|
إجــــــــــــــــــــازة عانس...
بسم الله الرحمن الرحيم
اول شي ماكنت ناويه اكتب لانه من النادر اكتب مواضيع الاغلب ردود لكن يعـــــــــــــــــــــــــــــــــــــــلم الله من قريت الكلام اللي في المنتدى قلت ابي افضفض مثل الاخوات ... حبيت يكون عن اجازتي كعانس وشلون قضيتها .... طبعا مثل كل بنت تتمنى الاجازة ماتكون مع الاهل تكون مع الزوج المنتظر انا وحده منهم ... هذا اول شي ثاني شي الزواجات والطلعات يعني اذا ما ضبطت الاولى لازم نكون في احسن حال لعل وعسى يقوم حظنا شوي :14: طبعا كان في الاجازة عندنا تقريبا ثلاث زواجات قريبه مره يعني لازم الحضور المهم اني حضرت الزواجات وطلعت باحلى صورة ممكنه قلت يمكن يكون نصيبي في احد الزواجات والله اروح وانا ادعي ربي لكن ............................ طبعا اخر زواج كان قبل اسبوع سبحان الله اسمع كلام الناس عني ماشالله وحلوه ومن الكلام لكن ما ادري ليش الى الان مايصير نصيب امووووووت واعرف ليش وش اللي ناقصني ما ادري انتم يابنات تحسون باللي احس فيه والله كذا بنت اعرفها تكون اقل من عاديه لا في الشكل ولا في الاخلاق وتتفاجؤن في خطوبه انا ما اقول شي لكن ليش حنا لا مو مدح في نفسي لكن فيه ناس تقولي انتي مو قاصر عليك شي لكن .... والله العظيم كل يوم ادعي ربي واذا شفت البنات في المنتدى والله احس فيه احد مثلي عايش العيشه هذي !!! والله حاليا كرهت كل شي مااحب اطلع نهائيا من البيت لكن الزواجات قريبه جدا مليت من نظرات العالم لي والله احس انهم ينظرون لي نظرة المسكينه واذا جلست في البيت قالو مسكينه ما ادري والله وش الحل مع الناس ؟؟؟ قبل ما اكتب قريت كلام اختي حبيبة الفهد والله مؤثر جداااااااا بقولك حبيبة اذا اهي احتفظت في زجاجة عطر انا كل ماشريت شي لي اقول لا مابي لااستخدمه يمكن اتزوج اخليه لا احد ما اتزوج صار لي سنتين وانا احمع في الاغراض شكلي من الزهق بستعملهم مليت من الانتظار ... ياليت البنات يقولون كيف قضو الاجازة مثلي ولا الوضع يختلف ؟؟ الله يوفق الجميع ان شاء الله ... (إن شاء الله ) تكتب كما هي موضحة بين الاقواس |
اعلمي اختي الفاضلة ان ما اصابك لم يكن ليخطئك
وهذا قدر الله ولم يكتب لكني النصيب ولاتقنطي من رحمة الله ولاتستعجلين الدعاء تقولين دعوت فلم يستجب لي لاتدرين ما الذي يخبئة القدر لكي ممكن بدعائك يصرف عنك سوء ولاتنسين اوقات الاجابة با الدعاء واكثري من الاستغفار قال رسول الله صلى الله عليه وسلم (من لازم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب ..........)اوكما قال عليه السلام اعلم علم اليقين انك تعلمين ماذكرت لكي ولكن هي من باب فذكر فان الذكرى تنفع المؤمنين ولاتعلمين اخيتي من الممكن ان يرزقك الله زوج صالح يكون سبب في سعادتك في الدنيا والاخرة بفضل استغفارك ودعائك فاكثري ولاتقنطي الله لم يخلق الخلق ويضيعهم كلا مكتوب له رزقة اجلا ام عاجلا |
شوفي حبيبتي
انا قررت أعيش كل لحظة في (عنوستي) ..وخلاص ماعاد اشيل هم ..والله المسنتعان زوجات ماأحضر لأن كلها أغاني ولله الحمد انا ماأسمع .. اخر عرس حضرته من أكثر من سنة ونص عرس بنت خالي .. اقضي يومي الحمد لله إما مع هلي وخواتي لما يجونا ونااااااااادر ماأطلع أو قاعدة على النت أو أحفظ قران أو أكلم صديقاتي بالهاتف .. حتى تلفزيزن ماشوف بس والله ماعندي وقت أشكي من الفراغ والملل لاني عرفت أدبر نفسي يعني عايشة والحمد لله هذا بأيام الإجازة أما أيام الدوام فالدوام ياخذ نص وقتي واكثر خصوصا اني مدرسة ,, عايشة حياتي مو حابسة نفسي في غرفتي لا .. بس لما أخلو بنفسي وأقعد على النت أحب أفضفض وأرتاااااااااااااااح ,, تمر علي ايام اضيق على حالي لما اشوف فلانة وأسمع عن علانة انهم تزوجوا ولما احس امي شااااايله همي أشيل هم مضاعف .. بس الحمد لله على كل حال .. مالنا الا الصبر .. قالت لي وحدة متزوجة معاي الدوام مسكينة زوجها مريض نفسي ومو سعيدة زواجها .. قالت لي نصيحة يااعذروها :" عيشي حياتك وكل لحظة في الفترة وافرحي واستانسي ..لأن كرة وراج زواج ومسؤلية وووووووو .. من يومها صرت اطبق هالنصيحة لمجر اني اتخيل اني متزوجة وسندارة وزوج وعيال وووو خلاص قررت أتمتع في وقت وفراغي وانتي سوي مثلي واستمري بالدعاء ري ورج كريم يرزقنا جميعا بالأزواج الصالحين ويفرحنا قولي امين |
الهجرة الله يجزاك خير يارب ويوفقك ...
أعذروها ياليت عندي خوات وأخوان عشان اجلس معهم انا وحيدة الماما والله الفراغ بيقتلني مهما سويت اكون فاضيه ... الله يجزاك خير ويرزقك رب العالمين الزوج الصالح إن شاءالله ... لفظ المشيئة يكتب هكذا (إن شاء الله ) |
قد ترين انك في مشكلة
وقد أراها انك في نعمة |
اهلين نجوود.. والله مني عارفه اش اقلك بس حالك مهو احسن من حالي واجازتك مهي احسن من
اجازتي .. بصراحه انا زيك كنت متوقعه الاجازه دي حتكون غير عن الي قبلها وحاكون مع زوج يسعدني ويحسسني انو الاجازه دي غير .. بس يلا الحمد الله على كل حاال.. بصراحه انا قضيت الاجازه اغلبها في البيت .. حاولت اخرج كم مره اروح عزايم وافراح واحس انو الوضع عادي وناسيه الهم .. بس اول ماا ارجع افتكر انو حارجع للهم تاني .. والشي الي منكد عليا زياده انو انا متخرجه من الجامعه ولسا سنه جالسه في البيت لا شغل ولا مشغله وروتيين يعني الي مضايقني انو حتبدأ الدراسه ومافي دوام الاجازه دي وقت الدراسه كلو زي بعض عندي ..بس الي هون عليا اني قربت من ربي واستغفر الله كتير وعندي امل كبير في الله اني حيغير وضعي داا .. وان شاء الله ربنا كريم يرزقني ويرزقك ويرزق كل البنات يارب:) |
خلي امرك لربك
صدقيني تجيني لحظااااااااات كثير اتعب فيها بس في النهاية ارجع و اقول ربك ارحم واعلم بحالك لذلك انا مازلت على امل انتظار الفرج من رب العالمين الله يفرجها علينا جميعاً |
نجود والله كنك تحكين عن حالي..
انا تعبت مثلك ... لكن اذا صليت ودعيت وطلعت اللي في قلبي .. احس براحه وانبسط وانسى الهم شويلو يتركوننا الناس بحالنا .. كان ما همني الموضوع .. انا ما احب نظرة الشفقة .. والاسئلة اللي ما لها داعي .. لا واذا وحده قالت ما خبرتوا بنيه لواحد يبي يخطب على طول انظارهم علي!!! .. وكني مضيقه عليهم احاول الحين اتعايش مع وضعي .. واترفع عن هالتصرفات .. لكن غصب عني انقهر ما اقول الا الله يفرجها قريب ويسمعنا اخبار حلوه في رمضان :22: |
الحمدلله على كل حال
انا اجازتي مثل ايام الدوام ماتفرق كثير مانسافر للاقارب لان فيه بعض المشاكل يعني حتى زواجاتهم مااحضرها ولايشوفوني ابد روتين ممل ووحده قاتله الحمدلله الكل مسافر ومناسبات وحنا الحمدلله مكانك سر رحت زواج بنت الجيران والكل يمدح فيني بس اهلي الله يسامحهم عندهم قاعده مو من مواخيذنا الله المستعان واليه المشتكى |
كثير غيرك يعيشو هاذي الاحاسيس .. وانا منهم:d
كان زواجي بهاذا الصيف لكن النصيب واللي كاتبه ربي لازم تشوفه العين .. ماحصل نصيب وتفركش كل شي .. ايش الاهون بنظرك ؟؟ وضعك ولا وضعي؟؟ اشتريت اشياء بسيطه للزواج .. وحلمت كل ليله بيوم الملكه والزواج من جديد ( علما باني منفصله ) والحمدلله على كل حال .. كانت وحده بالجامعه اشوفها اقول مسكينه مين بياخذها لانها جمالها جدا جدا عادي .. وجات الجامعه بالصيف تاخذ وثيقة التخرج .. واشوفها احلوت قالولي البنتا تزوجت واحد ماشاء الله ( عريس لؤطه على قولها .. لا وزواجها وفستانها يقولو احلى مايكون .. واسمعها تتكلم عن زوجها ماشاء الله واحد متفهم وواعي .. وزوجة عمي تزوجت وعمرها يمكن 34 صار لها زواج الكل يحكي عنه وعمي طلع ماشاءالله عليه يحبها ومهتم فيها غير عماني الباقين .. وخالتي تزوجت كمان بنفس العمر .. وصار لها زواج احلى كمان من زواج حرمة عمي وزوج سبحان الله ينحط على الجرح يبرد .. وياما ويما قصص بنات عندنا تزوجو بعد طول انتظار ... شفتي كيف النصيب .. يعني لادخل الجمال ولا الاخلاق كله نصيب .. وان شاء الله بيجي النصيب في اقرب وقت .. ماعلينا غير الدعاء والاخذ بالاسباب :25: .. يعني نجتهد حتى نجيب العرسان اللهم فرج لنا كربتنا وعوضنا عن صبرنا خير |
| الساعة الآن 08:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©