|
كيف ازعل عليه
السلام عليكم ورحمة الله وبركاته000وبعد
كم تمنيت ان المشاركه تكون احسن من كذا لكن الشكوى لله000 ايش تكون ردت الفعل اذا كان الزوج مسافر وعاتبتيه ليش مايتصل قام يلعن انتبهوا مو يشتم يلعن زوجته تكرارا لتوكيد اللعن لااحد يقول المسامح كريم000الزعل موجودماراح يروح بسهوله000والسؤال هو عن كيفيةطريقة الزعل هل عدم استقبال او عدم كلام او مقاطعته بالكامل ابي طريقه علشان يتوقف عن العان ضروري تردون علي هاليومين الإشراف : تم تعديل العنوان ليتناسب مع النص .. |
ياقلبي عليج يانشميه
انا عن نفسي ... ماراح اغفر له الا اذا حسيت صدق انه ندمان على اللعن وتأسف من كل قلبه وتحسف على هالكلمه هذا الشئ اصلا محرم شرعا بعد مااسكر التلفون اكيد راح اطرش له مسج واكتب له الشرهه مو عليك الشرهه عالانسانه اللي شايلتك بعيونها وخايفه وولهانه عليك وانت ولا على بالك ولااااااااا فوق هذا كله لما تعاتبك تلقى بدل الرد الطيب تلقى ((اللعن!!!)) الله يسامحك بس صدقني ماراح افر لك ياها هالكلمه ومن بعد هالمسج راح اطنشه ولما يوصل ويرجع بالسلامه بستقبله وبقوم بكل واجبه بس اكيد راح اكون زعلانه وراح احسسه بالندم بطنشه ومابسوي له اي سالفه فالبيت ان كلمني بعطيه الجواب بس وابدا ماراح اتكلم معاه الا للضروره فقط وصدقني راح يحس وان فتح الموضوع معاي وقال ليه زعلانه بفهمه ان اسلوب اللعن مكرووووووووووه عندي ومستحيل ارضى فيه عيل انا اقوم اخدمك ليل نهار واخدم عيالك وفالنهايه تعلنني لاني ولهت عليك وماراح اسكت الا لما اقتعه انه غلطان واخليه يتأسف مهما كان الغلط مستحيل غلطي يسمح له انه يلعنني والله يوفقج يالغاليه |
قومى بكل واجباتك واقطعى الكلام معه نهائيا
وادعى له ربنا يعافيه من هذه العاده |
الله يجزاكم الجنه ويفرج همكم دنيا واخره
|
لاحول ولاقوة الا بالله العلي العظيم
اختي يمكن اسلوبك في السؤال نرفزة ؟؟ مع اني لا اجد له العذر ابداً بالسب فما بالك باللعن الله يهديه ويصلحه .. عزيزتي اذا جاء بالسلامه من سفره استقبليه رحبي فيه وقومي بواجباتك معاه وقبل النوم عاتبيه عتاب الاحباب بدون لوم ولا ذم .. والله يوفقكم ويسعدكم .. |
مشكوره على المرور
|
اقتباس:
سؤال وسامحيني فيه كيفه مع الصلاة وليه مسافر |
من ناحية الصلاة هو ملتزم 00000وسبب سفرته علشان زوجته الثانيه
|
اذا عرف السبب بطل العجب
|
اغلب الرجال مايحب كثرة الاسئله ............
ليه مااتصلت ؟؟ من وين جاي ؟؟ غريبه متاخر للحين ؟؟ الصراحة اسئله ترفع الضغط ............. انصحك دام انه معدد .......لاتكثري عليه الاسئله وخليك عاديه جدا ... وطنشي سالفة اللعن يمكن كان اتصالك له بوقت كان معصب فيه ... سامحيه وطنشيه ........يعني لاتبيني انك زعلانه ........ولا تعيدي اسئله مره ثانيه خليه براحته وبتشوفي عقبها نتائج طيبه ........وبتتحسن علاقتك معاه..........والله يوفقك ويفرج همك ... |
| الساعة الآن 10:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©