وساوسي بسبب تأخر الحمل .. احتاج نصيحتكم
 

السلام عليكم يا احلى تجمع واحلى اخوان في الله

من بعد ما وثقت برجاحة عقول ومحبة المجموعه لبعضها وتكاتفها في الردود والدعاء والمشورات السليمه

حبيت اشارككم مشكلتي

يمكن انتو ماتشوفونها مشكله بس هي كذلك بالنسبه لي

انا متزوجه قريب صار لي 6 شهور تقريبا ... وربي ماكتب لي الحمل لحد الان .. وهذا الشيء كثير كثير ماثر في نفسيتي .. لاني حاسه ان الوضع مب مريح من ناحية استقرار زواجي بسبب عدم وجود طفل يخلي الوضع مستقر ... فأنا سبق لي الزواج . وانفصلت بدون اولاد ... وفي زواجي الثاني ..ايضا استمريت هالكم شهر بدون اطفال علما بان لايوجد مانع طبي من الحمل والحمد لله

لكن مشكلتي تكمن في اني حسااااااااسه كثير وهذا شي غصب عني وطبيعتي وسواسيه لابعد الحدود .. لدرجة الكوابيس والاحلام ... صار هذا الشيء ماثر في علاقتي مع زوجي ... صرت حساسه لو ماكلمني بصوره مثاليه من دلع وحب ...اخاف واحس انه بيتزوج علي لاني ماجبت له ولد ..... والمشكله يقولون لي لاتفكرين بموضوع الحمل عشان تحملين ... كيف وانا موسوسه بالحمل وطول الوقت اعد ايام الشهر عشان اشوف النتيجه ... هل انا حامل او لا .. وموضوع نسيان الموضوع ليس بيدي والله ليس بيدي

قلت لزوجي بسبب وساوسي ... ولاني ابي القى سبب احط فيه العذر ... قلت له مابي اشتغل .. مابي اشوف حد في الشغل مابي احد يسألني حملتي ولا لا .... ويشوفون بطني كل مامريت .... ولكن .... وجودي في البيت ... بيخليني افكر وافكر وافكر.... زوجي قال لي لاتخلين نفسك بالبيت ... بتصير حياتج كأبه ... وملل وبتنعكس على تصرفاتج معاي وبتصير مشاكل .....

والله محتاره يا اخواتي واخواني .......... وجودي في الشغل احسه سجن مشاعر .... واختبار صعب بمر فيه ..... بسبب النظرات والعبرات اللي بسمعها .... ووجودي في البيت بيخرب علاقتي لاني في حاله نفسيه صعبه ..

من يدلني ويشور علي .. مالعمل



الإشراف / تم تعديل العنوان ليتناسب مع المضمون ..

يا أختي ليه مستعجلة

في ناس تخلف حتى بعد عشر سنين

عيشي حياة طيبة مع زوجك

والله يرزقك إن شاء الله


عفوا ..

لفظ المشيئة يكتب هكذا ( إن شاء الله ) ..

عيشي حياتك وانبسطي واستانسي مع زوجك لسه انتو عرسان تمتعوا بكل لحظه

بكرة ربنا يرزقك وتدوري الوقت اللي تجلسين انتي زوجك فيه بدون ازعاج ..

حبيبتي ترى ايام الزواج الاولى لاتضيع اغتنميها بكل لحظاتها بعمل الليالي الرومانسيه والاجواء الهادئه المريحة..

بعدين لاعديتي ثاني سنه يحقلك تقلقي اما الان فااقولك نصيحه لاتفسدي احلى ايامك ..

ويارب ماتعدي اول سنه لكي الا وانتي حامل وتجيء تبشيرينا بالبيبي وساعدوني ابغى اسم للمولود .. قولي آمين

عيشي حياتك وانبسطي واستانسي مع زوجك لسه انتو عرسان تمتعوا بكل لحظه

بكرة ربنا يرزقك وتدوري الوقت اللي تجلسين انتي زوجك فيه بدون ازعاج ..

حبيبتي ترى ايام الزواج الاولى لاتضيع اغتنميها بكل لحظاتها بعمل الليالي الرومانسيه والاجواء الهادئه المريحة..

بعدين لاعديتي ثاني سنه يحقلك تقلقي اما الان فااقولك نصيحه لاتفسدي احلى ايامك ..

ويارب ماتعدي اول سنه لكي الا وانتي حامل وتجيء تبشيرينا بالبيبي وساعدوني ابغى اسم للمولود .. قولي آمين

اختي الغاليه كلام زوجج صحيح لان تصرفاتج وتفكريج ممكن انه يؤثر على حياتج الزوجية وعلاقتج معاه

اتعوذي من الشيطان لان الوساوس من الشيطان ولا تهتمين لاي تعليقات او كلام من اي حد واكثري

من الدعاء وقراءة القرآن وصلاة قيام الليل وان شاء الله تكون الامور طيبه ورب العالمين يستجيب لج

وحاولي تنسين سالفه الحمل وانشغلي بزوجج وعززي ثقتج بنفسج يكفي ان زوجج راضي عنج وعن الوضع

وفكري انه في واايد زوجات يتأخرن في الحمل ومنهم انا ..حملت بعد 4 سنوات من الزواج

اطردي الوساوس عزيزتي وتوكلي على الله القدير

ادعو رب العباد ان يبعد عنك الهموم والحزن ويرزقك الذرية الصالحه ويسعدك مع زوجك طول العمر

اختج --- لمني بشوق

اختي الغالية .. انا حملت بعد 10 شهور من الحمل وجبت ابني البكر .. ولما صار عمره سنة وعشرة شهور جبت ابني الثاني الله يحفظهم ..
صدقيني انك ما تعرفين قيمة الأشهر الأولى من الزواج من راحة ودلع وحب إلا لما يجي البيبي بصياحة ومرضة (الله لا يجيب مرض إن شاء الله) يعني مسئولية لها اول مالها آخر .. إن شاء الله مردك بتحملين بس إلى ذاك الوقت استمتعي ولا تضيعين حياتك في نكد ..

انتي لسه 6 شهور .. وإن شاء الله راح تحملي قبل لا تكملي سنة .. لا تتعجلي وكل هذا بيد الله عز وجل ..


تحياتي ،،

أم أحمدي وكريم

حبيبتي اشكر لج ردج واعطائي من وقتج

امييييييييييييييييييييييين يااااااااااااارب

اعوذ بالله من الشيطان وربي يخفف عني الوسواس لاني عارفه نفسي اني قاعده اضر نفسي ومسويه مشكله من لاشيء اعوذ بالله اعوذ بالله

الله يخلي لج اولادج ويتمم عليهم صحتهم يارب واشكرج على وقتج ونصيحتج