منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجتي تهددني .............؟؟ (http://www.66n.com/forums/showthread.php?t=138722)

خبير الأعشاب 19-08-2007 03:39 PM

زوجتي تهددني .............؟؟
 
اهلا بالآحبة


السلام عليكم ورحمة الله وبركاته



ماادري ويش اقولكم ......


الحقيقة اني دايما اقرا ردود اكثر الاعضاء ..اللذين يطالبون بمصارحة الزوجة في كل شي حتي بمسألة

الزواج ....وامس حين تصفحي لاحد المواضيع القديمه رأيت رد لاختنا الكريمة صائمة تقول فيه ...


((أنت أرتكبت خطأ بعدم أخذ رأي أم عيالك أو على الأقل يوم قررت قلت لها (( هذا رأي بعض المشيايخ ))

وبعد ذلك هي تقرر مصيرها معاك ..))




فقلت في نفسي ربما كلامها صحيح خليني اصارحها ربما انها زعلت من زواجي الاول لاني لم اصارحها


فذهبت الي المنزل وبعد الاخذ والرد فاتحتها بالموضوع ............


قلت اسمعي وعي واصغي الي جيدا ...


قالت سمعنا .....واصغينا ماذا بجعبتك ؟؟


تكلم


قلت تبي الصراحه انا حاسس اني في متاهه وعلي وشك انجرف للحرام .....:(



قالت اممممممممم كمل


فقلت طبعا ماترضي اني اروح بالحرام .........


قالت والزبده ...........؟؟


قلت ايواااااااااااا الزبده ابي اتزوج يا تخطبي لي انتي علي ذوقك انا راضي اهم شي تكون
حسب مواصفاتي التي اريد ..



او تخليني ادور.... براحتي ....



قالت اممممممممممم يعني مازلت مصمم علي الزواج .....


طيب ابي افهم ويش فيني ؟؟؟ جيب لي عيب واحد .....


قلت والله مافيك شي ......ولو الف الدنيا ماني ملاقي مثلك ...لكن ويش اسوي ...


احتاج زوجة ثانية .....ابي اتزوج ..........والنفس الم تامرها بالطاعه امرتك

بالمعصية .........


اخذت نفس عمييييييييييييييييق ...وقالت اسمع


والله العظيم والذي رفع السماء بغير عمد...وفي هذي الساعه المباركه ...انك لو فكرت بالزواج مره ثانيه


والله والله ماتتهنى ..وقد افعل أمر غير متوقع ...؟؟؟؟ .......ولاتفكر اني

امزح ..اقسم بالله


جاااده ..


بصراحه او مره اشوفها بالوجه الحقيقي ..وقلقت من كلامها :24:


وقلبت الموضوع ضحك ...قلت اسمعي ..الله تعالي يقول .((السن بالسن والعين بالعين ...))




والله ماعاد جاني نوم .قعدت افكر بكلامها ............



ابي اسأل اخواتي المتزوجات ..

هل يعقل ان هناك زوجه صالحه تفكر بالطريقه الوحشيه ذي ؟؟؟؟:(


ام انه مجرد تهديد ووعيد ....؟؟؟


واذا كان تهديد كيف تسمح لنفسها تحلف الايمان المغلظه بأنها ستنفذ مااقسمت عليه ...


بالله طمنوني .........


العاده اني انام لين الظهر .........اليوم من عشره صاحي وجاني كابوس الله لايوريكم ...:(



امس قريت رد لاحد الاعضاء بأنه اقنع زوجته بالزواج من اخري .........اتمني اعرف اشلون اقنعها ...ياليت يجاوبني


المعذره طولت عليكم ........

نور الاوطان 19-08-2007 03:51 PM

والله يا خوي ما أعرف شو أقولك بس تراها واييييييييييييييييييييييد صعبة على الحرمة أن زوجها يتزوج عليها صعبة فوق ما تتصور .............. الله يهدي بالكم ...............

وانته الله يهديك إذا حرمتك ما فيها عيب وراضي عنها ليش تتزوج وتجيب لنفسك وجع الراس ............

الله يوفقك أخي ويخليلك زوجتك ..............

lina11 19-08-2007 04:09 PM

يا أخي أرضى بالنصيب مادام زوجتك كاملة والكمال لله لماذا تتزوج

عد حساباتك جيدا ولا تتحجج بأن الرجل يحل له 04

عليك إكمال الحديث للأخر وفهم معناه جيدا وتطبيقه بحذافيره

بالتوفيق

Aquarius 19-08-2007 04:19 PM

واجد شباب الحين مو قادرين يتزوجون بسبب البطالة وسوء الحالة المادية ويتمنون أي زوجة حتى لو كانت عادية وفيها عيوب.. وانت زوجتك ما فيها عيوب مثل ما قلت، وغير كذا راضية فيك، ومع ذلك تبي تتزوج عليها؟؟!
ليش طيب؟
ليش هي ما ملت منك وقالت طلقني ابي اتزوج غيرك؟!
ليش بعض الرجال عيونهم زايغة وقلوبهم ما تكتفي بامرأة واحدة وأنانيين؟؟!

صحيح الإسلام حلل الزواج مرة ثانية وثالثة ورابعة، بس لا بد يكون فيه سبب مقنع يدفعك للزواج.. مثلاً ان تكون زوجتك مريضة وما تقدر تجامعها أو تجيب منها عيال.. أو تكون مؤذية لك وتبي زوجة غيرها تعطيك الحب والراحة المفقودة.... وغيره من الأسباب.
والله عز وجل قال في كتابه الكريم: "ولن تستطيعوا أن تعدلوا بين النساء ولو حرصتم"... فهل تعتقد انك قادر على انك تعدل وتسعد الثنتين معاً؟؟؟

وبصراحة زوجتك غلطانة في موقفها.. وان سوت هالشي فهي مجنونة وبايعتها.... بس هي معذورة بنفس الوقت لأن طريقة كلامك معاها جارحة و(غبية)!...... مع احترامي لك، بس من جد ما عندك أسلوب!! لا وتبيها توافق بعد الطريقة القاسية والمهينة اللي كلمتها فيها؟.. ما كأنها زوجتك وإنسانة لها مشاعر وأحاسيس؟؟!

نجوى80 19-08-2007 04:29 PM

عفوا بس موتتني من الضحك
بس حبيت أحكيلك حادث حصل في مدينها و الله هذا الأسبوع
وحدة سمعت عن زوجها انه حاب يتزوج طلبت أبوها يجي يأخذها بيت اهلها
ويش رايك أخي وش عملت الوقت الي وصل أبوها كانت مجهزة حالها بس مجهزة مية سخنة كثير
وقبل ما تخرج من البيت كان هو نايم إلا و سيحت عليه كل المية المغلية
و الأخ أسبوع و هو في الانعاش الحين و الحالة يعلم بيها الا الله
يعني ما تستبعد بس كل وحدة و اخلاقها
أنا عني صحيح أنا ضد الفكرة تماما و لا يمكن ان اتقبلها تحت أي ضغوط بس راح انسحب من حياته لا بتر و لا يحزنون
بس الي تقدر تبتر أنا أشجعها

ياربي لاتحرمني 19-08-2007 04:37 PM

ياخوي اذا انت تبغى تتزوج بنت الناس وتكرمها وتفتح لها بيت وتجيب لك عيال و تعيش معها حياة زوجيه شرعيه .. تقوم بحقوقك وواجابتك تجاهها وتجاه ابنائها منك ..

الله يوفقك ..

لكن اذا اردت الزواج للمتعه الجنسيه وخدعت بنت الناس واهلها واوهمتهم انك راح تتزوجها زواج شرعي كامل ... ولما تمل منها او تشبع او ما تجي على هوى خيالاتك الجنسيه ترجعها بيت اهلها وهذا الي يحصل كثير من نزوات الرجال المتزوجين ..

فاحذر واحذار واحذر ...
قبل ما تفكر برغباتك الجنسيه فكر بمسؤليات بيت ثاني وعائله ثانيه .. لأن البنت الي راح تتزوجها تبغى الستر والعائله والأستقرار ..

فكر مية مره انا ابغى افتح بيت ثاني واتحمل اسره كامله ثانيه ..

اذا كان جوابك نعم الله يوفقك .. اما اذا كان هدفك من الزواج المتعه بس الله خبير بعباده وخبير بما نفوسهم وحسابك عند رب العالمين ...

دروب الخير 19-08-2007 04:53 PM

اكيد راح تنفذ التهديد


وحده زوجها متزوج من جنسيه عربيه على ام عياله وبينما هم نازلين في نهار رمضان للمطبخ وكل منهم ضام الثاني وام العيال قاعده تسوي لقيمات للفطور لما شافتهم بهاذي الحاله ما قدرت تتحمل واخذت الزيت المغلي وسكبته عليهم المراه من الجنسيه العربيه توفيت في الحال والزوج اصيب بتشوهات في الوجه والشيخ (اعرفه)يقول ما اقدر احكم على المراه لانها تعرضت لضغط اكبر من طاقتها بسبب فعل الزوج الله يهديه والقضيه موقفه الى الان

ونا من راي الاخوات وش لك ووجع الراس اذا كانت زوجتك ملبيه لك رغباتك

دنياالزهور 19-08-2007 04:56 PM

أهلين فيك أخوي

اسمحلي واعذرني أتوقع مايعجبك كلامي

ابدأ والله المستعان

زوجتك الاولى اللي كنت ما تحبها من غير سبب!!!!

ليش طلقتها وما فكرت انك تتزوج عليها مدامك مقتدر ومفكر بالتعدد

بالرغم من وجود بنت بينكم؟؟

زوجتك الثانية طلقتها كمان لانك مو مرتاح معها!!!

أخواتك قلت انه زوجتك الحالية ريحت وفهمتك أكثر منهم

وقفت معاك وصبرت عليك .........

تزوجت عليها وصبرت وما سوت مشاكل والثانية هي اللي سوت مشاكل لين طلقتها

يعني باختصار واسمحلي ...............العيب فيك مو فيهن كلهن....

بعدين انت قلت مره يارب يسهلك وتعتق رقبة تقصد انك تتزوج مطلقة أو عانس!!!!

أقوللك أخوي اللي بتعتق رقبتها خلك بعيد عنها أحسن لها مية مرة

لأنك شاطر وفنان بشنق الرقاب !!!!!!!

الحريم اللي بحياتك ثلاث طلقتهم ووحدة تزوجت عليها!!!!

يعني ماصبرت على أي وحدة فيهم وكسرتهم وكسرة فرحتهم بكل شي بالدنيا

عشان بس ترتاح ...................

وما ارتحت...........

ريح زوجتك واعقل واركد عشان بناتك وعشان صبرها عليك وانت بترتاح ان شاء الله

تمنياتي لزوجتك براحة البال

فيافي نجد 19-08-2007 04:57 PM



والدي غفر الله له واسكنه الفردوس


كان معدد


ويردد دائما

ان التعدد


يبغاله


شخصيه قويه جدا


قلب بارد


ومالا وفيرا


اختبر نفسك


مع ان الثانيه موجوده عندك

تويتي نايس 19-08-2007 05:08 PM

زوجتك ما قالت هذا الكلام عبث.. هي قالته لأنها تحبك من قلبها

بس ودي اقولك إن مافي اي حرمه على وجه الارض تحب زوجها حب حقيقي

ترضى ان يتزوج عليها.. الا اذا كانت مجنونه او فيها خلل عقلي

وزوجتك من حبها لك تقول هالكلام ويمكن في راسها شيء بتسويه اذا تزوجت فعلا ومايكون كلامها بس

تهديد يعني توقع اي شيء

والبنت تفضل انها تتطلق وترجع بيت اهلها اهون عليها من انها تلاقي زوجها مع وحده ثانيه

تشاركها فيه في كل شيء

في بعض الرجال ما يحسون بحرقة قلب المرأة وودي بس لو يفكرون ويشوفون الوضع لو كان بالعكس

كيف بتكون ردة فعلهم


الساعة الآن 01:52 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©