوذ بالله من الشيطان قلت له انا مستعده نرجع..بس تأدي اللي عليك ...قال لا خليكي كذا ونتطلق يكون احسن...انصدمت من كلامه...مع اني متأكده انه يبكي بعد ما اقفل منه لأنه باين من صوته انه متضايق..ومع هذا يكابر وقال نتطلق..لا تقولون انتي اللي طلبتي..هو اللي يغني بالطلاق من خامس شهر ولمدة سبع سنين عجاف معاه..الى ان اصبحت لا اطيقه...مافيه زوج يهدد بالطلاق وهو يقدر زوجته..مافيه زوج يهدد بالطلاق كل يوم وعلى كل موضوع وعلى اسخف المواضيع وهو يقدر زوجته ويبي يكمل حياته معها..مافيه زوج حتى في وقت الروقان والحب يقول لزوجته ( لا تتضايقين لو تطلقنا تحصل في اكبر العايلات) صرت احس اني ثقيله عليه صرت احس اني لو اطلب حتى عشره ريال انها دين علي ولازم اسددها.. لا تقولون مجرد كلام...ومايقصد الطلاق فعلا...طيب ليش يهدد به؟ ليش.؟ هات مبرر ..سمعت هالكلمه اكثر من اي كلمه ثانيه ..لدرجة اني صرت اتقبلها خلاص ... لا اله الا الله سألته سؤال قلت كيف تتخيلنا بعد عشر سنين ...تغيرت ملامحه وصارت للأسوأ قال ( لا إجابه) قلت سؤال طيب تتخيلني اكمل حياتي معاك للآخر؟ وايضا كانت اجابته ( لا إجابه ) قلت لهذي الدرجه الاسئله صعبه؟ معقده ؟ تحتاج لتفكير ؟ قال برضو ماعندي لك اجابه تعجبك.. سبحان الله...انا اللي استغربه درجة الكره اللي وصل لها من ناحيتي..هذا وانا مااااااااااااااااااااااااااااااااااااااااااااااااا ااااااااااااا سويت شي...اجل لو سويت شي؟ لو اني من هالزوجات الكسلانات؟ النمامات؟ المهملات؟ وش كان بيحصل؟ لو اني مثلا موظفه واهملت البيت؟ لو اني من النوع اللي يهتم للجيران قبل الزوج؟ لو اني اقدم اهلي عليه؟ لو اني ما ساعدته في ضيقته الماديه؟ لو لو لو؟ سبحان الله ...ما اقول الا فعلا هذي خيره من الله...يارب انها خيره من عندك...احيانا لما تضيق فيني الدنيا افكر في اللي عندي...بصحتي وعافيتي ومع اهلي ومرتاحين ومبسوطين وولدي معاي وهو كأب راااااااااااااااااائع مع ولدنا ولا اخاف عليه معاه...ماديا مرتاحه...وطلباتي مجابه عند اهلي ...وهم متفهمين لي جدا ومقدرين وضعي...احمد ربي ان عندي هذا كله غيري تتطلق وتضطر انها تمد يدها او تنحرف علشان تقدر تأمن احتياجاتها...اسأل الله ان يكون في العون.. طيب...يا( من ستصبح زوجي السابق ) وعن سبق اصرار وترصد...مادمت تبي تطلقني ليش الى الان ما طلقت؟ وش تنتظر؟ تبيني الم اغراضي وارجع للبيت من نفسي وانت مثل ما انت؟ تبيني اتقبلك وبدون اي تطوير في نفسك وتعاملك؟ تبيني استسلم لوساوسك واوهامك واتهاماتك واتقبلها وارضى الذل لنفسي؟ تبي توهمني انك انت اللي صابر علي؟ وانك انت الكامل واني انا الناقصه وبشكل منحرف؟ والا تبي تقنعني انك انت راعي الفضل علي بزواجك مني؟ انا كنت معززه مكرمه وفي مقتبل العمر وانت اللي جيت واخترتني وبرغبتك محد غصبك علي.. ومع هذا قلت لي ( امك غشتني بك واوهمتني انك بنت كويسه...) سبحان الله !!! احنا اللي تقدمنا لك والا انت اللي تقدمت لي؟ احنا اللي خطبناك والا انت اللي جيت وخطبتني وطيلة ثلاث سنوات تحاولون نرضى.. تعتقد اني اقدر اقدرك وانت ما تقدرني؟ واحترمك وانت ما تحترمني؟ واتمسك فيك وانت مستغني عني؟ راجع حساباتك اللهم اجرني في مصيبتي واخلفني بخير منه لما انت تطلب مني كانت طلباتك اوامر لما احتجت لمبلغ مالي كنت انا ساعدك الايمن وتنازلت عن كل ما يتعلق بي في سبيل ارضائك لما انت تمرض كنت انا الممرضه لما تحب تتجمل قدام الناس كنت انا اجي على راحتي علشان ارضيك ولما خلفت مني ماكان فيه احد توسعه فرحتي بأنه ولد ومنك( لما اتصل على المستشفى وسألهم عن نتيجة تحليل الدم واذا كنت حامل او لا وطلعت النتيجه حامل.هذا بعد 3 شهور من زواجنا...تخيلوا ردة الفعل...رمى السماعه بإستهتار ولا طالعني بس قال حامل وهو يطالع التلفزيون) كنت تجوع واطبخ لك وكنت اغسل لك واسهر معك واقلق لقلقك واتعب لتعبك وافرح لفرحك وطنشت اهلي ودراستي ونفسي وكرست حياتي لك وقلت انت اولا والعالم من ورائك ومع هذا!!!!!!!!!!! ممكن تقولون هذا واجبك كزوجه مالك فضل...نعم واجبي ..ولكن أديته بكل تفاني وحب وإخلاص.هنا يكمن الفرق بيني وبين غيري..كنت اخدمه بحب..كنت اخدمه لأني ما ابغاه يحتاج لغيري ولا ابغى شي ينقصه....وتنازلت عن حقي في الشغاله..اققدر احط رجل على رجل واعمل بديكير ومانيكير مثل غيري واقول ياي شغل البيت يتعبني ..بليز هات شغاله...بس قلت ليش..انا اولى ارضيه واوفر عليه حق الشغاله ..ولكن... لم اجد الا النكران والحجود وقلب الكلام والحقايق عند اهلك واهلي وطلعتني انسانه وكأني عايشه في كوكب منفصل تماما عنك.. سامحك الله.. ولكن انا بأطلب منك هذا المعروف.. ( طلقني ! ) |
وعليكم السلام ورحمة الله وبركاته
اهلا وسهلا مشكلتي اصدق الله يعينك ويجعله خير لك والله مدري وش اقول لك انتي قلتي كلمات كبيره كبيره مدري وش اقول الله ييسر لك الطلاق ولا الله يصلح اموركم ويرجع لك زوجك بوجه اخر وتفكير وحب كبير الله كريم انا مستعجل الان وسوف يكون لي إن شاء الله مداخله اخرى تقبلي تحياتي ابو فهد |
اهلين يابو فهد
سبحان الله استوقفني سطر انا كتبته بيدي في الموضوع ( اللهم اجرني في مصيبتي واخلفني بخير منه) ماكنت اتخيل اني ممكن اقول او اكتب او افكر حتى اني اكون لغيره |
لاحول ولاقوة إلا بالله ألمتني معاناتك اختي الغالية لاحرمك الله أجر صبرك اسأل الله العظيم رب العرش العظيم ان ييسر لك مافيه الخير دنيا ودين وأن يوفقك لما فيه الخير ويسخر لك من يضعك تاج فوق رأسه ويراكِ بجمال الحور أهلاً بك وبعودتك وبعودة القلم المميز أم جمانة |
عليكم السلام ..
مشكلتي اصدق .. اسال الله العظيم ان يفرج همك ويلهمك الصبر ويحسن لك الاجر .. هل وصل الحال بقلوب بني البشر الى هذا المستوى من الانانية والكبرياء والتعالي .. حقا انها قلوب قاسية وافئدة بائسة .. هل هناك محاولات لروؤية مستقبلك من قبل اهل الحل والعقد.؟ ارى ان يكون هناك تدخل حازم من قبل اهل الخير "فابعثوا حكما من أهله وحكما من أهلها إن يريدا إصلاحا يوفق الله بينهما " حكم شرعي لا مجال للمناورة .. لماذا يعطل هذا الخيار ؟ اسنخيري واستشيري واعزمي وتوكلي على الله .. اسعدك الله في الدارين .. |
تصدقون
قال جمله اول ما تزوجنا ....والله لسا نقش الحنا على يدي قال احنا ما خطبناك بصراحه لان فيك شي مميز...بس سمعة اهلك كويسه مره.. طيب وانا؟اهلي فيهم مية بنت ..ليش اخترتني انا؟ معقوله مافيني ميزه وحده ميزتني عنهم؟ من جد ياجماعه هذي جمله يقولها زوج لزوجته اول ما يبدون حياتهم؟ هل هي عاديه والا انا ابالغ؟ |
ام جمانه
اسعد الله صباحك و عينيك وقلبك وجعل ما خطت اناملك في موازين حسناتك لا ارغب بالتعدد دخلنا اهلي واهله لحد ماهم اعلنوا استسلامهم خلاص هو راسه يابس وانا مو مستعده اضيع عمري وهبااااااااااااااااااااااااااااء منثور لا جزاء ولا شكور على الاقل اذا بيكفيني خيره ..يكفيني شره لكن صعب لا خير ولا من كفاية شره صعـــــــــــــــــــــــــــــــــــــب |
هذا عدو مو حبيب و من نكد الدنيا على الحر أن يرى ** عدواً له مااااااااااامن صداقته بد وزيما ذكرتي ماااااااا الله حادك: و لا يسكن المرء في أرضٍ يهاااان بها ،،، إلا من العجز أو من قلة الحيل يعني بالعربي ويششششششش مصبرك دامك ما شاء الله لا عاجزة، ولا قليلة حيلة واظن اللي عشتيه معه كان كفاية لو كان فيه خير و الحرب إن باشترها ،، فلا يكن منك الفشل واصبر على أهوالها ،، لا موت إلا بالأجل يعني دامك قررتي تبين الطلاق فتوكلي على الله ولا تهوجسين ما يقطع الرزق إلا اللي رزق به أخوك :d |
مشكلتك تصدقين ومشكلتي ما أبي أصدق والله انصدمت أخر مره قريت لك كنت بين وبين أول سطرين أتعبوني وهذي مشكلتي مقدر أشوف أحبابي يعانون أو حتى يونون إسمحيلي بأجنحتك اللي طيرت نومك أطير بها لعلي أعود لاكمل باقي الوجع ربي يفرج لك وييسر أمرك ويسعدك حبيبتي |
اختي الغالية والله ما ادري شكتب وش لعلق ، الله يصبرك
ويرجع لك زوجك وهو متغير 180 درجة ، وماراح ادعي اليك بالطلاق وانما برجوعه وهو انسان آخر كما تتمنينه وتريدينه والله يكون في عونك ويصبرك . عزيزتي قد لا يكون يماطل وانما يريدك ولكنه لا يعبر عن مشاعره فهناك نوع من الرجال يعتبرون الحنان والحب والعطف نوع من انواع الضعف , اعانك الله وسدد خطاك اختك: بنفسج |
| الساعة الآن 06:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©